Zyaambilizya
◼ Mabbuku aakumwaya mu March: Luzibo Lutola Kubuumi Butamani. Kusolekesya kulayandika kutegwa kukatalisigwe ziiyo zya Bbaibbele zyaaŋanda. April alimwi a May: Mamagazini aa Ngazi Yamulindizi alimwi a Awake! Amubaabile broshuwa ya Ncayanda bantu balaa luyandisisyo akusolekesya kutalisya ziiyo zya Bbaibbele zyaaŋanda. June: Ncinzi Leza Ncayanda Kulindiswe? Amubikkile maanu kukutalisya ziiyo zya Bbaibbele zyaaŋanda.
◼ Basikumwaya ibakanza kucita bupainiya bwakugwasilizya mu April alimwi a May beelede kulibambilila limwi lino akulemba mafoomu cakufwambaana. Eeci ciyoogwasya baalu kucita bubambe buyandika bwamumulimo wamumuunda alimwi akubona kwaamba kuti mamagazini amabbuku aayandika nkwaali. Mazinaabaabo boonse bazumizidwe kucita bupainiya bwakugwasilizya ayelede kwaambilizigwa kumbungano mwezi uli oonse.
◼ Ooyu Mulimo Wesu Wabwami ujisi mulongo woonse waziiyo zyamubbuku lya Amububikkile Maanu Businsimi bwa Daniele! Mulakonzya kubamba kkopi akwiibikka mubbuku lyanu kutegwa kacitamukatazyi kulanga-langa nokwayandika.
◼ Mulangizi weendelezya naa umwi ngwayootuma weelede kulingula maakkaunti aambungano mu March 1 naa cakufwambaana mbuli mbocikonzyeka bwainda buzuba oobo. Mwamana, amukaambilizye kumbungano eelyo nokuyoobalwa lipooti yamaakkaunti itobela.
◼ Ciibalusyo ciyooba muli Bwatatu mu April 19, 2000. Ikuti kamucita miswaangano yambungano muli Bwatatu, mweelede kucinca akuyooswaangana buzuba bumbi mvwiki eeyo naa kaitabelesyegwi Ŋanda ya Bwami. Ikuti eeci kacitakonzyeki alimwi ikuti Muswaangano Wamulimo kaujatikizidwe, zibeela zijatikizya mbungano yanu zilakonzya kubikkilizigwa mu Muswaangano Wamulimo uutobela.
◼ Aabo baswaangana ambungano beelede kutuma kulembya kwabo kwa Ngazi Yamulindizi alimwi a Awake! kwakusaanguna alimwi akwakwiinduluka kwiinda mumbungano.
◼ Ba Sosaiti tabatumi maoda aamabbuku aasikumwaya omwe buyo. Mulangizi weendelezya weelede kubona kuti mwezi amwezi kulaambilizigwa mumbungano kaitanatumwa oda yamabbuku ku Sosaiti kutegwa boonse aabo bayanda mabbuku aakubelesya lwabo beni bamuzyibye mukwesu uulanganya mabbuku. Mutalubi kuti kuli mabbuku aaodwa buyo eelyo nokuli muntu waayanda.