Zyakwaambilizya
◼ January: Kufwumbwa bbuku lyamapeeji aali 192 lyakamwaigwa kautanasika mwaka wa 1988 lilakonzya kubelesyegwa. Imbungano zitajisi mabbuku aamapeeji aali 192 akaindi zilakonzya kwaabila bbuku lya Mankind’s Search for God. February: Ibbuku lipya lya Amubaa Cilongwe a Jehova liyakwaabilwa. March: Luzibo Lutola Kubuumi Butamani. Tuyoosolekesya kutalisya ziiyo zya Bbaibbele zyaaŋanda. April alimwi a May: Kuya kwaabilwa Ngazi Yamulindizi alimwi a Galamukani! Ciindi nomucita nyendo zyakupilukila kubantu bakatondezya luyandisisyo, balo ibakonzya kubikkilizya abaabo ibakajanika ku Ciibalusyo alimwi amumiswaangano imwi yeendelezyegwaa Leza, pele ibataswaangani lyoonse ambungano, amubikkile maano ikutegwa mubaabile bbuku lya Amukombe Leza Mwini-Mwini Uuli Alikke. Kuyandika kusolekesya kutalisya ciiyo ca Bbaibbele caaŋanda, ikapati ikuti naa bamwi bakaliiya kale bbuku lya Luzibo alimwi abroshuwa ya Ncayanda.
◼ Ikutalikila mu February kusilika mu March 2, balangizi bamabbazu banoobandika makani aajisi mutwe wakuti: “Ikufwutulwa Munyika Yamudima.”
◼ Imbungano zyeelede kucita bubambe bwakuyoocita Ciibalusyo mwaka uuno muli Bwatatu mu April 16 lyaakubbila zuba. Nokuba kuti makani alakonzya kutalika kufwambaana, pele kwiinzya zitondezyo takweelede kucitwa ikuti zuba kalitanabbila. Amubuzye kuli baabo bazyi bakubusena ooko nkomukkala kujatikizya ciindi nolibbila zuba. Mumasena oomo mbungano zili mbozibede mozibelesya Ŋanda ya Bwami yomwe, ambweni yomwe naa ziinda aawo inga zyajana busena bumbi bwakubelesya mangolezya aayo. Ikuti kacikonzyeka, tuyeeya kuti inga cagwasya ikuti imapulogilamu kaandeene kwamaminiti aali 40 kutegwa bantu boonse bagwasyigwe kapati aciindi eeci. Bweende bwamyootokala abwalo bulayandika kubulanga-langa alimwi ampwiisiigwa kubikkilizya aakuselusyila bantu alimwi aakutantila. Ikabunga kabaalu keelede kucita bubambe ibukonzya kugwasya kubusena ooko.
◼ Zintu mulangizi weendelezya nzyeelede kulanga kumulembi nzyeezyi: Sena kuli basikumwaya bakalongela kumbungano iimbi caino-ino? Sena kuli makani aakatuminwa kumbungano eeyo ikutegwa basikumwaya bakatambulwe camaanza obilo alimwi akugwasyigwa abakwesu? Sena kuli basikumwaya bakalongela mumbungano yanu caino-ino? Sena mulembi wakamulembela mulembi wakumbungano ooko nkobakazwa? Sena makkaadi aalembelwa zyasikumwaya akatuminwa?