Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya January 1 kusika mu April 23, 2001. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule twaambo ootu, mwaambe naa Kaliluzi naa Takaluzi:
1. Majwi aakuti “sinkondonyina a Kilisito” aajanika ku 1 Joni 2:18 Ci, aamba muntu omwe. [rs-CN pp. 414-415, munc. 7]
2. Basiluleyo baambwa kuti mbaasikondonyinaa Kristo. [rs-CN pp. 299, munc. 5-p. 301, munc. 2]
3. Ibbaibbele lyaamba zya “sinkondonyina a Kilisito,” omwe buyo walo uutiikabeko aciindi cimwi kumbele. [rs-CN pp. 414-15 munc. 7]
4. Jesu wakatondezya kulicesya kwakwe kwiinda mukuzumina mulimo uulibedelede wakuboola anyika kuzwa kujulu akuzikuba muntunsi mubombe uuindwa abangelo kubulemu. (Flp. 2:5-8; Heb. 2:7) [w99-CG 2/1 p. 6 munc.3]
5. Ikulwisya Juda nkwaakacita Sisaki alimwi akusaala kutola “zintu ziyandisi zyamuŋanda ya-Jehova, azintu ziyandisi zyamuŋanda yamwami” kulijsi bumboni mulwiiyo lwabukkale bwansiku. (2 Mak. 12:9) [Kubala Bbaibbele Kwansondo Ansondo; amubone w88-CN 2/1 p. 26 munc. 4]
6. Banakristo bamumwaanda wamyaka wakusaanguna taakwe nobakali kubbapatizya bana bavwanda pe. [rs-CN p. 364 munc. 5-p. 365 munc. 3]
7. Kweelanaa abwaamba Johane 2:14-16, Jesu wakabelesya ciswepu caloozi kutanda bantu bakali kuuzya zintu mutempele. [gt-CG mut. 16]
8. Majwi a Davida ku 1 Makani 16:31 atondezya kuti, nokuba kuti bulelo bwa Jehova bwakaliko kuzwa leelyo naakalenga zintu, ziindi zimwi wakaamba majwi aamwi aagaminina bulelo bwakwe alo aapa kuti kakwaambwa kuti ‘ulaba ngomwami’ aciindi cimwi. [Kubala Bbaibbele Kwansondo Ansondo]
9. Bumboni mulwiiyo lwabukkale bwansiku bulaazuminizya makani aamu Bbaibbele aajanika ku 2 Bami 17:6-18 kujatikizya kunyonyoonwa kwabwami bwakunyika bwa Israyeli kwakacitwaa bana Asuri. [Kubala Bbaibbele Kwansondo Ansondo]
10. Ikuti naa kuli umwi wa Bakamboni ba Jehova waindwa Ciibalusyo, ulakonzya kusekelela kwainda mazuba aali 30. (2 Mak. 30:2) [Kubala Bbaibbele Kwansondo Ansondo]
Amwiingule mibuzyo eeyi iitobela:
11. Ino tuzi buti kuti nkondo ya Harmagedoni tiikoyoolwanwa acilundu cini ca Megido? [rs-CN pp. 37-9, munc. 3]
12. Mbuli mbokutondezyedwe kubbuku lya Matayo 24:45-51, ncinzi cizibya baabo ibaba basiluleyo? [rs-CN pp. 299 munc. 5-p 301 munc. 2]
13. Ndwiiyo nzi lugwasya kujatikizya zintu nzyotukonzya kucita kabotu ndotunga twaiya kuzwa kucakacitikila Mwami wa Juda Uziya? (2 Mak. 26:15-21) [Kubala Bbaibbele Kwansondo Ansondo; amubone w99 12/1 p. 26 minc. 1-2]
14. Ino mbuti basiluleyo kanjikanji mbobaulanga mulimo wakukambauka alimwi akuyiisya? [rs-CN pp. 299 munc. 5, p. 301 munc. 2]
15. Nkaambo nzi makani aali kubbuku lya 1 Makani 14:8-17 ncaakali mabotu kuciindi ca Isaya alimwi nkaambo nzi ncobeelede kwaabikkila maanu Bakristendomu sunu? (Is. 28:21) [Kubala Bbaibbele Kwansondo Ansondo; amubone w91-CN 6/1 p. 24 minc. 2-3]
16. Ino “zijaluzyo” nzyaakapegwa Petro zyakali nzi? (Mt. 16:19) [rs-CN p. 198 munc. 3-p. 200 munc. 4]
17. Ndwiiyo nzi lugwasya lukonzya kuyiigwa kuzwa kumulimo wa Hezekiya wakukwabilila alimwi akuyungizya maanzi aamu Jerusalemu? (2 Mak. 32:3, 4) [Kubala Bbaibbele Kwansondo Ansondo; amubone w96-CN 8/15 p. 6 minc. 1-2]
18. Ino mbuti sunu icikozyanyo ca Josiya mbocinga cabakulwaizya bakubusi kubelekela Leza alimwi akukakatila mukukazya bukombi bwakubeja? (2 Mak. 34:3, 8, 33) [Kubala Bbaibbele Kwansondo Ansondo; amubone w90-CN 8/1 p. 5 munc. 2]
19. Sena bakali ba Juda boonse ibakaceede mu Jerusalemu ibatakali kusyomeka alimwi nciiyo nzi ncotukonzya kwiiya kuzwa kuli ceeci? (Ezr. 1:3-6) [Kubala Bbaibbele Kwansondo Ansondo; amubone w86 1/15 p. 8 minc. 4, 7]
