Zyakwaambilizya
◼ Mabbuku aakumwaya mu April a May: Kulembya kwa Ngazi Yamulindizi. June: Luzibo Lutola kubuumi Butamani. Amubikkile maanu kapati aakutalisya ziiyo zya Bbaibbele zyaaŋanda. July a August: Kufwumbwa broshuwa lyamapeeji 32 akati kayaaya: Amutangale Abuumi Butamani a-Nyika!, Iciindi Muntu Ngomuyanda Nafwa, Imfwulumende Eeyo Iiyoleta Paradaiso, Ino Buumi Bujisi Mulimo nzi—Mbubuti Mbomunga Mwabujana?, Sena Ncobeni Leza Ulatulanganya?, Should You Believe in the Trinity? Kuyungizya waawa inga twamwaya kufwumbwa bbuku lyamapeeji 192 akati kayaaya: Happiness—How to Find It, Kumamumvetsera Mphunzitsi Wamkuru’yo, Kupulumuka Kulowa m’Dziko Lapansi Latsopano, “Let Your Kingdom Come,” Mtendere Weniweni ndi Chisungiko Pansi pa “Kalonga Wamtendere,” Ogwirizana m’Kulambiridwa kwa Mulungu Yekha Wowona. Aaya mabbuku ali aamuulo ulibedelede wa K400.00 kuli basikumwaya akubuleya awa K300.00 kuli bapainiya.
◼ Kubalangizi beendelezya: Twamutamba kuti mutume ku Sosaiti zyakuluula zili zyoonse kuzwa mumbungano yanu izyacitika mukati kamwaka, kubikkilizyaa zyakuluula zya mulimo wabupainiya bwakugwasilizya. Twamulomba mubone kuti zyatumwa mumweezi ooyu uboola, mu May 1997. Alimwi twamulomba muyeeye kutuzyibyaa makani mbuli aakuti na muntu wapa zyakuluula ezi ngusikumwaya uutasotauki, alimwi naa ujisi ciimo cibotu mumbungano, izina lyakwe alya mbungano njaswaanganaayo. Mazuba nizyakacitika, mazina aamasena aabantu babandaukwa mukuluula ooko, alimwi azina lyamulangizi weendelezya lyeelede kupegwa lyoonse kalikkwene.
◼ Mulangizi weendelezya weelede kubuzya ku mulembi aazintu eezi: Sena kuli basikumwaya bamwi ibakalonga kuya kumbi kuzwa mumbungano calino-lino aawa? Sena makani aabajatikizya akatumwa kubaalu mumbungano njobaswaanganaayo ono kutegwa basikumwaya aaba batambulwe akugwasigwa abakwesu bali nkuko? Sena kuli basikumwaya bamwi ibalongela mumbungano yanu calino-lino aawa? Sena mulembi walingula kwiinda mukumulembela mulembi wambungano nkobakazyila? Ino makkaadi aamumulimo aabasikumwayaaba akatumwa?
◼ Ikabunga kategwa Kingdom Hall Desk kalikkomene kuzyibya mbungano zyoonse kuti Ŋanda zya Bwami zipya zyobilo calino-lino aawa zyakayakwa akwaabwa ku Chelstone aku Chipata Overspill mu Lusaka alimwi aimbi yomwe ku Kabwe. Aaya maanda mapya alimukuyakwa mumazuba aakubeleka aali cisambomwe naa ciloba. Mibuzyo minji ilaa kutambulwa kuzwa mumasena oonse aacisi cino yakulomba lugwasyo mukujana malooni kutegwa bayake Ŋanda zya Bwami. Kutegwa Sosaiti ipe looni, busena bumwi abumwi bweelede kuti kabulembedwe aapepa lyabumukamwini muzina lya kabunga kanyenzi ka ‘Registered Trustees’ naa ba, “Zambia Association of Jehovah’s Witnesses Registered Trustees.” Tukulwaizya zyoonse mbungano kuti zibweze ntaamu zyeelede zyakujana mapepa aabumukamwini. Ikuti naa muyanda lugwasyo, twamulomba mulembele kakamu ku Sosaiti ka Kingdom Hall Desk.
◼ Imbungano zimwi lyoonse zilasanga mali aakugwasya ‘Bakwesu Babulide’ alimwi eezi zilalumbwa kapati. Nekuba boobo, kusanga ooku kwamamagazini amabbuku kusika buyo aamweelwe wamali uusika aa K165,000 mweezi amweezi. Sosaiti ituma makkopi aa Ngazi Yamulindizi aali 12,510 mweezi amweezi kuti agwasye mikwasyi iitakonzyi kwaasangila. Muulo wamweezi amweezi wama magazini aaya ngu K2,502,000, kumane alimwi mamiliyoni manji aambi aama Kwacha alabelesegwa mukutumina mikwasyi eeyi ibbuku lya ciiyo ca bbuku. Cakali kulangilwa kuti myuulo niyaali kuya kuzuzikizigwaa bunji bwandiswe ibali muciimo cakukonzya kusanga. (2 Kor. 8:14) Imbungano zimwi ambuli sunu buya tazinaa kujana kabbokesi mwakusangila kutegwa eeci kacicitika. Jesu wakabafwida luzyalo bakabulide aboobo inga twamukozya kwiinda mukugwasilizya bubambe mbuli boobu. Aabo batambula mabbuku amamagazini munzila eeyi inga abalo batondezya kulumba kwabo kwiinda mukusanga ciindi cili coonse nobaba muciimo cakukonzya.—Lk. 21:1-4.
◼ Mabbuku mapya aaliwo:
Watch Tower Publications Index 1986-1995 (K8,250.00 kuli basikumwaya a K6,000.00 kuli painiya)—Cingisi