Zyakwaambilizya

◼ Mabbuku aakumwaya mu October: Mamagazini aa Ngazi Yamulindizi alimwi a Galamukani! Kulibaabo batondezya luyandisisyo, amubape broshuwa ya Ncayanda akusoleka kutalisya ziiyo zya Bbaibbele. November: Ncinzi Leza Ncayanda Kulindiswe? naa Luzibo Lutola Kubuumi Butamani. Ikuti bantu kabaajisi kale mabbuku aaya, ilimbi lyakaindi lilakonzya kumwaigwa. Mulakonzya kulanga naa mbungano zili afwaafwi zilijisi mabbuku aakaindi aayindilila ikuti kamutaajisi mumbungano yanu. December: Muntu Mupati Kwiinda Iwakaponede. Ikuti kamutalijisi bbuku eeli, inga mwabelesya Ibbuku Lyangu Lyamakani Aa-Bbaibbele, Baibulo—Kodi Ndilo Mawu a Mulungu Kapena a Munthu? naa lya Mulakonzya Kupona Kukabe Kutamani mu-Paradaiso Anyika. Ikuti mbungano kaitaajisi mabbuku aaya, amulange naa mbungano zili afwaafwi zilijisi mabbuku aayindilila ngomukonzya kubelesya. January: Kufwumbwa bbuku ilyakamwaigwa kautanasika mwaka wa 1988 eelyo liciliko mumbungano mbuli bbuku lya Mankind’s Search for God.

◼ Ipepa lyamukati lya Mulimo Wesu Wabwami ooyu ndya “Mulongo Wamakani aa Mucikolo Camulimo Weendelezyegwaa Leza wamu 2003,” aboobo lyeelede kubambwa kabotu kutegwa likabelesyegwe mumwaka woonse wamu 2003.

◼ Ikuti naa ciindi ncomucita miswaangano yambungano ciyoocinca mu January 1, mulembi wamumbungano weelede kwiizyibya ofesi yamutabi kujatikizya kucinca kwacitwa kwiinda mukutumina foomu ya Congregation Meeting Information (S-5).

◼ Ipepa lyalugwalo lwamwaka wa 2003 lyakasimbwa kale lilakonzya koodwa lino. Kuli misyobo yobile yamapepa aaya. Eelyo lidula lyuulwa K11,000.00 alimwi lilijisi kale ibunzuka naa gulu yakunamatizya, kakuli eelyo litaduli lyuulwa K3,000.00 alimwi lyakasimbwaa cipepa buyo citajisi bunzuka. Mapepa aaya ayeelede koodwa alimwi akubbadalwa kwiinda mukubelesya foomu ya S-20, kailembedwe kabotu-kabotu kuti “Lugwalo lwamwaka” mumuzila nsini alimwi akutondezya mwaambo wini ngomuyanda. MUTABELESYI S-14 PE. Misyobo yoonse yobile inooliko mu Chichewa, Cibemba alimwi amu Cingisi. Mu Chitonga kunakuli buyo musyobo uudula (K11,000.00) alimwi uutaduli unakuliko mu Cilozi (K3,000.00). Takukabi lugwalo lwamwaka wa 2003 mu Cilubale pe. Mbungano zyoonse zilaililwa kuyoobikka lugwalo lwamwaka lupya mbobuyoosika buyo buzuba bwa January 1, 2003. Mbungano zyeelede kooda buyo lugwalo lwamwaka lomwe mumwaambo umwi aumwi. Ikuti naa mbungano zinji zibelesya Ŋanda ya Bwami yomwe kazibelesya myaambo isiyene-siyene, zilakonzya kooda lugwalo lwamwaka lomwe mumwaambo umwi aumwi.