Zyakwaambilizya
◼ Mabbuku akumwaya mu January: Bbuku lili lyoonse lyakamwaigwa kautanasika mwaka wa 1988 ngolijisi mbungano. Ikuti kamutajisi mabbuku aya, amulombe kumbungano ili afwaafwi kuti kabajisi mabbuku akaindi manji ngomukonzya kubelesya. Imbungano zitajisi mabbuku akaindi inga zyamwaya bbuku lya Mankind’s Search for God. February: Ibbuku lya Amubaa Cilongwe a Jehova. Ikuti bbuku eeli taliko, inga mwabelesya bbuku lya Creation (lipati naa lisyoonto) naa bbuku lya Revelation Climax. March: Luzibo Lutola Kubuumi Butamani. Kusola-sola kulibedelede kuya kucitwa kutalisya ziiyo zya Bbaibbele zyaaŋanda. Ikuti bantu kabalijisi kale ibbuku eli, ibbuku lya Amububikkile Maanu Businsimi bwa Daniele! inga lyamwaigwa. April: Kuya kwaabilwa mamagazini aa Ngazi Yamulindizi alimwi a Galamukani! Ciindi nomucita nyendo zyakupilukila kubantu bakatondezya luyandisyisyo, amubikkilizye abaabo ibajanika a Ciibalusyo naa kumiswaangano imbi yeendelezyegwa a Leza pele batali cibeela cambunga. Amubikkile maano ikutegwa mubaabile bbuku lya Amukombe Leza. Amusolekesye kutalisya ciiyo ca Bbaibbele caaŋanda, ikapati ikuti bamwi bakaiya kale bbuku lya Luzibo a broshuwa lya Ncayanda.
◼ Kutalikila mumvwiki ya March 15, 2004, tunakwiiya bbuku lya Amubaa Cilongwe a Jehova a Ciiyo Cabbuku Cambungano.
◼ Ikutalikila mu February kusikila mu March 7, balangizi bamabbazu banoobandika makani aajisi mutwe wakuti “Mmilawo Yani Yakulilemeka Njomukkomanina?”
◼ Imbungano zyeelede kucita bubambe bwakuyoocita Ciibalusyo mwaka uuno mu Nsondo mu April 4, lyaakubbila zuba. Nokuba kuti makani alakonzya kutalika kufwambaana, pele kwiinzya zitondezyo takweelede kucitwa ikuti zuba kalitanabbila. Amubuzye kuli baabo bazyi bakubusena ooko nkomukkala kujatikizya ciindi nolibbila zuba. Mbwaanga takukabi miswaangano iili yoonse itiikacitwe mubuzuba obo ccita buyo yamumulimo wamumuunda, mweelede kubaa bubambe bweelede bwakuyoocita Ciiyo ca Ngazi Yamulindizi aciindi cimbi. Balangizi bamabbazu bayooyandika kucinca mulongo wabo wamiswaangano yansondo eeyo kweelanaa bukkale bwakubusena ooko nkobabede. Nokuba kuti cilainda kubota kuti mbungano aimwi ibe a Ciibalusyo cayo, talili lyoonse eeci nocikonzyeka. Mumasena oomo mbungano zili mbozibede mozibelesya Ŋanda ya Bwami yomwe, ambweni mbungano yomwe naa ziinda aawo inga zyajana busena bumbi bwakubelesya mangolezya aayo. Ikuti kacikonzyeka, tuyeeya kuti inga cagwasya ikuti imapulogilamu kaandeene kwamaminiti aali 40 kutegwa bantu boonse bagwasyigwe kapati aciindi eeci. Bweende bwamyootokala abwalo bulayandika kubulanga-langa alimwi ampiisiigwa kubikkilizya aakuselusyila bantu alimwi aakutantila. Ikabunga kabaalu keelede kucita bubambe ibukonzya kugwasya kubusena ooko.
◼ Zintu mulangizi weendelezya nzyeelede kulanga kumulembi nzyeezyi: Sena kuli basikumwaya bakalongela kumbungano iimbi caino-ino? Sena kuli makani aakatuminwa kumbungano eeyo ikutegwa basikumwaya bakatambulwe camaanza obilo alimwi akugwasyigwa abakwesu? Sena kuli basikumwaya bakalongela mumbungano yanu caino-ino? Sena mulembi wakamulembela mulembi wakumbungano ooko nkobakazwa? Sena makkaadi aalembelwa zyasikumwaya akatuminwa?
◼ Ilipooti yamulimo wamumuunda ya September 2003 ijisi mweelwe wabasikumwaya ulaansi. Cili boobo akaambo kakuti imbungano zili 57 tiizyakatumina malipooti kuofesi lya Mutabi. Aboobo tuyeezya balembi kuti kabatanoolindili malipooti aamukide, pele kabasanganya malipooti ngobatambula kuli basikumwaya kunyina makani amweelwe kabutanainda buzuba bwacisambomwi bwamwezi aumwi. Imalipooti aabasikumwaya aatambulwa kabwiindide kale buzuba bwacisambomwi bwamwezi aumwi ayelede kunoobikkilizyigwa kumyezi iitobela.