Zyakwaambilizya
◼ Mabbuku aakumwaya mu June: Ncinzi Leza Ncayanda Kulindiswe? naa Luzibo Lutola Kubuumi Butamani. Ikuti basiŋanda kabaajisi kale mabbuku aaya, amubaabile broshuwa yeelede mbungano njoijisi. July a August: Kufwumbwa broshuwa akati kayaaya aamapeeji aali 32 inga amwaigwa: Sena Ncobeni Leza Ulatulanganya?, Mutangale Abuumi Butamani a-Nyika!, Amubone! Ndalengulula Zintu Zyoonse Zibe Zipya!, Kodi Muyenera Kukhulupirira Utatu?, The Divine Name That Will Endure Forever, Imfulumende Eeyo Iiyooleta Paradaiso, Ncinzi Cicitika Kulindiswe Twafwa?, Ino Buumi Bujisi Mulimonzi—Mbubuti Mbomunga Mwabujana?, alimwi a Iciindi Muntu Ngomuyanda Nafwa. Imabroshuwa aakuti A Book for All People, Our Problems—Who Will Help Us Solve Them?, Myuuya Yabafwide—Sena Inga Yamugwasya Naba Kumucisa? Sena Ncobeni [N]kwiili? alimwi a Will There Ever Be a World Without War? alakonzya kumwaigwa nokwayandika. September: Life—How Did it Get Here? By Evolution or by Creation? Ikuti kamutalijisi bbuku eeli, mulakonzya kumwaya kufwumbwa mabbuku aakaindi ngomucijisi mumbungano.
◼ Kutalikila mu June, mabbaaji aakumuswaangano wacooko wamu 2002 aamu Chichewa, Cibemba alimwi amu Cingisi ayootuminwa antoomwe ampasya nzyomuyootuminwa kakunyina akwaalomba buya. Aboobo takuyandiki kwaawoda buya pe. Kweelanaa kukomena kwambungano, mabbaaji ayootuminwa mutulwi tujisi mabbaaji aali 20. Ikuti mbungano kaziyanda aambi mabbaaji, zyeelede kwaawoda kwiinda mukubelesya Foomu Yakoodela Mabbuku (S-14). Cilayandika ikooda tupulasitiki naa tukomwi twamabbaaji ikuti kakuli bamwi ibatuyanda mumbungano.
◼ Kutegwa tugwasyigwe mukulibambila alimwi akuyootola lubazu cakumaninina mukwiimba nyimbo uuno mwaka ku Muswaangano Wacooko wa “Basikwaambilizya Bwami Ibasungu,” inyimbo zitobela zyasalwa kuyoobelesyegwa: 3, 4, 6, 7, 8, 9, 11, 12, 15, 16, 17, 18, 19, 21, 22, 23, 25 alimwi a 26. Baalu beelede kucita bubambe bweelede kutegwa mbungano italike kulibambila kwiiya nyimbo. Toonse atuzyiiye kabotu nyimbo eezi kakucili ciindi kutegwa tukaimbe cakwaanguluka alimwi camoyo woonse inyimbo zyakutembaula Jehova.