Zyakwaambilizya

◼ Mabbuku aakumwaya mu September: Luzibo Lutola Kubuumi Butamani. October: Ikumwaya kwakulembya kwa Ngazi Yamulindizi naa Awake! naa mamagazini obile oonse. November: Luzibo Lutola Kubuumi Butamani. December: Munthu Wamukulu Woposa Onse Amene Anakhalako antoomwe a New World Translation.

◼ Mulangizi weendelezya naa uumbi buyo muntu uutumidwe aanguwe weelede kulingula maakkaunti aambungano mu September 1 naa cakufwambaana aciindi cimbi kuzwa buzuba obo. Amwaambilizye kumbungano mwamana kucita boobo.

◼ Waini waku Ciibalusyo: Imbungano zyamuminzi zilakonzya kooda waini ono. Amutumine foomu ya S-20 iili nsini amali. Amulembe kabotu-kabotu mumuzila omwe imutalembedwe cimbi kuti “FOR WINE.” Mutatumini lugwalo luli loonse naa S-14, amutumine buyo S-20. Ikuti kakunoonyina mali, waini taikatuminwi pe. Imuulo wabbodela liyumuna 200ml ngu K1,500.00. Ibuzuba bwamamanino bwakutambula maoda muu December 31, 1998. Waini uyootuminwa mu February 1999.

◼ Ibaalu bayeezegwa kubona kwaamba kuti baatobela malailile aapedwe mumapeeji 21-3 aa Ngazi Yamulindizi ya April 15, 1991 yamu Chichewa aajatikizya bantu bagwisidwe ibalibonya kuti beempwa bayanda kubweedezyegwa.

◼ Aabo ibayanzanaa mbungano imwi beelede kutumina tupepa twakulembya itupya alimwi atwakwiindulula twa Ngazi Yamulindizi a Awake!, ikubikkilizyaa tupepa twabo twakulembya kwiinda mumbungano.

◼ Mulangizi weendelezya weelede kubona kuti kwaambilizigwa mweezi amweezi mbungano kaitana tuma oda yamabbuku yamweezi amweezi ku Sosaiti ikutegwa boonse bayanda mabbuku bakonzye kwaambila mukwesu uulanga zyamabbuku. Elyo mweelede kuti kamwaazi mabbuku aaodwa buyo ccita kuti kuli waayanda alimwi maoda ayelede kutuminwa antoomwe amali.

◼ Imasena muyandika kuyaka Maanda aa Bwami mapya ku Copperbelt aku Lusaka avwula kapati. Sena inga mwalisungula kugwasilizya? Sena kuli luzibo lwamayake luli loonse ndomujisi? Sena mulilisungwide kuyiisigwa? Nobaalu abakutausi, sena inga mwalisungula kugwasilizya? Sena mulayanda kutola lubazu mupulogilamu mpya yakuyaka yaba Sosaiti? Ikuti naa mboobo mwalombwa musaine ifoomu litegwa Volunteer Worker Questionnaire mpoonya mulitumine ku Sosaiti.

◼ Iba Sosaiti bapa kulumba kwabo kukulisungula kwakacitwaa bapainiya banji kwakuzyoobelekela mumuunda wesu. Tumuzyibya kuti tatuciyandiki lugwasyo lumbi pe mane do kwaakuyandika alimwi.

◼ Imabbuku Aaliko:

Luzibo Lutola Kubuumi Butamani—Chichewa, Chitonga, Cibemba, Cingisi, Cifulenci, Cilubale, Cipotyugizi, Cishona, Cilozi, Ciswahili, Citumbuka

Amwiimbile Jehova Ntembauzyo (nsaizi nsyoonto)—Cishona