Lyakapilusya Nweenwe Kuminwe Yabo

“AMULANGE minwe yangu. Sena kuli ncomwabona cilubide?” Imwaalumi umwi wakavwungulula minwe yakwe kutondezya mukaintu umwi iwakali umwi wa Bakamboni ba Jehova. Mukaintu oyo wakalangisya, mpoonya wakabona kuti nweenwe yabwiinga tiiyakaciliko kumunwe pe. Mwaalumi oyo wakapandulula kuti walo amukaintu wakwe tiibakacili kweendelana kabotu pe, aboobo bakasala kuti balekane buyo. Kamboni wakati: “Oyo tauli muzeezo mubotu pe! Amubweze bbuku eli mukalibale. Ndasyoma liyoomugwasya mulukwatano lwanu.” Elyo wakamupa bbuku lipandulula makani aamu Bbaibbele lya Luzibo Lutola Kubuumi Butamani.a

Nokwakainda mazuba aali mbwaabede, imwaalumi oyo wakapiluka kuli Kamboni uulya kakkomene. Wakamutondezya munwe yakwe. Lino wakaliisamide nweenwe yakwe yabwiinga. Wakamwaambila kuti walo amukaintu wakwe bakalibala bbuku lya Luzibo akuti lino balikkomene kapati. Inzya, ibbuku elyo lyakazipilusya nweenwe kuminwe yabo.

Ilulayo lwa Bbaibbele lulakonzya kugwasya mulumi amukaintu kunootondezyanya luyando. Cili boobu nkaambo kunyina uumbi iwakaanza Bbaibbele kunze lya Mulengi wesu, iwaamba kuti: “Ndime Jehova Leza wako. Ndime uukwiiyisya kuti ugwasigwe. Ndime uukweenzya munzila njoelede kutola.”—Isaya 48:17.

Bupanduluzi buyungizidwe