Zyakwaambilizya
◼ Mabbuku aakumwaya mu August: Kufwumbwa broshuwa akati kayaaya aamapeeji aali 32 inga yabelesegwa: Sena Ncobeni Leza Ulatulanganya?, Mutangale Abuumi Butamani a-Nyika! Should You Believe in the Trinity?, The Government That Will Bring Paradise, Ncinzi Cicitika Kulindiswe Twafwa?, Ino Buumi Bujisi Mulimonzi_Mbubuti Mbomunga Mwabujana? alimwi a Ciindi Muntu Ngomuyanda Nafwa. Imabroshuwa aakuti A Book For All People, Our Problems Who Will Help Us Solve Them? Myuuya Yabafwide, Sena Inga Yamugwasya Naba Kumucisa? Sena Ncobeni Nkwiili alimwi a Will There Ever Be A World Without War? September: Luzibo Lutola Kubuumi Butamani naa Muntu Mupati Kwiinda Iwakaponede. October: Kulembya kwa Ngazi Yamulindizi alimwi a Awake!. November: Ncinzi Leza Ncayanda Kulindiswe? naa Luzibo Lutola Kubuumi Butamani.
◼ Mumunzi uli woonse kuli ziindi zyakulyookezya mukati kamwaka mumazuba aasiyene-siyene ibana nobatayiyi alimwi ababelesi nobatabeleki. Eezi nziindi zibotu imbungano nozinga zyatola lubazu kapati mumulimo wamumuunda. Ibaalu beelede kulibambilila limwi akuzibya mbungano bubambe buli mukucitwa bwakucita bumboni bwamunkamu muziindi ezi zyakulyookezya.
◼ Imafoomu manji aakubelesya mumwaka wamulimo wa 2000 alimukutumwa kumbungano imwi aimwi. Amwaabelesye kabotu mafoomu aaya. Kaabelesegwa buyo kumulimo ngwaakabambilwa.
◼ Imbungano imwi aimwi iyootambula mafoomu otatwe aategwa Ipepa Lilembelwa Mweelwe Wamabbuku (S-AB-18). Mulembi wambungano weelede kubonana amubelesi uulanganya mabbuku kumatalikilo aa August, bakapangane buzuba bwakubala mabbuku aambungano kumamanino aamwezi. Mabbuku oonse aaliko ayelede kubalwa, mpoonya mweelwe ukalembwe aa Pepa Lilembelwa Mweelwe Wamabbuku. Imweelwe wamamagazini aaliko mulakonzya kuujana kumubelesi uulanganya mamagazini. Ipepa ndyomwalemba kusaanguna mweelede kulituma ku Sosaiti kabutanasika buzuba bwa September 6. Ikkopi yabili amwiibambe mufailo yanu. Iyatatu inga yabelesegwa mbuli pepa lyakulembela. Imulimo wakubala weelede kweendelezegwaa mulembi, pele foomu iyamanizigwa kulembwa inga yapegwa mulangizi weendelezya kutegwa ailange-lange kusinizya kuti zyoonse zili kabotu. Mulembi amulangizi weendelezya bakaisaine foomu.
◼ Imbungano inga zyatalika kooda 2000 Calendar of Jehovah’s Witnesses aoda yazyo yamabbuku ya September. Kunooli makkalenda aamu Chichewa amu Cibemba alimwi amu Cingisi. Eezi Nzintu Zyoodwa Buyo Nozyalombwa, aboobo maoda oonse kaatuminwa antoomwe AMALI. Ima S-14 alimwi a S-20 ayelede kaajisi deeti yomwe alimwi kaatuminwa antoomwe oonse obile kaalembedwe kuti C.W.O.
◼ Ikutalikila mu August 23, 1999 kuyoosikila mu August 27, 1999, iba Sosaiti banooujisi kubala mabbuku oonse aaliko ku Beteli. Akaambo kamulimo oyu, taakwe maoda aamabbuku aambungano aanoolangwa-langwa akutuminwa nokuba kutambulwa mumazubaaya.
◼ Tuyanda kubazibizizya limwi boonse ibali mumulongo wabapainiya baciindi coonse bakatalika kuzwa mu October 1 1998 naa musyule ibatanajanikide mu Cikolo Camulimo Cabapainiya kuti cikolo eci ciyoocitwa mu October 1999. Amulibambile kuyoojanika ku Cikolo Camulimo Cabapainiya mu October. Ibapainiya beelede kabazi kuti eeci ncipego kuzwa kuli Jehova. Mulangizi wabbazu uyoomutumina malailile aambi.
◼ Mulembi uyooasanganya aantoomwe malipooti aamulimo kutegwa alembelwe aa Lipooti Lyamulimo Wambungano (S-10). Alimwi uyoonaanizya mwaalu uuli woonse naa mukutausi uumugwasya kulemba malipooti. Eeci ciyoopa kuti oonse makani aayandika alembwe kabotu-kabotu kuzwa kumakkaadi Aalembelwa Makani Aasikumwaya (S-21). Ilipooti Lyamulimo Wambungano lyeelede kulembwa kabotu alimwi lilangwe-langwe kabotu-kabotu a Kkomitii Yeendelezya Mulimo Wambungano.
◼ Ibalembi beelede kufwambaana kutuma malipooti aamulimo wamumuunda kabutanasika buzuba bwa 6 bwamwezi umwi aumwi.
◼ Amubelesye mulongo wamyuulo mupya kuzwa mu August 1, 1999 iwaatumwa kumbungano zyoonse. Alimwi kubala mabbuku kweelede kakumanide kusikila mu July 31, 1999, elyo Pepa Litondezya mweelwe wamabbuku lyeelede kutumwa ku Sosaiti kutegwa mbungano zikabbadelesegwe mali aacaala kuti twagwisya muulo wakaindi kumuulo mupya wamabbuku aaliko.