Zyakwaambilizya
◼ Mabbuku aakumwaya mu November: Luzibo Lutola Kubuumi Butamani. December: Munthu Wamukulu Woposa Onse Amene Anakhalako. January: Mabbuku aali woonse aajisi mapeeji aali 192 aakamwaigwa kautanasika mwaka wa 1985 imbungano ngoijisi. Imbungano izitajisi mabbuku aaya zilakonzya kooda aaya aatobela ku Sosaiti: Worldwide Security Under the “Prince of Peace” mu Cingisi. Mabbuku aaya ajisi muulo waalubazu wa K400.00 kubapainiya awa K500.00 kuli basikumwaya akubuleya. Twamuzibya kuti imabbuku aa Luzibo Lutola Kubuumi Butamani, Inzila Yakujana Lukkomano Mumukwasyi alimwi abbuku pya lya Is there a Creator Who Cares About Us? taabikkilizidwe pe. February: Inzila Yakujana Lukkomano Mumukwasyi.
◼ Imbungano zyeelede kutalikila limwi kulomba 1999 Yearbook of Jehovah’s Witnesses muoda yamu November. Yearbook inooliko mu Cingisi. Kusikila Yearbook ikajanike alimwi amaoda akatuminwe, aatupepa twamaoda twambungano kunoolembedwe kuti “Back Ordered.” Ima Yearbook mabbuku aalombwa nokuli waayanda alimwi ayelede kubbadelelwa ciindi nokulembwa oda. Imafoomu aa S-14 alimwi a S-20 ayelede kutuminwa antoomwe, ayelede kaajisi deeti yomwe alimwi ayelede kaalembedwe kuti “C.W.O.” Ikuti kakunyina mali aayootambulwa aoda, ioda eyo iyoolekwa buyo. Ncimwi buyo anomooda ma Kalenda alimwi atubbuku twa Kulingaula Magwalo Mazuba Oonse.
◼ Izyoolwe zyakupanga nyendo kuya mumasi aakule tazicikatazyi mazubaano. Aboobo ibakwesu banji balibambila kuyooswaya masi aambi. Kanjikanji babuzya mitabi ya Sosaiti kuti balombe lugwasyo mumakani amwi ngobayanda. Imaofesi aamitabi alilibambilide ikupa makkeyala aa Ŋanda zya Bwami alimwi aciindi camiswaangano ikutegwa citakatazyi kujana mbungano zinyenzi kucisi eco. Alimwi balakonzya ikupa malailile kujatikizya ciindi cakuswaya ofesi lyamutabi. Nokuba boobo, imalipooti atondezya kuti imibuzyo iimbi ilabuzigwa kujatikizya bubambe bwabweende, ikwakoona, zyeebeka zyacisi eco alimwi amakani ambi. Ibakumaofesi aamutabi tabakonzyi alimwi banyina ciindi cakupa malailile aamusyobo oyu. Basikuswaya bakulwaizigwa kubuzya kumbunga zyazisi mbuli zyeendelezya makani aanyendo, naa beendelezya makani aabantu bazwa mumasi aambi balo lyoonse ibapa makani aabasikweendeenda ibazwa kule.
◼ Mabbuku Aaliko:
Elementary Bible Teachings—Citumbuka