Kwiinduluka kwa Mucikolo Camulimo Weendelezyegwaa Leza

MABBUKU AAKUBELESYA: Ibbaibbele, Ngazi Yamulindizi [w-CG], Amugwasyigwe Alwiiyo Lujanwa Mucikolo Camulimo Weendelezyegwaa Leza [be-CN], Muntu Mupati Kwiinda Iwakaponede [gt-CG], alimwi a Kukambitsirana za m’Malemba [rs-CN].

Mibuzyo iitobela iyoobandikwa Mucikolo Camulimo Weendelezyegwaa Leza munsondo iitalika mu August 25, 2003. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu July 7 kusikila munsondo iitalika mu August 25, 2003. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.−Amubone bbuku lya Cikolo Camulimo, pp. 36-7.]

ZIBEELA ZYAKUKANANA

1. Ino mbubotu nzi bujanika kwiinda mukubalanga kubusyu bantu nomuli mumulimo? [be p. 125 munc. 1-2; p. 125 kabbokesi]

2. Ikuti kamulibilika nomuyanda kuunka mumulimo, ino ncinzi cikonzya kumugwasya? [be p. 128 munc. 4-5]

3. Ino ncinzi ciyoomugwasya ikukanana mbomukanana lyoonse alimwi cakulikwaya nomubandika makani kucibumbili? [be p. 129 munc. 2; p. 129 kabbokesi]

4. Ino njiisyo zijanika kuli Levitiko 16:4, 24, 26, 28; Johane 13:10; alimwi a Ciyubunuzyo 19:8 zyeelede kubujatikizya buti mbotuboneka, alimwi ino nkaambo nzi eeci ncociyandika? [be p. 131 munc. 3; p. 131 kabbokesi]

5. Amumupandulule muntu uulibombya alimwi uujisi “bulemu.” (1 Timo. 2:9, 10, Ci) [be p. 132 munc. 1]

MAKANI NO. 1

6. Ino muntu inga wakomba buti mituni kakunyina kulyaaba buya kuzibumbwa: [w01-CG 7/1 p. 11 munc. 11-12]

7. Kaliluzi naa Takaluzi: Bamayi banji abahaazibwene mumbazu zimwi zyalwiiyo zisumpukide beelede kulemekwa kapati akaambo kakuti makani aansiku atondezya kuti boonse bamayi ibakali ampuwo kapati bakaliluleme cakumaninina muzintu zyibakali kuyiisya. [w01-CG 8/1 p. 5 munc. 4]

8. Ino ncinzi ceelede kutukulwaizya kapati kubala Jwi lya Leza, alimwi nkaambo nzi kukulwaizya ooku ncokuyandika kapati? [be p. 24 munc. 1]

9. Ino ntwaambo nzi totatwe itupa kuti tujane lukkomano mumulimo wakutebula sunu? [w01-CG 8/1 pp.7-8 munc. 1-4]

10. Ino micito iili buti iikonzya kusololela mukutalilemeka kwiinda mukoonana? [w01-CG 7/1 11-14 munc. 11-21]

KUBALA BBAIBBELE NSONDO ANSONDO

11. Ino mbuti ibakabunga keendelezya mbobakacikonzya kusala “amoyo omwe” kuti basyomi Bamasi tiibakeelede kupalulwa kutegwa bafwutulwe? (Inc. 15:25)

12. Ino nkaambo nzi ibakabunga keendelezya ncobakaambila Paulo kucita ziyanza zimwi zya Mulawo wa Musa kakuli Mulawo ooyo wakalilesyedwe a Jehova? (Inc. 21:20-26) [it-1 p. 481 munc. 3; it-2 p. 1163 munc. 6–p. 1164 munc. 1]

13. Ino makani nzi mwaapostolo Paulo ngaakatamikizyigwa aatuyeezya twaambo tutamikizyigwa Bakamboni ba Jehova mazubaano? (Inc. 24:5, 6) [w01-CN 12/15 p. 22 munc. 7–p. 23 munc. 2]

14. Ino mbuti Paulo mbwaakapa cikozyanyo kali mukambausi wa Bwami nociba ciindi kaangidwe muŋanda kwamyaka yobile? (Inc. 28:30, 31)

15. Ino muunzila nzi “maami aacisi” mwali cibeela cabubambe ‘bubikkidwe a Leza,’ alimwi ino eeci ceelede kubajatikizya buti Banakristo? (Rom. 13:1, 2) [w00-CG 8/1 p. 4 munc. 5]