Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya September 1 kusikila ku December 22, 1997. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule twaambo tutobela naa akamwi Kaliluzi naa Takaluzi:
1. Nokwatali bubi kuti Leza naatakapa zilenge zyamaanu ikukonzya kulisalila. [rs-CN p. 428 munc. 2]
2. Kuli Luka 22:30, “Misyobo iili kumi ayobile ya-Israyeli” njimwi buyo ayaambwa kuli Matayo 19:28, kwalo bupanduluzi nkobujatikizya abambi bantu boonse kunze lyabapaizi basyoonto bazyedwe mumuuya wa Jesu. [Kubala kwa Bbaibbele kwansondo ansondo; amubone w87-CN 3/1 p. 27 munc. 10; p. 28 munc. 12.]
3. Ikweelana abwaamba Johane 4:27, ikaambo basiciiya ba Jesu ncobakagambwa kuti waambaula aamukaintu muna Samariya nkakuti wakali muntu uutalilemeki. [Kubala kwa Bbaibbele kwansondo ansondo; amubone w95-CN 7/15 p. 15 minc. 1-2.]
4. Ikaambo kakuti “kuzwida kumatalikilo” kuli Johane 6:64 katondezya kuti Jesu ciindi naakasala Judase kuba mwaapostolo wakalizi kuti nguuyoomwaamba. [Kubala kwa Bbaibbele kwansondo ansondo; amubone it-2 p. 129 minc. 4-6.]
5. Ikubaa lukkomano mubuumi bwamukwasyi wa Bunakristo kujatikizya buyo kuleka kutalilemeka kwakoonana, alimwi akulembya lukwatano kumfwulumende. [uw-CN p. 139 munc. 1]
6. Lugwalo lwa 1 Petro 3:3, 4 talukasyi kubelesya bulungu amafwuta cansaizi mbubonya mbolutakasyi kusama kwamasini. [rs-CN p. 435 munc. 1]
7. Lugwalo lwa Kulonga 21:22, 23 lulatugwasya kuteelela kuti mwana uucili mwida mmuyandisi kuli Leza. [kl-CG p. 128 munc. 21]
8. Kuti mukombima watubisizya, inga kwaba kulubizya ikumusula akumweeleba mubuumi bwesu. [uw-CN p. 134 munc. 7]
9. Toonse tuyandika lulayo akululamikwa. [uw-CN p. 130 munc. 12]
10. Ibweendelezi bwacisi nokuba kuti kabubonwa kululama naa kutalulama, Ibanakristo beni-beni beelede kulembya lukwatano lwabo kulimbubo. [kl-CG p. 122 munc. 11]
Amwiingule mibuzyo iitobela:
11. Ino busilutwe bwa Bunakristo bweelede kweenzegwa buti? [uw-CN p. 142 munc. 7]
12. Amupandulule ikubelesyegwa kwabbala lya “sikumugwasya” ku Matalikilo 2:18, ncokutali kusampula bamakaintu. [rs-CN p. 431 munc. 3]
13. Nkaambo nzi Jesu ncaakakakila kunjilila mumazwanga aalukono? (Lk. 12:13, 14) [Kubala kwa Bbaibbele kwansondo ansondo; amubone w97-CN 4/1 p. 28.]
14. Ncinzi ncobatakazi basiciiya ciindi nobakabuzya Jesu naa ulabubweedezya Bwami kubana Israyeli, kweelana azilembedwe ku Incito 1:6? [Kubala kwa Bbaibbele kwansondo ansondo; amubone w90-CN 6/1 p. 11 munc. 4.]
15. Amwaambe zintu zyobile zinga zyagwasilizya kuti lukwatano cibe cintu cikkala. [uw-CN p. 140 munc. 4]
16. Nkaambo nzi mukaintu Munakristo ncasamina cimwi cintu kumutwe zimwi ziindi? [rs-CN p. 433 munc. 2]
17. Nkaambo nzi New World Translation nciyaamba kuti “Eelyo Jwi lyakali lyabuleza” kutali kuti “Ijwi oyo wakali Leza” mbuli bwaamba ambi ma Bbaibbele kuli Johane 1:1? [Kubala kwa Bbaibbele kwansondo ansondo; amubone rs-CN 212 munc. 5.]·
18. Mbuti Mulawo wa Musa “[mbuwakazibya] bantu zibi zyabo”? (Baga. 3:19, Ci) [uw-CN p. 147 munc. 4]
19. Mbokunga Jesu wakali muntu uulondokede alimwi wakazumina kuti Mmwiiyi, nkaambo nzi ino ncaatakazumina kwiitwa kuti “Mufundisi mubotu”? (Lk. 18:18, 19) [Kubala kwa Bbaibbele kwansondo ansondo; amubone w95-CN 3/1 p. 15 munc. 7.]
20. Ncinzi cakacita mulawo wakuli Johane 13:34 kuba mupya? [Kubala kwa Bbaibbele kwansondo ansondo; amubone w90-CN 2/1 p. 21 minc. 5-6.]
