Zyakwaambilizya

◼ Mabbuku aakumwaya mu April alimwi a May: Kuya kwaabilwa Ngazi Yamulindizi alimwi a Galamukani! Ciindi nomupilukila kubantu bakatondezya luyandisisyo, kubikkilizya abaabo ibajanika ku Ciibalusyo alimwi amububambe bumwi bucitwa ambungano, pele batasungweede kuswaangana ambungano, amubikkile maano kumwaya bbuku lipya lya Amukombe Leza Mwini-Mwini Uuli Alikke. Amube amakanze aakutalisya ciiyo ca Bbaibbele caaŋanda, ikapati ikuti naa bantu aabo bakaliiya kale bbuku lya Luzibo alimwi abroshuwa ya Ncayanda. June: Amwaabile bbuku lya Luzibo naa broshuwa ya Ncayanda. Ikuti balaaŋanda kabaajisi kale mabbuku aaya, amubaabile broshuwa yeelede imbungano njoijisi. July a August: Kufwumbwa broshuwa akati kayaaya aamapeeji aali 32 inga yamwaigwa: Sena Leza Ncobeni Ulatulanganya?, Amutangale Abuumi Butamani a-Nyika!, Amubone! Ndalengulula Zintu Zyoonse Zibe Zipya,” Kodi Muyenera Kukhulupirira Utatu?, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, The Divine Name That Will Endure Forever, Imfulumende Eeyo Iiyooleta Paradaiso, Mulakonzya Kuba Mulongwe wa Leza!, Ncinzi Cicitika Kulindiswe Twafwa?, Ino Buumi Bujisi Mulimonzi—Mbubuti Mbomunga Mwabujana? alimwi aya kuti Ciindi Muntu Ngomuyanda Nafwa.

◼ Kutalikila mu April, mabbaaji aakumuswaangano wacooko wamu 2003 ayootuminwa antoomwe ampasya nzyomuyootuminwa kakunyina akwaawoda buya. Aboobo takuyandiki kwaawoda buya pe. Kweelana akukomena kwambungano aimwi, mabbaaji ayootuminwa mutulwi tujisi mabbaaji aali 20. Ikuti mbungano kaziyanda aambi mabbaaji, zyeelede kwaawoda ikubelesya Foomu Yakoodela Mabbuku (S-14). Cilayandika ikooda tupulasitiki naa tukomwi twamabbaaji ikuti kakuli bamwi ibatuyanda mumbungano.

◼ Ncintu ciyandika lyoonse kuti ofesi yamutabi kayaabambulula ciindi aciindi makkeyala alimwi amanamba aaluwaile aabalangizi beendelezya alimwi abalembi. Ikuti naa kwaba kucinca, Ikkomitii Yamulimo Yambungano yeelede kulemba mufoomu yakucinca kwakkeyala ya Mulangizi Weendelezya naa Mulembi (S-29) akwiitumina kuofesi yamutabi cakufwambaana. Eeci cibikkilizya kucinca kuli koonse kukonzya kucitwa kumanamba aaluwaile kubusena nkomubede.

◼ Ibalembi bambungano beelede kuti kabajisi mafoomu manji aa Kulembela Mulimo Wabupainiya Bwaciindi Coonse (S-205) alimwi aya Kulembela Mulimo Wabupainiya Bwakugwasilizya (S-205b). Mafoomu aaya alakonzya koodwa kwiinda mukubelesya Foomu Yakoodela Mabbuku (S-14). Mweelede kuba amafoomu ngomukonzya kubelesya kwamwaka. Amulange-lange mafoomu oonse aabaabo bakalembela mulimo wabupainiya bwaciindi coonse, kutegwa musinizye kuti akalembwa kabotu. Ikuti naa basikulembela kabatakonzyi kuyeeya deeti nobakabbapatizyigwa, beelede kulemba buzuba bwamwezi bulaafwiifwi abuzuba oobo mbubakabbapatizyigwa, kwamana waawo amwaayobole makani aaya.

◼ Lyoonse nomuyanda kuyooswaya cisi cimwi alimwi akuti muyanda kuyoojanika kumiswaangano yambungano, muswaangano wabbazu naa wacooko, nomubuzya kujatikizya madeeti, ziindi alimwi amasena, mweelede kubuzya ofesi lyamutabi lilanganya mulimo mucisi eeco ncomuyanda kuyooswaya. Makkeyala aamaofesi aamutabi alajanika kupeeji yamamanino mu Yearbook iibelesyegwa mwaka umwi aumwi.

◼ Mulangizi weendelezya weelede kubuzya mulembi makani aaya: Sena kuli basikumwaya bakalonga kuzwa mumbungano caino-ino? Sena baalu bambungano nkobakalongela bakazyibisyigwa kutegwa aaba basikumwaya bakatambulwe kabotu akugwasyigwa abakwesu bakooko? Sena kuli basikumwaya bakalongela mumbungano yanu caino-ino? Sena mulembi wakamulembela mulembi wakumbungano nkobakazwa? Sena makkaadi aabasikumwaya aabo akatuminwa?

◼ Ikutalikila a Ngazi Yamulindizi ya April 1, 2003 imagazini yamu Chibemba inooliko mumabala mapati.

◼ Zibelesyo Zyisumpula Majwi: Nkozili zibelesyo zyisumpula majwi zinji kuofesi lyamutabi, aboobo imbungano zitajisi zibelesyo eezyi mu Ŋanda ya Bwami zyeelede kubuzya muulo alimwi amakani aamwi ikubelesya kkeyala eeyi: Watch Tower Society, Treasury Department, Box 33459, Lusaka 10101.

◼ Makkaseeti Mapya Aakuswiilila Aaliko:

Amubulemeke Bweendelezi bwa Jehova (Cisobano camu 2001; teepu yakuswiilila yakalekkoodwa buyo kucibeela comwe)—Chibemba