Zyakwaambilizya

◼ Mabbuku aakumwaya mumwezi wa July a August: Kufwumbwa broshuwa akati kayaaya aamapeeji aali 32 inga yamwaigwa: Sena Leza Ncobeni Ulatulanganya?, Amutangale Abuumi Butamani a-Nyika!, Amubone! Ndalengulula Zintu Zyoonse Zibe Zipya,” Kodi Muyenera Kukhulupirira Utatu?, The Divine Name That Will Endure Forever, Imfulumende Eeyo Iiyooleta Paradaiso, Mulakonzya Kuba Mulongwe wa Leza!, Ncinzi Cicitika Kulindiswe Twafwa?, Ino Buumi Bujisi Mulimonzi—Mbubuti Mbomunga Mwabujana? alimwi aya kuti Ciindi Muntu Ngomuyanda Nafwa. September: Is There a Creator Who Cares About You? Ikuti kaitako mulakonzya kumwaya Life—How Did it Get Here? By Evolution or by Creation? October: Ikumwaya kwaalubazu kwabroshuwa mpya, pele anakumwaigwa mumwezi woonse mamagazini aa Ngazi Yamulindizi alimwi a Galamukani! Amubone kwaamba kuti mamagazini kwaali manji. Mwajana bantu bajisi luyandisyisyo, amubatondezye ibroshuwa ya Ncayanda alimwi amube amakanze akutalisya ziiyo zya Bbaibbele zyaaŋanda.

◼ Kutalikila mumwezi wa September, imakani aabuleya ngobanookanana balangizi babbazu anoojisi mutwe wakuti, “Ikulangila Zili Kumbele Calusyomo Abusicamba.”

◼ Ikuti kamubelekela mucilawo citabelekwi-belekwi, basikumwaya balakonzya kwaabila broshuwa ya Ncayanda naa bbuku lya Luzibo. Kufwumbwa bbuku limbi lilakonzya kwaabilwa ikuti mukamwiniŋanda kaajisi kale mabbuku aaya obilo. Basikumwaya boonse beelede kubweza matulakiti aindene-indene aabaabo batajaniki mumaanda aabo naa batazumini kutambula mabbuku. Kweelede kusolekesya kutobela baabo batondezya luyandisyo.

◼ Kamutana lilembya mumulimo wabupainiya bwaciindi coonse kuofesi lyamutabi, mulembi wambungano weelede kwiinduluka mumafoomu oonse akubona kuti mazina alilembedwe kabotu mumulawo. Mazina abasikulilembya ayelede kulembwa kweelana ambwaabede a Citupa. Ikuti basikulilembya kabatayeeyi buzuba bwini mbobakabbapatizyigwa, beelede kuyeekezya buyo buzuba akubuyobola. Mulembi weelede kubulemba buzuba oobu akkaadi ya Aalembwa Zyabasikumwaya Aamumbungano (S-21).

◼ Lyoonse nomuyanda kuyooswaya cisi cimwi alimwi akuti muyanda kuyoojanika kumiswaangano yambungano, muswaangano wabbazu naa wacooko, eelyo nomubuzya kujatikizya madeeti, ziindi alimwi amasena, mweelede kubuzya baku ofesi lyamutabi lilanganya mulimo mucisi eeco ncomuyanda kuyooswaya. Makkeyala aamaofesi aamitabi alajanika apeeji yamamanino mu Yearbook iibelesyegwa mwaka umwi aumwi.

◼ Ncintu ciyandika lyoonse kuti ofesi lyamutabi kayaabambulula iciindi aciindi makkeyala alimwi amanamba aaluwaile aaluzi aabalangizi beendelezya alimwi abalembi. Ikuti naa kwaba kucinca, Kkomiti Yamulimo Wambungano yeelede kulemba mufoomu yakucinca kwakkeyala ya Mulangizi Weendelezya naa Mulembi (S-29) akwiitumina kuofesi lyamutabi cakufwambaana. Eeci cilabikkilizya akucinca kwamasena alimwi amanamba aaluwaile.