Makani Aabuleya Aalubazu
Ino Ndilili Nikuya Kuba Luumuno Lwini-lwini Akuliiba?
Kwamyaka minji bantu basola kubona mbobakonzya kuba muluumuno akuliiba. Pele baalilwa kulujana luumuno lwini-lwini. Ino nkaambo nzi? Ibbaibbele lilaamba twaambo tobilo tutondezya ncokutako luumuno. Alimwi Leza usyomezya kuti bantu baya kuba muluumuno akuliiba kwini-kwini munyika yoonse kukabe kutamani.
Ino ndilili alimwi muunzila nzi luumuno oolu akuliiba niziya kuba? Ino ncinzi ncomweelede kucita kutegwa mukajanike mubukkale oobu bubotu? Eeyi mibuzyo iya kwiingulwa mumakani aabuleya aajisi mutwe wakuti “Ino Ndilili Nikuya Kuba Luumuno Lwini-lwini Akuliiba?” Aaya makani aamu Bbaibbele aya kukananwa nyika yoonse mumasi aayinda ku 230. Mumasena manji, aaya makani aya kukananwa mu Ŋanda ya Bwami ya Bakamboni ba Jehova mu Nsondo, April 18, 2010. Bakamboni ibali kufwaafwi ankomukkala baya kumwaambila ciindi abusena. Mwatambwa kuti mukajanike.