Sena Muyoocita Kuyanda kwa Jehova?

Twamulumba akaambo kakujana ciindi cakulanga-langa broshuwa eeyi kutegwa mubazyibe Bakamboni ba Jehova, mwiiye nzyotucita, akubona mboibeleka mbunga yesu. Tusyoma kuti yamugwasya kuzyiba kuti ndiswe tucita kuyanda kwa Jehova mazuba aano. Tumukulwaizya kuti muzumanane kujana luzyibo lwa Leza, kwaambila bamukwasyi wanu alimwi abeenzinyoko kujatikizya nzyomwiiya, alimwi akuyanzana andiswe lyoonse kumiswaangano ya Bunakristo.—Bahebrayo 10:23-25.

Muyoojana kuti mbomuyaabwiiya kujatikizya Jehova, muyoozyiba mbwamuyanda kapati. Mpoonya ciyoomupa kucita kufwumbwa ncomukonzya kutegwa andinywe mutondezye luyando kulinguwe. (1 Johane 4:8-10, 19) Pele mbuti mbomukonzya kutondezya kuti mulamuyanda Leza muzintu nzyomucita buzuba abuzuba? Nkaambo nzi ncocimugwasya kutobela zyeelelo zyakwe zyakulilemeka? Alimwi ncinzi ciyoomugwasya kuyanda kucita kuyanda kwa Leza antoomwe andiswe? Bayi banu ba Bbaibbele bayookkomana kumwaambila bwiinguzi kutegwa nywebo abamukwasyi wanu “muzumanane kukkala muluyando lwa Leza . . . nomulindila buumi butamani.”— Juda 21.

Twamutamba kuti muzumanane kuyaambele mukasimpe kwiinda mukwiiya bbuku litobela lyakuti ‘Amuzumanane Kukkala Muluyando lwa Leza.’