Civwumbyo Cakunze

NOKUBA kuti mukwasyi nceciinga cabantu cakaindi kapati cizizilwe, uli mumapenzi sunu. Ibana babelesya misamu iikola alimwi akulwana mumaanda kwaindila, ayalo mikwasyi yamuzyali omwe yavwula, eezi zyoonse kubikkilizya amapenzi aambi aakatazya zipa kuti bamwi badooneke naa bukkale bwamukwasyi bulazumanana.

Sena mukwasyi cicili ciinga cikkalikide cakukkala kabotu kwabanamukwasyi? Ee, kufwumbwa kuti banamukwasyi kabaizi nzila ini-ini yakujana lukkomano mumukwasyi. Eeyi nzila taisisidwe pe. Yasolekwa alimwi yasinizigwa kwamyaanda yamyaka minji. Ino eyi ninzila nzi? Eeli bbuku litegwa Inzila Yakujana Lukkomano Mumukwasyi lilaingula mubuzyo oyo. Alimwi lilapa zikozyano zigwasya cini-cini ‘zyanzila’ eyi mboinga yagwasya kumana mapenzi manji-manjimumukwasyi. Sena kuli muntu mazubaano uutayandiki mana aaya?