Kuswaya ku Honduras

IBBALA lyakuti Honduras muci Spanish lyaamba “Bulamfwu.” Kwaambwa kuti eeli ndebbala Christopher Columbus ndyaakabelesya ikupandulula meenda aali kunkomwe yalwizi lwa Atlantic aali afwaafwi acisi eeci. Bamwi baamba kuti oobu mbocakapegwa zina cisi ca Honduras.

Bana Honduras balakubikkila kapati maano kusyomeka mumukwasyi alimwi akubelekelaamwi. Mucikozyanyo, zyakusala zipati-pati mbuli kuula zintu ziyandika aŋanda naa kuyiisya bana, zilacitwa amulumi antoomwe amukaintu wakwe.

Bantu banji baku Honduras mbaa mestizo, nkokuti bantu bazyalwa nobakwatana basicisi alimwi abantu baku Europe. Misyobo imwi yabasicisi mbuli ba Chortí, nkobacili. Basicisi bamwi mbuli ba Garifuna, bakali kuzwa kuzisi zimbi.

Ba Garifuna mbalunyungu lwamu Africa alimwi alwaba Carib Indian ibakali kukkala ansumbu iitegwa St. Vincent. Mumwaka wa 1797, ba Garifuna bakasika kunsumbu zitegwa Islas de la Bahía (Bay islands). Mpoonya bakazookkalila afwaafwi akunkomwe ya Caribbean yaku Central America. Kuzwa waawo ba Garifuna bakatalika kukkala muzyooko zya Central alimwi a North America.

Ba Garifuna balakukkomanina kuzyana ciindi nobalizya ngoma. Zilengwa zyabo zilabikkilizya akusama zisani zyeebeka zyamabala-mabala, kwaana, akujika zyakulya mbuli ereba (kkekke iipangwa kubelesya mwanja).

Kuli mbungano zya Bakamboni ba Jehova izili 400 mu Honduras. Miswaangano ilacitwa mu Chingisi, muci Spanish, muci Garifuna, mu Mwaambo Wakutambaika Waku Honduras, muci Mandarin Chinese, alimwi amuci Miskito.