Zyakwaambilizya

◼ Mabbuku aakumwaya mu March: Luzibo Lutola Kubuumi Butamani. Atukasolekesye kuyootalisya ziiyo zya Bbaibbele zyaaŋanda. April alimwi a May: Mamagazini aa Ngazi Yamulindizi alimwi a Awake! Mulweendo lwakupilukila mulakonzya kubasiila bbuku lya Luzibo naa broshuwa lya Ncayanda aabo ibalaa luyandisisyo kamujisi makanze aakutalisya ziiyo zya Bbaibbele zyaaŋanda. June: Ncinzi Leza Ncayanda Kulindiswe? naa Luzibo Lutola Kubuumi Butamani. Amubikkile maanu kukutalisya ziiyo zya Bbaibbele zyaaŋanda.

◼ Basikumwaya ibakanza kubeleka mulimo wabupainiya bwakugwasilizya mu April beelede kulibambilila limwi lino akulemba mafoomu cakufwambaana. Eeci ciyoogwasya baalu ikucita bubambe buyandika mumulimo wamumuunda. Mazina abaabo boonse bakazumizigwa kubeleka mulimo wabupainiya bwakugwasilizya ayelede kwaambilizigwa kumbungano.

◼ Ciibalusyo ciyooba mu Nsondo mu April 8, 2001. Taakwe miswaangano iyoocitwa mubuzuba oobo kuleka buyo yeeyo yamulimo wamumuunda. Baalu balakonzya kucita bubambe bweelede bwakuyoocita Ciiyo ca Ngazi Yamulindizi buzuba bumbi.

◼ Iba Sosaiti tabatumini maoda aamabbuku aasikumwaya omwe buyo pe. Mulangizi weendelezya weelede kubona kuti mwezi amwezi kulaambilizigwa mumbungano kabatanatuma oda yamabbuku ku Sosaiti kutegwa boonse aabo bayanda mabbuku aakubelesya lwabo beni bamuzyibye mukwesu uulanganya mabbuku. Mutalubi kuti kuli mabbuku aaodwa buyo leelyo nokuli muntu waayanda.

◼ Ikuti kakuli ibantu basika ku 20 naa ibaindaawo ibakanza kuzooswaya mayake aa Sosaiti ku Makeni, cilayandika kuti basaangune kulembela naa kutuma luwaile ku Ofesi lya Beteli. Ikweenzeezyegwa kucitwa buyo mu Muhhulo kusikila muli Bwasanu kuzwaa ciindi ca 8:00hrs kusikilaa 15:00hrs. Kunyina kweenzeezyegwa kucitwa yainda 15:00hrs naa mu Mujibelo amu Nsondo. Amutume mweelwe wabantu baboola alimwi amazuba kubikkilizyaa ciindi nomulibambide kuswaya. Kamutana yumuka kuzooswaya, amulange-lange alimwi Kabbokesi Kamubuzyo ikali mu Mulimo Wesu Wabwami wamu March 1998 kujatikizya zyakusama alimwi akulibamba kuli kabotu nomuswaya maandaa Beteli.

◼ Mabbuku Mapya Aaliko:

Jehovah’s Witnesses—Who Are They? What Do They Believe?—Chichewa, Cibemba, Cingisi, Cifulenci, Cilozi, Ciswahili alimwi a Citumbuka.

◼ Zintu Zisiyene-siyene Ziliko:

Tupulasitiki Mubikkilwa Bbaaji (ootu ntwamabbaaji aakumuswaangano)