Mudolopo lya Toledo momuli zintu zinji zyakaindi alimwi momucitilwa zilengwa zinji zyaku Spain. Mu 1986 yakapangwa kuti kalili dolopo licitilwa zintu zinji alimwi basikuswaya balaliyanda kapati
ZISI ALIMWI ABANTU
Kuswaya ku SPAIN
CISI ca Spain, ncisi cijisi zintu zyamisyobo-misyobo, caboola kunyika mboiyalidwe alimwi abantu. Cibeela cipati cacisi ca Spain cijisi myuunda yawiiti, misaansa, alimwi azisamu zyama olifa. Cisi nkocili kumusanza, kuli maanzi mubusena bulampa buyo makkilomita aabalilwa ku 14 aalo aandaanya cisi ca Spain alimwi acooko ca Africa.
Bantu banji—kubikkilizya bana Fonike, ba Giriki, alimwi aba Carthaginians—bakalongela kumusanza lwaambo kwacooko ca Europe. Ciindi bana Roma nobakasika mumwaanda wamyaka watatu B.C.E., cilawo cipya ncobakazunda bakali kuciita kuti Hispania. Mukuya kwaciindi, busena oobu bakwazula bantu baitwa kuti Visigoths alimwi aba Muslimu, balo boonse ibakaleka zilengwa zyabo.
Mumwaka wa 2015, bantu bainda ku 68 miliyoni bakaswaya ku Spain. Bunji bwabo baboolela zuba, nkomwe zyakulwizi zibotu, alimwi azintu zyakuzekaula zijanika mucisi, zintu zyakaindi, alimwi amayake mabotu. Azyalo zyakulya zyaku Spain zilabakwelelezya bantu banji baswaya. Zyakulya eezyi zilabikkilizya azilenge zimwi zyamulwizi, nyama yangulube, nyama amusinza, masalads, alimwi azisyumani zijikidwe naa zibikkidwe mafwuta aamaolifa. Zyakulya mbuli Spanish omelets, paella, alimwi a tapas zilizyibidwe nyika yoonse.
Mariscada ncakulya cijikwa kubelesya zilenge zyamulwizi
Cizyano ciitwa kuti flamenco
Bantu baku Spain mbalongwe kubantu alimwi balasangalizya. Bunji bwabo balyaamba kuti mbacikombelo ca Katolika, pele mbasyoonto bajanika ku Misa. Mumyaka misyoonto yainda bantu baku Africa, Asia, Latin America bakalongela ku Spain. Bunji bwabo balakkomana kubandika nzyobasyoma mubukombi alimwi akubandika zilengwa. Bakamboni ba Jehova balaba amibandi iigwasya ambabo alimwi bacikonzya kubagwasya kubona Bbaibbele ncoliyiisya mutwaambo tunji.
Mumwaka wa 2015, Bakamboni bainda ku 10,500 bakalisungula kuyaka naa kubambulula masena aabo aakukombela aali 70 aaitwa kuti Maanda aa Bwami. Bamfwulumende bakapa masena aakuyakila Maanda amwi aa Bwami. Kutegwa bagwasye bantu bazwa muzisi zimbi, Bakamboni ba Jehova balacita miswaangano mumyaambo iinda ku 30 kuyungizya amwaambo waci Spanish. Mumwaka wa 2016, bantu bainda ku 186,000 bakajanika kumuswaangano uulibedelede iwakacitwa a Bakamboni ba Jehova wakwiibaluka lufwu lwa Jesu Kristo.