Zyakwaambilizya
◼ Mabbuku aakumwaya mu April Alimwi a May: Mamagazini aa Ngazi Yamulindizi alimwi a Galamukani! Ikuti naa kwajanika muntu watondezya luyandisisyo nomucita nyendo zyakupilukila amumubikkilizye muntu ooyo ngomutolela mamagazini lyoonse, amumwaabile broshuwa ya Ncayanda kumwi kamujisi makanze aakutalisya ziiyo zya Bbaibbele. Mu June: Ncinzi Leza Ncayanda Kulindiswe? naa bbuku lya Luzibo Lutola Kubuumi Butamani. Ikuti balaamunzi kabaajisi kale mabbuku aaya, amubaabile broshuwa yeelede mbungano njoijisi. July: Kufwumbwa broshuwa akati kayaaya aamapeeji aali 32 inga amwaigwa: Sena Leza Ncobeni Ulatulanganya?, Amutangale Abuumi Butamani a-Nyika!, Amubone Ndalengulula Zintu Zyoonse Zibe Zipya,” Kodi Muyenera Kukhulupirira Utatu? The Divine Name That Will Endure Forever, Imfulumende Eeyo Iiyooleta Paradaiso, Ncinzi Cicitika Kulindiswe Twafwa? Ino Buumi Bujisi Mulimonzi—Mbubuti Mbomunga Mwabujana? Alimwi a Ciindi Muntu Ngomuyanda Nafwa. Mabroshuwa aakuti A Book for All People, Our Problems—Who Will Help Us Solve Them?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, alimwi ayakuti Will There Ever Be a World Without War? alakonzya kumwaigwa nokwayandika.
◼ Ncintu ciyandika lyoonse kuti ofesi lyamutabi kalyaabambulula ciindi aciindi makkeyala alimwi amanamba aluwaile aaluzi aabalangizi beendelezya alimwi abalembi. Ikuti naa kwaba kucinca, imulembi weelede kulemba mufoomu yakucinca kwakkeyala ya Mulangizi Weendelezya naa Mulembi (S-29) akwiitumina kuofesi lyamutabi cakufwambaana.
◼ Ibalembi bambungano beelede kabajisi mafoomu manji aa Kulembela Mulimo Wabupainiya Bwaciindi Coonse (S-205) alimwi aya Kulembela Mulimo Wabupainiya Bwakugwasyilizya (S-205b). Mafoomu aaya alakonzya koodwa kwiinda mukubelesya Foomu Yakoodela Mabbuku (S-14). Mweelede kuba amafoomu ngomukonzya kubelesya kwamwaka omwe. Amulange-lange mafoomu oonse aabaabo bakalembela mulimo wabupainiya bwaciindi coonse kutegwa musinizye kuti akalembwa kabotu. Ikuti naa basikulembela kabatakonzyi kuyeeya deeti nobakabbapatizyigwa, beelede kulemba buzuba bwamwezi bulaafwiifwi abuzuba oobo mbubakabbapatizyigwa, kwamana waawo amwaayobole makani aaya.
◼ Kubalangizi beendelezya: Tumulomba kuti mutumine kuofesi lyamutabi ikuti naa kwaba cakacitika cijatikizya kuyaampela kwamulimo wakukambauka Bwami mu Zambia mumyaka iili makumi otatwe yainda. Mwalombwa kuti muzyitumine eezyi cakufwambaana. Mulakonzya kuti kamuzyi bakwesu abacizyi bali kucita kabotu mumulimo ooyu wateokrasi akuti inga bamwaambila makani aayandika. Izyakacitika zituminwa zilakonzya kubikkilizya makani aakusyomeka alimwi akuba amuuya wakulyaaba, kulumba mbunga ya Jehova, ibubotu bwakumvwida njiisyo zya Bbaibbele naa lucingililo ndwapa Jehova alimwi ambwasololela bantu bakwe. Ambweni kulakonzya kakuli umwi wamumbungano yanu iwakatandwa cikolo, wakapenzyegwa naa wakazwidilila mumulimo wakukambauka. Ambweni bakaibona caino-ino mpindu yabo akaambo kakubeleka canguzu. Mwalombwa kuti, mukuluula kuli koonse akubikkilizyigwe (i) bupanduluzi nicakacitika alimwi akubusena nkocakacitikila. (ii) Mazina aabusena alimwi abantu bakacitikilwa, alimwi (iii) akuti naa muntu ooyo uupa cakuluula ngusikumwaya uutalovwi-lovwi alimwi uujisi mpuwo mbotu mumbungano. Mulangizi weendelezya weelede kubala kabotu-kabotu alimwi amana boobo asaine malipooti oonse kaatana kutuminwa kuofesi lyamutabi mumvwulupu iilembedwe kuti For the attention of Desk SB.
◼ Cikolo Cakwiiya Mulimo: Kuzyila mumwezi wa December 1993 iciindi basicikolo bakutaanguna nobakalembwa, makkilasi aali makkumi obilo aatatu aa Cikolo Cakwiiya Mulimo acitwa mu Zambia. Ikkilasi yanamba 24 yakalembwa mu March 28, eelyo baya kumaniizya mu May 26, 2002. Ikkilasi iimbi yabasicikolo iyakutalika mu September 19 kusikila mu November 17. Ibaalu batakwete alimwi abakutausi ibayanda kulembela ikwiiya kuya kucitwa mumazuba aaboola mu Cikolo Cakwiiya Mulimo, batambwa kuti bakajanike kumuswaangano usololelwa amulangizi wacooko kumiswaangano yabbazu.
◼ Lyoonse nomuyanda kuyooswaya cisi cimwi alimwi akuti kamuyanda kuyoojanika kumiswaangano yambungano, muswaangano wabbazu naa wacooko, nomubuzya kujatikizya madeeti, ziindi alimwi amasena, mweelede kubuzya kuofesi lyamutabi lilanganya mulimo mucisi eeco ncomuyanda kuyooswaya. Makkeyala aamaofesi aamutabi alajanika kupeeji yamamanino mu Yearbook iibelesyegwa mwaka umwi aumwi.
◼ Mabbuku Mapya Aaliko:
Muntu Mupati Kwiinda Iwakaponede—Cilubale