Atumwiimbile Jehova
1 Ino kwiimba kuyandika buti mubukombi bwasunu? Ino bantu ba Jehova inga bamukkomanisya buti Jehova kwiinda mukoompolola majwi abo mukwiimba? Mbusena nzi kwiimba mbokweelede kuba ankuko mukukomba kwakasimpe? Ngazi Yamulindizi ya February 1, 1997 ya Chichewa yakaingula mibuzyo eyo iipa kuyeeya mucibalo cakuti: “Malo a Nyimbo Pakulambila Kwamakono.”
2 Ikwiimba ncipego kuzwa kuli Leza. Koompolola majwi esu mukwiimba kulakonzya kutuletela lukkomano swebo alimwi a mulengi wesu. Kwiinda mulinkuko, tulakonzya kwaamba luyando lwesu, bulemu alimwi antembauzyo kuli Jehova Intalisyo yanyimbo.
3 Kutegwa tugwasigwe kulibambila alimwi akutola lubazu mukwiimba ku Muswaangano Wacooko wamwaka uno wa “Lusyomo mu Jwi lya Leza” iba Sosaiti basala nyimbo zitobela ziyoobelesyegwa: 2, 7, 1, 4, 5, 11, 28, 22, 9, 13, 15, 25, 23, 19, 26, 27, 21 a 17.
4 Kwiimba camoyo oonse kulakonzya kutubikka muciimo ciluzi camizeezo alimwi amoyo kukuswiilisisya progilamu alimwi kuyootukulwaizya kutola lubazu kapati mukukomba Jehova. Aboobo tukulwaizigwa kwiiya nyimbo ezi ciindi kaciciliko kutegwa tukabikkile maanu kucoolwe cesu alimwi amulimo wakuziimba.