Zyakwaambilizya

◼ Mabbuku aakumwaya mu October: Kulembya kwa Ngazi Yamulindizi naa Awake! naa mamagazini oonse obile. Ikutalikila mu October 12, Makani aa Bwami No. 35 ayoomwaigwa. November: Ikumwaya Makani aa Bwami No. 35 kuyoozumanana. Imbungano izyamanizya kubeleka mucilawo cazyo kwiinda mukusikila bantu boonse bali muŋanda yomwe-yomwe akapepa ka Makani aa Bwami No. 35 balakonzya kumwaya bbuku lya Luzibo. December: New World Translation antoomwe abbuku lyakuti Baibulo—Kodi Ndilo Mawu a Mulungu Kapena a Munthu? January: Kufwumbwa bbuku lyamapeeji aali 192 ilyakamwaigwa kautanasika mwaka wa 1985 imbungano ndolinoojisi. Imbungano izitajisi mabbuku aya zilakonzya kumwaya amwi ayaaya mabbuku, Mtendere Weniweni ndi Chisungiko—Kodi Mungazipeze Motani?, Ogwirizana m’Kulambiridwa kwa Mulungu Yekha Wowona naa Chisungiko cha Padziko Lonse mu Ulamuliro wa “Kalonga wa Mtendere.”

◼ Ipepa lyamukati mu Mulimo Wesu Wabwami oyu ndya “Mulongo Waziiyo mu Cikolo Camulimo Wateokrasi wa 1998” elyo lyeelede kubambwa kalibelesegwa mumwaka woonse wa 1998.

◼ Akaambo kakuti kunooli nsondo zyosanwe mumwezi wa November, ooyu mwezi unooli mubotu kubanji kucita bupainiya bwakugwasilizya.

◼ Iziindi zyamiswaangano yambungano zinji ziyoocinca mu January 1. Aboobo, inga kwayandika kwaambilizya ziindi zipya zyamiswaangano.

◼ Mulembi weelede kubona kwaamba kuti malipooti aamulimo aamwezi atumwa kubusena busiilwa zibbudu naa kutumwa ku Sosaiti kusikila mubuzuba bwacisambomwe bwamwezi omwe-omwe.

◼ Mulangizi weendelezya weelede kulanga zintu ezi kumulembi: Sena kuli basikumwaya balonga kuzwa mumbungano ino-ino? Sena baalu bakumbungano nkobalongela bazibisigwa kutegwa basikumwaya aaba batambulwe kabotu akugwasigwa abakwesu bankuko? Sena kuli basikumwaya balongela kumbungano yanu caino-ino? Sena mulembi wakatuminwa zyoonse ziyandika kumulembi wambungano nkobakazwa? Sena kkaadi iijisi makani aasikumwaya yakatumwa?

◼ Mbungano zyeelede kutalikila limwi kooda Kulingaula Magwalo Mazuba Oonse—1998 antoomwe aoda yabo yamabbuku ya October. Ootu tubbuku tunooliko mu Chichewa, Chitonga, Cibemba, Cilozi, Cilubale alimwi a Cingisi. Ootu tubbuku toodwa buyo notwalombwa, alimwi mumapepa aatondezya mabbuku aatuminwa kumbungano kunoolembedwe kuti “aakale” kujatikizya tubbuku ootu kusikila tukatumwe.

◼ Mabbuku Aaliko:

Bukhu Lolangiza la Sukulu Yateokratiki—Cingisi

Kukambitsirana za m’Malemba—Cingisi

Post Cards (Cd-10)