Amupe bbala naa mabala naa majwi aayandika kumaninizya twaambo otu tutobela:
21. Kuti twaziba kuti mukwesu ulaa tongoosi kujatikizya ndiswe, kuyandika ․․․․․․․․ antoomwe a ․․․․․․․․ kuti tutole ntaamu yakusoleka kupilusya ․․․․․․․․. [uw-CN p. 135 munc. 10]
22. “Mpondo zili kumi” ziiminina ․․․․․․․․ nzyobanga babelesya basiciiya bananikidwe muuya mukucita bambi kuba ․․․․․․․․ Bwami bwakujulu. (Lk. 19:13) [Kubala kwa Bbaibbele kwansondo ansondo; amubone w89-CN 10/1 p. 8.]
23. Milandu yotatwe ba Juda njobakatongooka Jesu kuli Pilato, mweendelezi mu Roma wa Judaya, yakali kubikkilizya kunyonganya ․․․․․․․․, kukasya kubbadela ․․․․․․․․, alimwi akulyaamba lwakwe kuti ․․․․․․․․. (Lk. 23:2) [Kubala kwa Bbaibbele kwansondo ansondo; amubone w90-CN 12/1 p. 9 munc. 1.]
24. Luyando lwesu kubakwesu inga lwayungizigwa kuti twalipenzya tobeni akaambo kakulekelela ․․․․․․․․ kusyoonto nkobacita, akulangisya ․․․․․․․․ bwabo bubotu, akubona mbuli mbwali mukubabelesya ․․․․․․․․. [uw-CN p. 137 munc. 15]
25. Mbotuli basikwiiya Bbaibbele, tweelede kwiiya kubelesya ma index aaliwo ikuvwuntauzya twaambo, tatweelede kulangila bwiinguzi bwakuti ․․․․․․․․ naa ․․․․․․․․ buyo kumibuzyo yoonse, alimwi tweelede ․․․․․․․․ munzila yeendelana aluyando lwesu kuli ․․․․․․․․ alimwi abanamukwasyi. [uw-CN p. 144 munc. 13]
Amusale bwiinguzi buluzi mukaambo kamwi akamwi katootu tutobela:
26. Kweelana abwaamba mwaapostolo Petro, (luzyalo lwa; luyando lwa; kukkazika moyo kwa) Jehova mane kusikila sunu ncintu capa ciindi cakuti tulitondezye (kweempwa; kusyomeka; kumvwa). (2 Pet. 3:9) [rs-CN p. 429 munc. 2]
27. Ibwini bunununa bantu mbwini bujatikizya (sayaansi; bukombi bwakubeja; Jesu Kristo) nkaambo ikwalo kwiinda muli mbubo motunga twanununwa kuzwa ku (ziyiisyo zyakubeja; lucengo lwanyika; zinyonyoono zileta lufwu). (Johane 8:12-36) [Kubala kwa Bbaibbele kwansondo ansondo; amubone w88-CN 5/1 p. 9 munc. 5.]
28. “Mbelele zimwi” izyaambwa kuli Johane 10:16 ziiminina (Banakristo bamasi; Banakristo ba Juda; boonse aabo balaa bulangizi bwabuumi bwamu Paradaiso anyika). [Kubala kwa Bbaibbele kwansondo ansondo; amubone w95-CN 4/15 p. 31 munc. 4.]
29. Ciindi Jesu naakabuzya mwaapostolo Petro naa ulamuyanda, wakalikubuzya kuti, “Sena ulandiyandisya kwiinda (mboyanda baaba basiciiyanyoko; mbobandiyanda aaba basiciiyanyoko; eezi zintu, mbuli nswi)?” (Johane 21:15) [Kubala kwa Bbaibbele kwansondo ansondo; amubone w88-CN 11/1 p. 31 munc. 9.]
30. Kuti katupona buumi bwabunaleza, tulaa cisinizyo cakuti (lyoonse bambi bayootweendelezya kabotu; tuyoobaa maunda-maunda aalubono kuciindi cino; Leza uyootukkomanina akaambo kakuti tucita ciluzi). [kl-CG p. 118 munc. 2]
Amweendelanye Magwalo aatobela atwaambo tuli mumulongo uutobela:
Kul. 31:12, 13; Tus. 3: 9, 10; Mt. 5: 14-16; Lk. 13:4, 5; Rom. 7:6, 7
31. Jesu wakuukazya muzeezo wakuti zintu zyoonse zibikkilidwe limwi ciindi cakuti zicitike, kaamba ntenda imwi yakazizilwe kubaswiilizi bakwe yalo njaakatondezya kuti yakalicitikila buyo cakutalangilwa. [Kubala kwa Bbaibbele kwansondo ansondo; amubone w96-CN 9/1 p. 5 munc. 5.]
32. Mulawo wa Musa kwiina nowakajatikizidwe kubantu boonse. [uw-CN p. 147 munc. 5]
33. Jehova uyootulongezya kuti twabelesya ciindi cesu, nguzu, alimwi alubono ikugwasilizya bukombi bwini-bwini. [kl-CG p. 120 munc. 8]
34. Ciindi Mulawo wa Musa nowakagwisigwa, wakali kubikkilizya a Milawo iili Kkumi. [uw-CN p. 147 munc. 5]
35. Ibanakristo beelede kusungwaala kupa nyika ibukamboni kujatikizya zina lya Leza amakanze akwe. [rs-CN p. 438 munc. 4]