Kwiindulula Kwamu Cikolo Camulimo Wateokrasi
Kwiindulula kwakutabelesya mabbuku ikujatikizya twaambo twamuzibeela zya Cikolo Camulimo Wateokrasi kuzwa munsondo ya May 6 kusika mu August 19, 2002. Amubelesye pepa nsini lyakulembela bwiinguzi kwamweelwe wamibuzyo ngomunga mwakonzya muciindi cipedwe.
[Cizibisyo: Mukwiindulula oku, ilyalo Bbaibbele ndelikonzya kubelesyegwa mukwiingula mibuzyo iili yoonse. Imalailile aazyakubala aatobela mibuzyo ngaciindi nomulivwuntauzizya nobeni. Taali oonse malailile aajatikizya Ngazi Yamulindizi aayootondezya manamba aamapeeji amincali pe.]
Amwiingule twaambo ootu, mwaambe naa Kaliluzi naa Takaluzi:
1. Ibbuku lya Jeremiya 18:1-6 litondezya kuti Jehova ulabapa kuti bantu kabacita zintu kutali mbobayanda. [Kubala kwa Bbaibbele Kwansondo Ansondo; amubone w99 4/1 p. 32 minc. 4-5.]
2. Basinsimi bakubeja balazibinganya majwi aa Leza alimwi azintu zyakali kuyootobela akaambo kakutalitobela ijwi kwiinda mukukulwaizya bantu kuti kabaswiilila majwi aabo beni akuleka kuswiilila kucenjezyegwa a Leza. (Jer. 23:30) [Kubala kwa Bbaibbele Kwansondo Ansondo; amubone w92 2/1 p. 4 munc. 3.]
3. Kubbuku lya Jeremiya 25:15, 16, “inkomeki eyi yawaini yabukali” yalo iipa kuti ‘bamasi boonse kabacita zintu munzila iilubide’ caamba izintu zikankamanisya ziboola akaambo kabukombi bwakubeja. [Kubala kwa Bbaibbele Kwansondo Ansondo; amubone w94 3/1 p. 20 munc. 13.]
4. Ikweelana ambuli businsimi bwa Jeremiya mbobwakabelesyegwa kubbuku lya Matayo, “nyika yabasinkondonyina” caamba nyika yalufwu, kwalo bana bakajaigwa a Heroda Mupati nkobayookonzya kupilusigwa kwiinda mukubusyigwa kubafwu. (Jer. 31:15, 16; Mt. 2:17, 18) [Kubala kwa Bbaibbele Kwansondo Ansondo; amubone w79 6/15 p. 19 munc. 13.]
5. Ibbuku lya Jeremiya 37:21 lilasyomezya kuti Jehova ulakonzya kubagwasya babelesi bakwe basyomeka muziindi zyikatazya kusikila kumamanino aabweende oobu bubyaabi bwazintu kufwumbwa naa kwaba buyumuyumu buli buti mubukkale. [Kubala kwa Bbaibbele Kwansondo Ansondo; amubone w97 10/1 p. 3 munc. 4 alimwi a 6.]
6. Nokuba kuti muntu katali mukombi wa Jehova, ulakonzya kuba mulongwe mubotu kufwumbwa buyo kuti kalibonya kuba muntu uuli kabotu. [rs CN p. 172, munc. 2]
7. Ibbuku lya Malilo 5:7 litondezya kuti Jehova ulabasubula bana akaambo kazibi zyabazyali babo. [Kubala kwa Bbaibbele Kwansondo Ansondo; amubone w88 9/1 p. 27 kabbokesi.]
8. Ibulembo bwaankumo bwaambwa kulugwalo lwa Ezekieli 9:4 bupandulula kuti, luzibo lwalikke luya kupa kuti muntu afwutuke. [Kubala kwa Bbaibbele Kwansondo Ansondo; amubone w88 9/15 p. 14 munc. 18.]
9. “Zipego kubantu” zyaambwa ku Baefeso 4:8, (Ci), zyaamba baalu Banakristo, babikkwa amuuya uusalala alimwi bapedwe nguzu zyakulanganya zintu zyakumuuya zyabasyominyina. (Inc. 20:28) [15,w00 8/1 p. 6 munc. 3]
10. Ikweelena ambuli mbotulimvwa mazubaano bbuku lya Ezekieli caandaano 23, iba Protesitanti balakonzya kukozyanyisyigwa kuli Oholiba alimwi Bakatolika kumupati wakwe mucizyi Ohola. [Kubala kwa Bbaibbele Kwansondo Ansondo; amubone w88 9/15 p. 21 munc. 22.]
