Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya September 6 to December 20, 1999. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule kutwaambo ootu, mwaambe naa Takaluzi naa Kaliluzi:
1. Jehova wazumizya bantu kuti balyeendelezye kutegwa basinizye kuti inzila yakwe yakulela ililuzi lyoonse alimwi ililuleme. (Dt. 32:4; Job. 34:10-12; Jer. 10:23) [w97-CG 3/1 p. 5 munc. 3]
2. Nomweendelezya ciiyo ca Bbaibbele, ncibotu kutayiingula mibuzyo yoonse iibuzigwa zimwi ziindi, pele imwi ilakonzya kuya kubandikwa kumbele. [sg-CN p. 94 munc. 14]
3. Icilongwe ncobajisi bazyali abana babo bakwetwe naa bakwete balacilanga munzila yeelede akaambo kakulemeka njiisyo zyabunaleza zyabusilutwe abweendelezi bubotu. (Matl. 2:24; 1 Kor. 11:3; 14:33, 40) [fy-CG p. 164 munc. 6]
4. Imakanze aa Cikolo Camulimo Wateokrasi ngakutugwasya kuba bantu basungweede mumulimo wamumuunda. [sg-CN 96 munc. 1]
5. Ikuti naa Munakristo iwaciinga cambelele zimwi waalilwa kujanika ku Ciibalusyo calufwu lwa Jesu, weelede kusekelela kwainda mwezi omwe ikweedelana anjiisyo iili kubbuku lya Myeelwe 9:10, 11. (Johane 10:16) [Kubala kwa Bbaibbele Kwansondo Ansondo; amubone w93 2/1 p. 31 munc. 9.]
6. Nokuba kuti bamakaapa Banakristo tababwezi mukuli uupedwe wisi abanyina bana iwakuyiisya kasimpe kamu Bbaibbele, bamakaapa balakonzya kugwasilizya kumakani aakuyaambele kwamwana munzila yakumuuya. (Dt. 6:7; 2 Tim. 1:5; 3:14, 15) [fy-CG p. 168 munc. 15]
7. Mucikolo Camulimo Wateokrasi, awo aayandika kupegwa lulayo lyoonse mpaatwaambo oto sikwiiya mpaakaambilidwe kuti asolekesye muciiyo cakainda. [sg-CN p. 101 munc. 7]
8. Takuzulili ikuti silulayo waide kwaambila mwaambi kuti wacita kabotu naa kuti uyandika kusolekesya alimwi akaambo kamwi nkabelekela. [sg-CN p. 103 munc. 13 (1971 ed., p 103 munc. 15)]
9. Imunzi wamayubilo wasunu nzipego nzyatupa Leza izitukwabilila kulufwu akaambo kakutyola milawo iijatikizya kusetekana kwabulowa. (My. 35:11) [Kubala kwa Bbaibbele Kwansondo Ansondo; amubone w95-CN 11/15 p. 17 munc. 8.]
10. Izina lyakuti Deuteronomo lyalo lyaamba “Mulawo Wabili” lileelela akaambo kakuti eli bbuku lyamu Bbaibbele liindulula buyo Mulawo. [Kubala kwa Bbaibbele Kwansondo Ansondo; amubone si p. 36 munc. 4.]
Amwiingule mibuzyo eeyi iitobela:
11. Ino ncinzi ciimininwaa zinkwa zyobile zijisi bumena zyalo zituulwaa mupaizi mupati ku Pobwe lya Pentekoste? (Lev. 23:15-17) [Kubala kwa Bbaibbele Kwansondo Ansondo; amubone w98-CG 3/1 p. 26 munc. 21.]
12. Ino mwaka wamakumi osanwe wa Banakristo wakatalika lili alimwi ndwaanguluko luli buti lwakaboola kuciindi eco? (Lev. 25:10) [Kubala kwa Bbaibbele Kwansondo Ansondo; amubone w95-CN 5/15 p. 24 munc. 14.]
13. Nomulemba magwalo, mbuti mbomunga mwatondezya luyando kuli yooyo ngomulembela? [sg-CN p. 89 munc. 13]
14. Muunzila nzi Musa mwaakaba citondezyo cibotu kumakani aakutaba simunyono? (My. 11:29) [Kubala kwa Bbaibbele Kwansondo Ansondo; amubone w95-CN 9/15 p. 18 munc. 11.]
15. Ino mbuti mbotunga twakulwaizya baswiilizi besu kuti babelesye Bbaibbele ciindi notubandika makani? [sg-CN p. 122 munc. 3]
16. Ntwaambo nzi tobile itujatikizya kulemeka bazyali bacembeede itutondezyedwe kuli Matayo 15:3-6 alimwi akuli 1 Timoteo 5:4? [fy-CG pp. 173-5 munc. 2-5]
17. Nciiyo nzi ciyandika kapati icitondezyedwe kubbuku lya Myeelwe 26:64, 65? [Kubala kwa Bbaibbele Kwansondo Ansondo; amubone g95 8/8 p. 10-11 minc. 5-8.]
18. Ino cikozyanyo ca Pinehasi citugwasya buti kuziba ncokwaamba kulyaaba kuli Jehova? (My. 25:11) [Kubala kwa Bbaibbele Kwansondo Ansondo; amubone w95-CN 3/1 p. 16 minc. 12-13.]
