Zyakwaambilizya
◼ Mabbuku aakumwaya mu April a May: Ikulembya kwa Ngazi Yamulindizi. June: Inzila Yakujana Lukkomano Mumukwasyi. July a August: Kufwumbwa broshuwa yamapeeji aali 32 akati kayaaya ilakonzya kubelesyegwa: Sena Ncobeni Leza Ulatulanganya?, Amutangale Abuumi Butamani a-Nyika!, Should You Believe in the Trinity?, Imfulumende Eeyo Iiyoleta Paradaiso, Ino Buumi Bujisi Mulimo nzi—Mbubuti Mbomunga Mwabujana?, alimwi a Iciindi Muntu Ngomuyanda Nafwa. Imabroshuwa aa A Book for All People, Our Problems—Who Will Help Us Solve Them?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, alimwi a Will There Ever be a World Without War? alakonzya kumwaigwa nkwaayelede.
◼ Ciindi basikumwaya nobabelekela kubusena kuyandika lugwasyo, balakonzya kumwaya bbuku lya Luzibo naa broshuwa ya Ncayanda. Ikuti mwini munzi kaajisi kale aaya mabbuku obile, kufwumbwa bbuku limbi lilakonzya kumwaigwa. Boonse beelede kutolelezya amatulakiti aasiyene-siyene aakusiila ibatajaniki amaanda naa ibantu ibataatambuli mabbuku. Ikuti basikumwaya naa imbungano kazicijisi Makani aa Bwami No. 35, alakonzya kubelesyegwa kusiila bantu. Ikupilukila kubantu bakatondezya luyando kweelede kucitwa.
◼ Mbwaanga mwezi wa May ujisi nsondo zyosanwe zikkwene, mmwezi mubotu kubanamunji kucita bupainiya bwakugwasilizya.
◼ Kubalangizi beendelezya: Tumulomba kuti mutume ku Sosaiti zyakuluula zili zyoonse kuzwa mumbungano yanu izyacitika mukati kamwaka, kubikkilizyaa zyakuluula zyamulimo wabupainiya bwakugwasilizya. Twamulomba mubone kuti zyatumwa mumweezi ooyu uboola, mu May 1998. Alimwi twamulomba mutuzyibye naa muntu wapa zyakuluula ezi ngusikumwaya uutasotauki-sotauki, alimwi naa ujisi ciimo cibotu mumbungano, izina lyakwe alyambungano njaswaanganaayo. Mazuba nizyakacitika, mazina aamasena aabantu babandaukwa mukuluula oko, alimwi azina lyamulangizi weendelezya lyeelede kupegwa lyoonse kalikkwene.
◼ Mulangizi weendelezya weelede kubuzya kumulembi aazintu eezi: Sena kuli basikumwaya bamwi ibakalonga ikuya kumbi kuzwa mumbungano calino-lino aawa? Sena makani aabajakizya akatuminwa kubaalu mumbungano njobaswaanganaayo ono kutegwa basikumwaya aaba batambulwe akugwasigwa abakwesu bali nkuko? Sena kuli basikumwaya bamwi ibalongela mumbungano yanu calino-lino aawa? Sena mulembi walingula kwiinda mukumulembela mulembi wambungano nkobakazyila? Ino makkaadi aamulimo aabasikumwayaaba akatumwa?
◼ Iba Sosaiti tabaalanganyi maoda aamabbuku aasikumwaya omwe-omwe. Mulangizi weendelezya weelede kubona kwaamba kuti kwaambilizigwa mwezi amwezi mbungano kaitanatuma oda yamabbuku yamwezi amwezi ku Sosaiti ikutegwa boonse bayanda mabbuku bakonzye kwaambila mukwesu uulanga zyamabbuku. Alimwi mweelede kuti kamwaazi mabbuku aatacitwi coodwe-odwe ccita kuti kuli uyanda.
◼ Mabbuku Mapya Aaliko:
The Divine Name That Will Endure Forever—Cingisi
A Book for All People—Chichewa
◼ Ima Compact Disc Mapya Aaliko:
Kingdom Melodies, Volume 1