Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya May 1 kusika mu August 21, 2000. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule kutwaambo ootu, mwaambe naa Takaluzi naa Kaliluzi:
1. Ibwiinguzi bwa Gideoni kumajwi aabukali abaalumi bana Efraimu bwakatondezya kulibombya kwakwe alimwi akulicesya, aboobo eeci cakamanizya bukali bwabo alimwi cakaleta luumuno. (Bab. 8:1-3) [Kubala kwa Bbaibbele Kwansondo Ansondo]
2. Nokuba kuti Manowa wakaamba kuti “tulibwene Leza,” mubwini walo amukaintu wakwe bakabona sikwiiminina Leza wakasandukide kuba wanyama ikutali Jehova mwini. (Bab. 13:22) [Kubala kwa Bbaibbele Kwansondo Ansondo; amubone w88-CN 5/15 p. 23, munc. 3.]
3. Munakristo omwe buyo sunu ngo “muzike musyomesi uucenjede” Jesu Kristo ngwaakaamba kuti unoopa cakulya aciindi ceelede. [om p. 25, munc. 2.]
4. Kufwumbwa buyo kuti kabalilemeka kabotu mumukwasyi wabo, aabo ibeelela kuba beendelezi babutanga bwa Leza tabeelede kulikatazyaa mbobalilemeka nobali mubuleya. [om p. 33, munc. 1.]
5. Ibbuku lya Babetesi 21:25 lyaamba zyaciindi Jehova naakalekela limwi kuceendelezya cisi ca Israyeli. [Kubala kwa Bbaibbele Kwansondo Ansondo; amubone w95-CN 6/15 p. 22, munc. 16.]
6. Ibakerubi bakupanga ibakali abbokesi lyacizuminano bakali kwiiminina kubako kwa Jehova mubwami walo wakaambwa kuti “uukala akati kaba-Kerubi.” (1 Sam. 4:4) [Kubala kwa Bbaibbele Kwansondo Ansondo; amubone w80 11/1 p. 29, munc. 2.]
7. Ciindi basikalumamba ba Saulo nobakali muciimo cikatazya bakalya bulowa alimwi teebakasubulwa pe, eeci citondezya kuti kuli ziindi notukonzya kusotoka mulawo wa Leza kutegwa tukwabilile buumi bwesu. (1 Sam. 14:24-35) [Kubala kwa Bbaibbele Kwansondo Ansondo; amubone w94-CN 4/15 p. 31, minc. 7-9.]
8. Ikuba mulangizi takuyandiki kuzuzikizya zyeelelo zili zyoonse. [om p. 30, munc. 1.]
9. “Cifunte cabuumi” caamba bukwabilizi mbwapa Leza alimwi acoolwe walo Davida ncaakali kunoojana ikuti naakeeleba mulandu wabulowa mumeso a Leza. (1 Sam. 25:29) [Kubala kwa Bbaibbele Kwansondo Ansondo; amubone w91-CN 6/15 p. 14, munc. 3.]
10. Cizuminano ca Bwami kwiinda muzyalani lya Davida icaambwa ku 2 Samuele 7:16, cakali kusololela ku Mbuto walo wakali ngo Mesiya alimwi cakali cisyomezyo cizumizidwe cakuti umwi wamuzyalani ya Davida nguwakali kuzoolela mane “kukabe kutamani.” [Kubala kwa Bbaibbele Kwansondo Ansondo; amubone w89-CN 2/1 p. 14, munc. 22 kusikila ku p. 15, munc. 22.]
Amwiingule mibuzyo eeyi iitobela:
11. Nkukuli nkotunga twajana cikozyanyo citondezya bweendelezi bucitwa mumbungano ya Bunakristo sunu? [om p. 25, munc. 1.]
12. Kazubulula majwi aajanika ku Intembauzyo 68:18, ino mwaapostolo Paulo wakaabelesya buti kumbungano ya Bunakristo? [om p. 24, munc. 2]
13. Nkaambo nzi cibalo camu Bbaibbele ncocaamba kuti Eli wakali kulemeka bana bakwe kwiinda mbwaakali kulemeka Jehova? (1 Sam. 2:12, 22-24, 29) [Kubala kwa Bbaibbele Kwansondo Ansondo; amubone w96-CG 10/1 p. 11, munc. 14.]
14. Muunzila nzi Jesu mwayookonzya kupilusya bantunsi kubulondosi akubweedezya luumuno alimwi abululami anyika? [om p. 19, munc. 3]
15. Kweelana abwaamba 1 Samuele 1:1-7, ncikozyanyo nzi cibotu cakasiya mukwasyi wa Samuele? [Kubala kwa Bbaibbele Kwansondo Ansondo; amubone w98-CG 3/1 p. 29, munc. 12.]
16. Muunzila nzi mbokunga kwaambwa kuti ‘buvwubi buloongelezya’? (Mt. 13:22) [w98-CG 6/1 p. 5, munc. 1]
17. Ino mbuti Jonatani mupati mbwaakalemeka munanike wa Jehova, Davida, alimwi ino eci ciiminina nzi sunu? (1 Sam. 18:1, 3, 4) [Kubala kwa Bbaibbele Kwansondo Ansondo; amubone w89-CN 1/1 pp. 24, 26, minc. 4, 13.]
