Intalisyo

LEZA SINGUNZUZYOONSE ngo Mwami wakujulu aansi. Ibuumi bwesu bwalino alimwi abwakumbele buyeeme alinguwe. Ulijisi nguzu zyakulumbula alimwi azyakusubula. Ulijisi nguzu zyakupa buumi alimwi azyakujaya. Ikuti katucita zintu ziluleme kulinguwe, tuyoozwidilila; ikuti katucita zitaluleme kulinguwe, iciyootobela kulindiswe anooli mapenzi aatalikomeneni. Elo cilayandika kaka kulindiswe kuti bukombi bwesu kabutambulika kulinguwe!

Ibantu balakomba munzila zinjaanji. Ikuti naa bukombi kabuli mbuli nzila zinji zisololela kubusena bomwe, sena inzila zyoonse zyabukombi zilazuminwaa Leza? Peepe. Jesu, imusinsimi wa Leza wakatondezya kuti kuli buyo nzila zyobile. Wakaamba kuti: “Nzila impati njiitola kukunyonyooka, nkabela abo banjila mulinjiyo mbanji-banji. Mulyango uumanikide anzila iipatide njiitola kubuumi, nkabela abo biijana mbace.”—Matayo 7:13, 14.

Kuli buyo zikombelo zyobile: icisololela kubuumi alimwi acisololela kulunyonyooko. Imakanze aabroshuwa eeyi ngakumugwasya kujana nzila iisololela kubuumi butamani.