Izibalo Zyitaliboteli Kubala!

Sena tamuzumini kuti mitwe yamakani eeyi izwa muzibalo zyakaindi zyamu Ngazi Yamulindizi ilimvwisya kuti ijisi makani aataliboteli kubala?

“Jehova Ulibazyi Alimwi Ulabakwabilila Bantu Bakwe”

“Amuyaambele Mukujata Lulimi”

“Eelyo Bunakristo Nobwakali Kucitwa Cakusisikizya”

“Ikukambauka Cakuzwidilila Kuli Basiŋanda”

“Ikwiingula Mubuzyo Wakuti, Sena Mwakafwutulwa Kale?”

Zibalo eezi alimwi azimwi zinji nkozili mu Ngazi Yamulindizi yamu mwaka wa 1951 alimwi a 1952. Sena nzyakaindi cakuti mazubaano swebo tazikonzyi kutugwasya? Peepe! Mulakonzya kwaajana mabbuku aa Ngazi Yamulindizi mu Cingisi aamu mwaka wa 1951 alimwi a 1952. (Mabbuku aa Ngazi Yamulindizi aamu Cingisi aamu myaka ya 1953 kusikila mu 1959 aalo nkwaali.) Kufwumbwa sikumwaya uuyanda mabbuku aa Ngazi Yamulindizi aaya ulakonzya kulomba lino kwiinda mumubelesi wamabbuku aambungano.

Mulangizi Wacikolo Camulimo Weendelezyegwaa Leza weelede kubona naa kuli mabbuku aaya aatako mulaibbulali iili mu Ŋanda ya Bwami alimwi akwaawoda aayo aatako.