Amwiingule mibuzyo iiccilila:
11. Ino muunzila iili buti Bakamboni ba Jehova bananike alimwi abeenzyinyina mobakonzya kuba mbuli Ezekieli? (Ezk. 11:25) [Kubala kwa Bbaibbele Kwansondo Ansondo; amubone w88 9/15 p. 16 munc. 3.]
12. Ino ncinzi ncotwiiya kujatikizya bube bwa Jehova ciindi notubala bbuku lya Malilo? (Malo. 3:22, 23, 32) [Kubala kwa Bbaibbele Kwansondo Ansondo; amubone a si p. 132 minc. 13, 15]
13. Ino muunzila nzi Jehova ‘mbwaakamoongelezya’ Jeremiya? (Jer. 20:7) [Kubala kwa Bbaibbele Kwansondo Ansondo; amubone w89 5/1 p. 31 munc. 6.]
14. Ino ncinzi Jesu ncaakali kwaamba ciindi naakati muuya uusalala “uyoomwiisya zintu zyoonse, uyoomuyeezya zyoonse nzendakamwaambila”? (Joh. 14:26) [w00-E 4/1 p. 8 minc. 7-8]
15. Ikweelena abbuku lya Jeremiya 35:18, 19, ino mbulangizi nzi baciinga cabana Rekabu bamazubaano ncobajisi? [Kubala kwa Bbaibbele Kwansondo Ansondo; amubone su p. 131 munc. 7.]
16. Ikweelana akuzuzikizyigwa kwa Jeremiya 23:33, ino mbusinsimi nzi buyoosya mazubaano bwaambwa mu Jwi lya Leza bujisi mapenzi mapati? [Kubala kwa Bbaibbele Kwansondo Ansondo; amubone w94 3/1 p. 12 minc. 18, 20.]
17. Ino mbuti Baruki mbwaatakajatisya nzila yakumuuya, alimwi ino nciiyo nzi ncotukonzya kwiiya kuli ceeco cakamucitikila? (Jer. 45:1-5) [Kubala kwa Bbaibbele Kwansondo Ansondo; amubone w97 9/1 p. 12 minc. 14-16.]
18. Ndiilili alimwi mbuti businsimi bujanwa kuli Jeremiya 50:38 mbobwakazuzikizyigwa? [Kubala kwa Bbaibbele Kwansondo Ansondo; amubone dp p. 150 minc. 2-3.]
19. Ino mapenzi aa Jerusalemu, “nakalindu wa-Juda” atondezya kuti ncinzi cakali kulangilwa kucitikila Kristendomu kweelana ambuli mbolyaamba bbuku lya Malilo 1:15? [Kubala kwa Bbaibbele Kwansondo Ansondo; amubone w88 9/1 p. 27 kabbokesi.]
20. Ino kaambo kakuti “Samununa citambala, gwisya musini,” kaiminina nzi kweelena ambokulembedwe kuli Ezekieli 21:26? [Kubala kwa Bbaibbele Kwansondo Ansondo; amubone w88 9/15 p. 19 munc. 16.]
Amubikke bbala naa mabala aayandika kutegwa twaambo ootu tuzulile:
21. Muntu uulibombya ulacita zintu ․․․․․․․․ kujatikizya ․․․․․․․․ alimwi ulizyi kuti kuli ․․․․․․․․ kuzintu nzyayanda kucita naa zyakonzya kucita. (Mk. 6:8) [w00 3/15 p. 21 minc. 1-2]
22. Nokuba kuti muuya uusalala taukonzyi kumana ․․․․․․․․ naa ․․․․․․․․, ulakonzya kutugwasya ․․․․․․․․ kulizyinzyo. (1 Kor. 10:13; 2 Kor. 4:7) [w00-CN 4/1 p. 11 munc. 6]
23. Ikweelena akuzuzikizyigwa kwabbuku lya Ezekieli 21:26, bwami ‘busumpukide’ bwa ․․․․․․․․ ‘bwakafwiinsyigwa’ kwiinda kulunyonyoono lwakacitwa mu ․․․․․․․․., alimwi bwami ‘bufwiinsyidwe’ bwaba Helene ‘bwakasumpulwa’ akupegwa ciindi cakweendelezya nyika kakunyina kunyonganizyigwa a ․․․․․․․․ bwa Leza bwacikozyanyo. [Kubala kwa Bbaibbele Kwansondo Ansondo; amubone w88 9/15 p. 19 munc. 16.]
