Nokuba Kuti Bacili Baniini, Balakonzya Kwiiya Kulikwabilila
● Oobu mbwaakalemba mutumbu umwi waku California, kucisi ca U.S.A. kujatikizya kaambo kali mubbuku lyakuti Amwiiye ku Mwiiyi Mupati. Wakaamba kuti: “Mvwiki yamana, nindakamutola kucibbadela Javan mwanaangu musankwa uuli amyaka yotatwe yakuzyalwa, musilisi wakandibuzya naa mebo abalumi bangu twakamuyiisya mbwakonzya kukwabilila zizo zyakwe zyabusankwa. Ndakakkomana kapati kumwaambila zyabbuku lya Mwiiyi, ilyaamba kuti mwana teelede kulekela muntu uuli woonse kusobanya zizo zyakwe. Musilisi wakakkomana kuzyiba kuti twakamuyiisya mwaneesu makani aaya.”
Wakayungizya kuti: “Bbuku eeli lilaapandulula makani aaya munzila iili kabotu.” Cibalo ncaakali kwaamba cijisi mutwe wakuti, “Mbwaakakwabililwa Jesu.” Caamba mbobakamukwabilila Jesu Bausyi bakujulu kuti Mwami mubi Heroda atamujayi ciindi naakacili mwana nkaambo tanaakali kukonzya kulikwabilila. (Matayo 2:7-23) Mpoonya lilatondezya abana basyoonto mbobakonzya kuyiisyigwa kulikwabilila ikuti naa muntu uyanda kubasobanya zizo.
Mulakonzya kulomba bbuku eeli lijisi zifwanikiso zyeebeka lyamapeeji aali 256 imapati mbuli mapeeji aamagazini eeyi. Ciyandika buyo nkulemba kagwalo kali ansi aawa akukatuma kukkeyala iitondezyedwe naa kukkeyala yeelede iili apeeji 5 mumagazini eeyi.
□ Ndilomba kuti munditumine bbuku litondezyedwe waawa.
Amulembe mwaambo.
□ Amundilembele kujatikizya ciiyo ca Bbaibbele caaŋanda citabbadelwi.