Zyakwaambilizya

◼ Mabbuku aakumwaya mu March: Luzibo Lutola Kubuumi Butamani. Amubikkile maano kukutalisya ziiyo zya Bbaibbele zyaaŋanda. April alimwi a May: Mamagazini aa Ngazi Yamulindizi alimwi a Galamukani! Basikumwaya beelede kubazibya balaamunzi kuti balakonzya kusanga kumulimo wanyika yoonse ikuti naabalayanda kucita oobo. Ikuti naa mwajana bantu batondezya luyandisyo, amubaabile broshuwa ya Ncayanda akusolekesya kutegwa mutalisye ziiyo zya Bbaibbele. June: Ncinzi Ncayanda Leza Kulindiswe? naa Luzibo Lutola Kubuumi Butamani. Ikuti bantu kabaajisi kale mabbuku aaya, ibroshuwa iimbi imbungano njoijisi ilakonzya kumwaigwa.

◼ Basikumwaya ibakanza kubeleka mulimo wabupainiya bwakugwasyilizya mu April, beelede kulibambila lino kulemba mafoomu cakufwambaana akwaapilusya. Eeci ciya kubagwasya baalu ikucita bubambe buyandika mumulimo wamumuunda. Mazina abaabo boonse bakazumizyigwa kubeleka mulimo wabupainiya bwakugwasyilizya ayelede kwaambilizyigwa kumbungano amwezi.

◼ Ciibalusyo ciyakuba muli Bwane mu March 28, 2002. Ikuti naa mbungano yanu iswaangana muli Bwane, mweelede kuba abuzuba bumbi mukati kansondo ikuti naa Ŋanda ya Bwami kakutako baibelesya bambi. Ikuti kacitakonzyeki alimwi akuti Muswaangano wanu wa Mulimo kukonzya kunyonganyizyigwa, zibeela nzyomubwenyi kuti zilayandika kapati kumbungano yanu, zilakonzya kubikkilizyigwa ku Muswaangano umwi Wamulimo.

◼ Iba Sosaiti tabatumini oda yamabbuku yasikumwaya omwe buyo. Imulangizi weendelezya weelede kubona kwaamba kuti mwezi amwezi kulaambilizyigwa kumbungano kaitana tuminwa oda yaamwezi kumutabi kucita kuti boonse ibayanda mabbuku aabo beni baambile mukwesu uulanganya mabbuku. Kamwaayeyede mabbuku aaodwa buyo caalubazu.

◼ Ikuti kakuli ibantu basika ku 20 naa ibainda aawo ibakanza kuzikuswaya kumutabi ku Makeni, ciyandika kuti basaangune kulembela naa kuumya luwaile ku Ofesi lya Beteli. Ikweenzyeezyegwa kucitwa buyo mu Muhhulo kusikila muli Bwasanu kuzwa ciindi ca 8:00 hrs kusikila ku 15:00 hrs. Kunyina kweenzyezyegwa kucitwa pe yainda 15:00 hrs naa mu Mujibelo amu Nsondo. Amutume mweelwe wabantu baboola alimwi abuzuba mbubaya kuboola kubikkilizya aciindi nomulibambide kuswaya. Kamutana nyamuka kuzikuswaya, amulange-lange alimwi Kabbokesi Kamubuzyo ikali mu Mulimo Wesu Wabwami wamu March 1998 kujatikizya zyakusama alimwi akulibamba kuli kabotu nomuswaya ku Beteli.