18. Nkaambo nzi Samsoni ncaakaunkila kumwanakazi simamambi wamumunzi waba Filisti ku Gaza? [Kubala kwa Bbaibbele Kwansondo Ansondo; alimwi amubone a w79 2/15 p. 31.]
19. Nkaambo nzi Jehova ‘ncaakeempwa kuti wakabikka Saulo kuba mwami’? [Kubala kwa Bbaibbele Kwansondo Ansondo; amubone aa g77 3/22 p. 28]
20. Eelyo notubeleka abamwi, ndwiiyo nzi lugwasya ndotukonzya kubelesya lulembedwe kuli 2 Samuele 12:26-28? [Kubala kwa Bbaibbele Kwansondo Ansondo; amubone w93-CN 12/1 p. 19, munc. 19.]
Amubikke bbala naa mabala aayandika kutegwa twaambo ootu tuzulile:
21. Imbungano ya Bunakristo yeendelezyegwa munzila ․․․․․․․․. [om p. 22, munc. 2.]
22. Mulangizi ․․․․․․․․ nguyooyo uubelekelaamwi akukamantana abambi bamukabunga kabaalu; uulemeka akulanganya ibantu bambi; talisumpuli pe. [om p. 34, munc. 3.]
23. Izicitika munyika kuzuzikizya businsimi bwa Bbaibbele zilasinizya cakutadooneka kuti kuzwa mu ․․․․․․․․ Jesu Kristo upedwe nguzu zya Bwami. [om p. 21, munc. 1.]
24. Lukamantano lwambungano lulabambwa kwiinda mukuzumina njiisyo ․․․․․․․․. [om p. 24, munc. 1.]
25. Mwaalu waambwa kuti ․․․․․․․․ eelyo natakwe mulandu wini-wini wakutalilemeka kabotu uunga wabisya zina lyambungano. [om p. 33, munc. 1.]
Amusale bwiinguzi buluzi mukaambo kamwi akamwi katootu tutobela:
26. Muntu [weenda kabotu; uulibatamika; uutali wakasanduka ino] tali mulombe buyo pe; ulaa luzibo mubukkale bwa Bunakristo aluzibo lunji lwamu Bbaibbele alimwi aluyando kumbungano. [om p. 32, munc. 2.]
27. Ciindi cakweendelezyegwa ababetesi mu Israyeli cakamana eelyo (Samuele; Davida; Saulo) naakananikwa kuba mwami mpoonya wakazikuzunda ba (Amoni; Moabu; Filisti) kagwasigwaa Jehova. (1 Sam. 11:6, 11) [Kubala kwa Bbaibbele Kwansondo Ansondo; amubone w95-CN 12/15 p. 9, munc. 2 p. 10, munc. 1.]
28. (Mmwaapostolo Paulo; mbausyi; mbaanyina alimwi abakaapanyina) ibakali kumbele kuyiisya Timoteo “magwalo aasalala” akumukomezya kusikila mane waba misyinali alimwi amulangizi. (2 Tim. 3:14, 15; Flp. 2:19-22) [w98-CG 6/1 p. 8, munc. 3–p. 9, munc. 5]
29. Zyeelelo zyamumagwalo izyabalangizi Banakristo ncobeni [nzyaansi; zilisumpukide; taziyandiki] akaambo kakuti aaba baalumi balaa mukuli mupati wakusololela mubukombi bwa Jehova akupa cikozyanyo cabukkale bwa Bunakristo. [om p. 30, munc. 1.]
30. Mbungano yamumwaanda wamyaka wakusaanguna yakeendelezyegwa munzila yateokrasi, nkokwaamba kuti yakali [kweendelezyegwa Abaapostolo; ambungano yaku Tesalonika; abulelo bwa Leza] [om p. 22, munc. 2.]
Amweendelanye Magwalo aaya atwaambo tulaansi aawa: Bab. 11:30, 31; 1 Sam. 15:22; 30:24, 25; Heb. 2:7, 8; Bab. 8:23
31. Lugwalo oolu lutondezya lubazu ndwajisi Jesu Kristo kali mwami. [om p. 17, munc. 4.]
32. Beendelezi bambungano balaa mukuli wakuzuzikizya zizuminano zyabo nokuba kuti kucita boobo zimwi ziindi cilakonzya kubacisa alimwi akupa kuti babeleke canguzu akubasowela ciindi. [w99-CN 9/15 p. 10, minc. 3-4]
33. Bantu batalondokede tabeelede kubaa ciyanza cakubelesya nguzu zyabo munzila iitali kabotu. [Kubala kwa Bbaibbele Kwansondo Ansondo]
34. Luyando lwini-lwini kuli Leza lujatikizya kulibombya kumalailile a Leza ikutali kupa buyo zituuzyo kulinguwe. [Kubala kwa Bbaibbele Kwansondo Ansondo; amubone w96-CN 6/15 p. 5, munc. 1.]
35. Jehova ulabalumba aabo ibagwasilizya kukutauka milimo mumbunga yakwe sunu. [Kubala kwa Bbaibbele Kwansondo Ansondo; amubone w86 9/1 p. 28, munc. 4.]