19. Ino mbuti muntu uuli mumunzi wamayubilo wasunu mbwanga ‘wazwa anze lyamulango’ wamunzi oyo? (My. 35:26) [Kubala kwa Bbaibbele Kwansondo Ansondo; amubone w95-CN 11/15 p. 20 munc. 20.]
20. Kunze lyakwaambaula buyo, ncinzi cijatikizidwe mukubandika? [sg-CN p. 79 munc. 3]
Amubikke bbala naa mabala aayandika kutegwa twaambo ootu tuzulile:
21. Jehova wazumizya bubi kuti bubeko ikutegwa akabambile limwi kaambo kapati kakuti walo alikke ngo ․․․․․․․․ akuti ․․․․․․․․ milawo yakwe ncintu ciyandika kutegwa luumuno alukkomano luzumanane kuzilenge zyakwe zyoonse. (Int. 1:1-3; Tus. 3:5, 6; Muk. 8:9) [w97-CG 3/1 p. 5 munc. 4]
22. Nomulemba lugwalo lwakupa bumboni, amubikke ․․․․․․․․ amvwulupu mpoili anze. [sg-CN p. 87 minc. 7, 8]
23. Ikutegwa tutabelesyi mizeezo yesu tobeni ciindi notulibambila makani, ․․․․․․․․ ayelede kubelesyegwa akusyomwa. [sg-CN p. 111 munc. 13]
24. Ikutegwa muzuzikizye makanze aamakani anu, kwiina makani aambi aayelede kwaambwa kunze lyayaayo ․․․․․․․․. [sg-CN p. 112 munc. 19] ․․․․․․․․
25. Ibbaibbele lilapa bupanduluzi bwabbala lya ․․․․․․․․ kubbuku lya Myeelwe 35:20, 21. [Kubala kwa Bbaibbele Kwansondo Ansondo; amubone g74 5/8 p. 27.]
Amusale bwiinguzi buluzi akati katwaambo ootu tulaansi:
26. Ciindi comwe mwakaa mwaka (ku Pobwe Lyazilawo; Mubuzuba Bwakumanya Milandu; ku Pobwe Lyakwiindilila), icisi coonse ca Israyeli kubikkilizya abeenzu ibakali kukomba Jehova bakeelede (kulekezya milimo yoonse; kupa cakkumi; kutuula maila mapya) akuliimya kulya. (Lev. 16:29-31) [Kubala kwa Bbaibbele Kwansondo Ansondo; amubone w96-CG 7/1 p. 18 munc. 12.]
27. Kweelede kubikkilwa maanu kapati kumakani aakubelesya majwi aamatalikilo alo ayo (aakkomanisya baswiilizi; aamupa kuti mubandike cabusungu; aagwasya kuzuzikizya makanze aamubandi wanu). [sg-CN p. 114 munc. 8]
28. Ikaambo kakuti ‘kumwaisya cibelo’ camwanakazi kakali kupandulula kuti (wakali kunooleka kubelekela Jehova; ikuulu kwakwe kwakaleka kubeleka; wakali kunooyabuceya kubukaintu calo cakali kuyoopa kuti atakonzyi kumita pe). (My. 5:21) [Kubala kwa Bbaibbele Kwansondo Ansondo; amubone w84 4/15 p. 29.]
29. ‘Intambo yamweemvwe mumayayila aazikobela’ zyabana Israyeli yakali kuyandika nkaambo (yakali kweelezya munzila iisetekene; yakali kutondezya kulibombya; cakali ciibalusyo cakuti bakali kuyandika kulyaandaanya anyika mbubakali bantu ba Jehova). (My. 15:38, 39) [Kubala kwa Bbaibbele Kwansondo Ansondo; amubone w83 10/15 p. 20 munc. 16.]
30. ‘Ibbuku lyankondo zya-Jehova’ lyakali (bbuku lyabasiluleyo; bbuku lyaamba zyaciindi ilisyomwa; bbuku lijisi twaano twa Bbaibbele twakulipungila). (My. 21:14, 15) [Kubala kwa Bbaibbele Kwansondo Ansondo; amubone w84 4/15 p. 30]
Amweendelanye Magwalo aaya atwaambo tulaansi aawa:
My. 16:41, 49; Mt. 19:9; Lk. 2:36-38; Kol. 3:14; Heb. 10:23-25
31. Umwi aumwi ulaa mukuli wakwiingula kumiswaangano. [sg-CN p. 92 munc. 7]
32. Icintu cilikke cizumizyidwe a Magwalo ikulekana akukwatana aumbi muntu, mbwaamu. [fy-CG p. 158 munc. 15]
33. Ikusungwaala mumulimo wateokrasi nokuba kubucembele, kulakonzya kugwasya muntu umwi ikutaleendelelwa kapati akaambo kakufwidwa mulumi naa mukaintu. [fy-CG p. 170 munc. 21]
34. Ikutongauka nzila njobucitwa bululami bwa Jehova kwiinda mubabelesi bakwe babikkidwe kulakonzya kuleta mapenzi. [Kubala kwa Bbaibbele Kwansondo Ansondo; amubone w96-CG 7/1 p. 13 munc. 13.]
35. Iluyando lulabaanga antoomwe banabukwetene alimwi lubapa kuti bayande kucitilana zintu zibotu alimwi akucitila bana babo zintu zibotu. [fy-CG p. 187 munc. 11]