20. Mucibalo cili mubbuku lya 2 Makani 5:13, 14, ncinzi citondezya kuti Jehova wakali kuteelela kunyimbo zyantembauzyo zyakali kwiimbwa abantu bakwe alimwi akuti wakabotelwa anzizyo? [Kubala Bbaibbele Kwansondo Ansondo; amubone w94 5/1 p. 10 munc. 7]
Amubikke bbala naa mabala aayandika kutegwa twaambo ootu tuzulile:
21. Ikwini kuzwa milumbe eeyo iiyeeyelwa kuti yaambwa abantu bafwide nkuu ․․․․․․․․. [rs-CN pp. 188-9 munc. 3]
22. Tacikakonzyeki ikutaba ․․․․․․․․ kuli koonse ciindi cankondo ya ․․․․․․․․. (Mt. 12:30; 2 Tes. 1:8) [rs-CN p. 41 minc. 4-7]
23. Akaambo kakuti ․․․․․․․․ Wisi wakujulu kabotu-kabotu, Jesu wakali ngomuntu mupati kwiinda iwakaponede. (Joh. 14:9, 10) [gt-CG matl., munc. 16]
24. “Abo babapatizigwa nkaambo kabafu,” kweelanaa bwakaamba Paulo kubbuku lya 1 Ba-Korinto 15:29, caamba kunjizigwa mubuumi oobo busololela ku ․․․․․․․․ mbuli lwa Kristo mpoonyaa ․․․․․․․․ akupegwa buumi bwamuuya mbwaakajisi kusaanguna. [rs-CN p. 366 munc. 2-p. 367 munc. 3]
25. Ikutegwa Munakristo wakasimpe azwidilile Solomon mpaakaalilwa, teelede kubaa ․․․․․․․․ naa ․․․․․․․․ pe mubukombi bwakwe alimwi weelede kutobela majwi aa ․․․․․․․․ ‘aakuyanda Jehova Leza wakwe amoyo wakwe woonse.’ (Mt. 22:37; 1 Mak. 28:9) [Kubala Bbaibbele Kwansondo Ansondo; amubone w86 6/1 p. 19 minc. 17-18]
Amusale bwiinguzi buluzi mukaambo kamwi akamwi katootu tutobela:
26. Makani aali kubbuku lya 2 Bami 17:5, 6 aamba zya (Tigilati Pilisere; Salimaneseri Wane; Esarihadoni) mbwaakasala bwami bwakunyika bwabana Israyeli bwamisyobo iili kkumi mpoonya akutalika kunyonyoona Samariya wakazundilwa limwi abana Asuri mu (740; 607; 537) B.C.E. [Kubala Bbaibbele Kwansondo Ansondo; amubone w88 2/15 p. 27 munc. 1]
27. Kwiinda mukuluula zyakacitika mu Jerusalemu kuzwa ciindi cabuzike ku Babuloni nocakatalika, 2 Bami caandano 25 cakutamugama buya lyaamba (Daniele; Ezekiele; Jeremiya) kuba mulembi wabbuku alimwi citondezya kuti kulemba ooku kwakamanizigwa muma (580; 537; 455) B.C.E. (2 Bam. 25:27) [Kubala Bbaibbele Kwansondo Ansondo]
28. “Mwaka wamakumi obile wabwami bwa-Jotamu” caamba myaka iili 20 ya (buumi bwakwe; kulela bulelo bwakwe; ciindi cakayindide kuzwa naakaba mwami). (2 Bam. 15:30) [Kubala Bbaibbele Kwansondo Ansondo]
29. Aabo ibakaza “kuli-Davida kukumugwasya” bakacita oobo (amizeezo mibi; amoyo woonse; bakali kutobela nzila yakutatondezya kuti bali mukukazya). (1 Mak. 12:22) [Kubala Bbaibbele Kwansondo Ansondo]
30. Ziindi zyobile buyo zyakusekelela mazubaa kuzyalwa izyaambwa cacigaminina mu Bbaibbele (zibabikka muciimo cikondelezya; zibabikka muciimo citali kabotu; tazyaambi cili coonse kujatikizya kusekelela mazubaa kuzyalwa). (Matl. 40:20-22; Mt. 14:6-10) [rs-CN p. 361-63 munc. 3]
Amweendelanye magwalo aaya atwaambo tulaansi aawa:
Kul. 21:22, 23; 2 Joh. 9, 10; Rom. 12:2; 2 Pet. 3:15, 16; Ciy. 16:13, 14
31. Ikulisungula kulayandika kutegwa tucince kuyeeya kwesu akuyiisya miyeeyo yesu kasimpe ka Leza. [w99-CN 4/1 p. 30 munc. 2]
32. Banakristo basyomeka tabayanzani abasiluleyo nokuba kubala mabbuku aabo. [rs-CN p. 301, munc. 3-p. 302 munc. 3]
33. Jehova utondezya kuti muntu uyoopegwa mulandu wakunyonyoona mwana uutanazyalwa. [rs-CN pp. 210-11]
34. Saatani Diabolosi uli mukuyunga bamasi kubaleta antoomwe mubukkale buyoopa kuti batalike kulwana Leza. [rs-CN p. 41 munc. 8-p. 42 munc. 1]
35. Ikucinca Magwalo kutegwa ayendelane amizeezo yesu tobeni kulakonzya kutuletela mapenzi mapati kapati. [rs-CN p. 58 munc. 3-p. 62 munc.1]