24. Ebedimeleki wakali kwiiminina ․․․․․․․․, baya kufwutulwa lya ․․․․․․․․ akaambo kakuti bapanga cilongwe alimwi balabagwasya ․․․․․․․․ banyina a Kristo. [Kubala kwa Bbaibbele Kwansondo Ansondo; amubone w82 10/1 p. 27 munc. 11.]
25. Izintu zyakacitika zilembedwe kuli Jeremiya 52:5-11 zyakacitika mu ․․․․․․․․ B.C.E. [Kubala kwa Bbaibbele Kwansondo Ansondo; amubone w88 4/1 p. 14 munc. 18.]
Amusale bwiinguzi buluzi mukaambo kamwi akamwi katootu tutobela:
26. Jobu wakali kulubikkila maano (luzibo; luzyalo; lubeteko) lwa Jehova, aboobo wakabalanganya (cabusongo; caluzyalo; bweelede) bazike bakwe. (Job. 31:13, 14) [w00-CN 3/15 p. 26 munc. 1]
27. Kubbuku lya Jeremiya 16:2-4, imusinsimi wakalaililwa kutakwata (kutegwa atondezye muuya wakwe wakulyaaba; kutegwa atondezye nzila njaakali kuyootola Mesiya yakutakwata; ikutegwa asinizye kusyomeka kwajwi lya Jehova kujatikizya lunyonyooko lwa Jerusalemu). [Kubala kwa Bbaibbele Kwansondo Ansondo; amubone w78 4/15 p. 31 munc. 2.]
28. Ibbuku lya Tusimpi 4:18 lilatugwasya kumvwinsya ncokwali (kucinca-cinca; ncokutako kucinca-cinca) kwamyaka minji mukuyiisya kwa Bakamboni ba Jehova? [rs-CN p. 277 munc. 1]
29. Taku muntu uulya maila uukonzya kulibala bweelede izina lya Leza mbuli mbolyakali kwiitwa mu Cihebrayo akaambo kakuti Cihebrayo camu Bbaibbele cakali kulembwa (buyo kwiinda mukubelesya twana twamabala (a e i o u); (bakali kubelesya mabala mbuli B, C, D, F, H, M, P ,). [rs-CN p.419 munc.1-p.420 munc. 3)
30. Inkalaki ya Leza yaambidwe kuli Ezekieli caandaano 1 iiminina (Bulelo bwa Leza bwabu Mesiya; imbunga yazilenge zyamuuya zya Jehova; ninzila njabelesya Jehova kweendelezya bamucaala). [Kubala kwa Bbaibbele Kwansondo Ansondo; amubone w88 9/15 p. 11 munc. 5.]
Amweendelanye magwalo aaya atwaambo tulaansi aawa:
Dt. 7:25, 26; Tus. 4:18; 5:21; Jer. 46:28; Rom. 15:4
31. Mulawo ooyu uupa kaambo ibantu ba Jehova mbobeelede kwiibona mituni njobakali kupa bulemu. [rs-CN p.437 munc. 5-p.438 munc. 2]
32. Inzila Jehova njaumbulizyila bantu nkwiinda mu Jwi lyakwe lilembedwe ilijisi bulangizi bwakumpela ibutaliboteli. [w00 4/15 p. 5 munc. 4]
33. Lulayo lwabazyali kubana babo tabeelede kuciindilizya nokuba kulezya kusika waawo aayandika kululamika naa kuyiisya. Kubala kwa Bbaibbele Kwansondo Ansondo; amubone kl p. 148 munc. 20.]
34. Mbwaanga Jehova ulapa kuti babelesi bakwe baamvwinsye makanze aakwe aniini-niini, kanjikanji luzibo luyungizyidwe lupa kuti tucince kujatikizya mbotuyeeya. (rs-CN p. 277 munc.1)
35. Micito ili yoonse iijatikizya koonana, iicitwa cakusisikizya naa caantangalala, kubusyu bwa Leza taisisidwe pe. [w00-CN 7/15 p. 31 munc. 3]