Sena Muyoojanika Mubuzuba Bwaalubazu?

MUBUZUBA butalubiki myaaka yiinda ku 3,500 yainda, Jehova Leza wakaambila bana Israyeli bakali mubuzike ku Egepita kuti bajaye kabelele naa kapongo mumikwasyi yabo akusansaila bulowa kuzicinda akuzikotamino zyamaanda aabo. Masiku ngoonaa ayo mungelo wa Leza wakaayindilila maanda aakajisi caando cili boobo, pele wakajaya bana bakusaanguna boonse mumaandaa bana Egepita. Mpoonya bana Israyeli bakalubulwa. Kuzwa leelyo, kufwumbwa buyo casika ciindi eco mumwaka, bama Juda balasekelela pobwe Lyakwiindilila.

Jesu Kristo mbwaakamanina buyo kusekelela pobwe Lyakwiindilila lyamamanino abaapostolo bakwe, wakatalisya cilyo cakali kunoozooibalusya lufwu lwakwe lwacituuzyo. Jesu wakaabila baapostolo bakwe mukamu uutakwe bumena akwaamba kuti: “Amubweze, mulye, nkaambo eci caamba mubili wangu,” NW. Alimwi wakabweza kanywido wabaabila, akwaamba kuti: “Amunywide mulinkako nyoonse, nkaambo eci caamba bulowa bwangu bwamulongo butililwa bantu banji kuti balekelelwe milandu yabo,” NW. Alimwi Jesu wakati: “Amukacite obo kuti mukandiyeeye.” (Mateyo 26:26-28,; Luka 22:19, 20) Aboobo Jesu wakalailila basikumutobela kuti beelede kunooyibaluka lufwu lwakwe.

Mwaka uno ideeti lyeendelana aleelyo Jesu naakafwa linooli muli Bwatatu mu April 19 lyaakubbila buyo zuba. Nyika yoonse mbwiizulwa Bakamboni ba Jehova bayoobungana ciindi camangolezya mubuzuba bwaalubazu obu kutegwa bacite Ciibalusyo kweelanaa mbwaakalailila Jesu. Mwatambwa kuti mukatusangane mukulangilila oku mubuzuba obu. Amubabuzye Bakamboni ba Jehova nkomuzwa kuti bamwaambile ciindi cini-cini abusena buyooswaanganinwa.