Kwiinduluka Kwa Mucikolo Camulimo Weendelezyegwaa Leza
Mibuzyo iitobela iyoobandikwa Mucikolo Camulimo Weendelezyegwaa Leza munsondo iitalika mu October 27, 2003. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu September 1 kusikila munsondo iitalika mu October 27, 2003. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.−Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Ino lwaamba nzi lulayo lupedwe ku 1 Timoteo 2:9 kujatikizya kusama zisani ‘zyeelede,’ alimwi mbuti eeci mbocikonzya kutujatikizya notukanana makani kucibumbili naa mumulimo wamumuunda? [be-CN p. 132 munc. 4-5]
2. Ino mbuti njiisyo zyamu Bbaibbele zilembedwe ku 1 Johane 2:15-17, Ba-Efeso 2:2 alimwi a Ba-Roma 15:3 mbozijatikizya mbotulibonya? [be-CN p. 133 munc. 2-4]
3. Ino nkaambo nzi kubatama ncokuyandika, alimwi mbuti muntu mbwanga wacikonzya kubatama naakanana kucibumbili naa kutola lubazu mumulimo? [be-CN p. 135 kabbokesi; p. 136 munc. 5, kabbokesi]
4. Mbwali ‘kamboni uusyomeka uusinizyide,’ ino mbuti Jesu mbwaakatupa citondezyo mukubelesya Bbaibbele mumulimo? (Ciy. 3:14) [be-CN p. 143 munc. 2-3]
5. Ino mbuti mbotukonzya kuyaambele mukubelesya Bbaibbele? (Tit. 1:9) [be-CN p. 144 munc. 1, kabbokesi]
MAKANI NO. 1
6. Ino ncinzi cijatikizyidwe mukwiiya, alimwi mbubotu nzi bumwi bujanika mukwiiya Jwi lya Leza lyoonse? [be-CN p. 27 munc. 3; p. 32 munc. 4]
7. Kweelana a Jakobo 1:5, 6, ino ncinzi ciyandika notuyanda kukosola makani mapati? [w02 4/1 p.29 munc. 17]
8. Ino nkaambo nzi ncocitali camaanu kulisyoma tobeni ciindi notusala cintu cibotu acibi? [w01 8/1 p. 20 munc. 11]
9. Ino nkaambo nzi ncotuteelede kumuyoowa Diabolosi? [w01 9/1 p. 5 munc. 5]
10. Ino mbuti Munakristo mbwakonzya ‘kutobela’ luumuno? [w01 9/1 p. 22 munc. 4]
KUBALA BBAIBBELE NSONDO ANSONDO
11. Kaliluzi naa Takaluzi: Ku 1 Ba-Korinto 2:9, imwaapostolo Paulo waamba zintu Jehova nzyabambilide bantu bakwe basyomeka kuti bakakone. Amupandulule. [ip-2 p. 366 kabbokesi]
12. Ino nkuumasunko aali majwi aalembedwe ku 1 Ba-Korinto 10:13 nkwaabeleka, alimwi mbuti Jehova ‘mbwapa nzila yamaccijilo’? [w02 3/1 p. 13 munc. 2; pp. 14-15 munc. 7-11]
13. Ino cikozyanyo ca Jesu cabwaabi cibajatikizya buti Banakristo? (2 Kor. 8:9) [w92 1/15 p. 16 munc. 10]
14. Ino mbuti Mulawo mbowakali “simalelo mane kusikila kuciindi ncati keze Kristo”? (Gal. 3:24) [w02 6/1 p. 23 munc. 11]
15. Ino “zilenge zitaanzi zyaansi” zili nzyotweelede kutantamuka kutegwa tutayungwi? (Kol. 2:8)