LAIBBULALI YAA INTANETI ya Watchower
Watchtower
LAIBBULALI YAA INTANETI
Chitonga
  • BBAIBBELE
  • ZYAKAMWAIGWA
  • MISWAANGANO
  • w99 8/1 p. 32
  • Ikulangana Mubala Abukombi

Kunyina vidiyo aawa mpomwasala.

Vidiyo yakaka kulila.

  • Ikulangana Mubala Abukombi
  • Ngazi Yamulindizi—1999
Ngazi Yamulindizi—1999
w99 8/1 p. 32

Ikulangana Mubala Abukombi

Imulembi muna South Africa wazina lya Mark Mathabane wakaamba majwi aya naakali kubuzyigwa abasimubweza twaambo bamagazini itegwa Time, “Nindakasika mucisi ca United States mumwaka wa 1978 ndakasyoma kwaamba kuti cisi ca Amelika cakalaamanide kale mapenzi akulangana mubala, akuti bantu basiya bakali kulangwa mbuli mukuwa wamucisi. Ndakacisinizya eci munzila zinji. Icisi ca United States cakaboneka kubaambele kapati kwiinda cisi ca South Africa mumakani aya. Lino ndakatyompwa kujana kuti bantu teebakacincide mumyoyo yabo.” Ncinzi cakamupa kubona nzyaatakali kuyeeyela?

Mathabane wakaamba kuti, “Iciindi ncendakabona kusalana caantangalala mu Amelika nciindi cakukomba camafwumofwumo ca 11:00hrs mu Nsondo.” Wakabona kuti nomuba mukati kacikombelo ibantu tabalisungwide kusangana kukomba abaabo bamubala umbi. Wakalibuzya kati: “Ino balimvwa buti kubantu bamubala umbi mumazubaambi nobatali kucikombelo?” Mathabane wakaamba kuti lwiiyo ndolukonzya kupa kuti bantu bacince kufwambaana, wakati: “Ilwiiyo lukugwasya kubona kuti bantu nobaba bamisyobo iisiyene-siyene mmbamwi.”

Bakamboni ba Jehova balazumina kuti lwiiyo ndolukonzya kugwasya, pele baamba kuti lwiiyo luzwa mu Jwi lya Leza ndolugwasya kapati. Inzya, Ibbaibbele lilabagwasya ikugwisya zintu zipa kuti bantu kabalangana ziimo—nomuba mumasi muzwide lusulano akaambo kamusyobo. Mvwiki amvwiki mu Maanda abo aa Bwami ibantu bamisyobo yandeene-andeene azisi balabungana antoomwe kuyiisigwa milawo abukkale bujanika mu Jwi lya Leza Bbaibbele. Mumiswaangano eyi taakwe weenzyeezya mutiba kubwezelela mali aakusanga pe. Mulaangulukide kujanika kumiswaangano eyi!

    Chitonga Publications (1991-2025)
    Log Out
    Log In
    • Chitonga
    • Amutumine Bamwi
    • Makani Ngomuyanda
    • Copyright © 2025 Watch Tower Bible and Tract Society of Pennsylvania
    • Nzyomweelede Kuzumina
    • Mulawo Uujatikizya Kubamba Maseseke
    • Privacy Settings
    • JW.ORG
    • Log In
    Amutumine Bamwi