Zyakwaambilizya
◼ Mabbuku aakumwaya mu September: Is There a Creator Who Cares About You? Ikuti kamutalijisi ibbuku eeli, mulakonzya kwaabila lya Life—How Did It Get Here? By Evolution or by Creation? October: Mulimo waalubazu wakwaabila broshuwa lipya, pele mamagazini aa Ngazi Yamulindizi a Galamukani! ayoomwaigwa mumwezi oonse. Amubone kwaamba kuti mamagazini oonse abelesyegwa. Mwajana bantu bajisi luyandisisyo, amubaabile broshuwa ya Ncayanda akusolekesya canguzu kutalisya ziiyo zya Bbaibbele. November: Amwaabile bbuku lya Amwiiye ku Mwiiyi Mupati. Ikuti bamwi baamba kuti tabakwe bana, inga mwabaabila ibroshuwa ya Ncayanda. Nomubelesya ibroshuwa, amubikkile maano ikutalisya ziiyo zya Bbaibbele zyaaŋanda.
◼ Waini wa Ciibalusyo: Imbungano zyamuminzi inga zyatalika kooda waini lino. Amwiitumine Ifoomu yakutumina Mali Aakusanga (S-20) antoomwe amali. Amulembe kabotu-kabotu kuti, “FOR WINE” mumuzila uutalembedwe. Mutatulembeli lugwalo naa kutumina Literature Request Form (S-14) pe, njiyona S-20 ilabeleka. Ikuti naa tiimwabbadelela limwi, nkokuti tamukatuminwi waini pe. Muulo wakabbodela kawaini ka 200ml ngu K5,000.00. Mu December 31, 2004 mbobuzuba bwakuleka kooda. Waini uyootuminwa mu February 2005.
◼ Ipepa lyalugwalo lwamwaka wa 2005 lyakasimbwa kale lilakonzya koodwa lino. Kunakuli musyobo omwe buyo mbubwenya mbuli mu 2004 alimwi muulo ngu K3,000.00 yomwe. Lyakasimbwa acipepa buyo citajisi bunzuka. Mapepa aaya ayeelede koodwa akubbadalwa kwiinda mukubelesya foomu ya S-20, kailembedwe kabotu-kabotu kuti “LUGWALO LWAMWAKA” mumuzila nsini alimwi akutondezya mwaambo wini ngomuyanda. MUTABELESYI S-14 PE. Lugwalo lwamwaka lunooliko mu Chichewa, mu Chitonga, mu Chibemba, mu Chingisi alimwi amu Chilozi. Mbungano zyoonse zilaililwa kuyoobikka lugwalo lwamwaka lupya, mbobuyoosika buyo buzuba bwa January 1, 2005. Mbungano zyeelede kooda buyo lugwalo lwamwaka lomwe mumwaambo umwi aumwi. Ikuti naa mbungano zinji zibelesya Ŋanda ya Bwami yomwe kazibelesya myaambo isiyene-siyene, zilakonzya kooda lugwalo lwamwaka lomwe mumwaambo umwi aumwi.
◼ Makani aalubazu ciindi ca Ciibalusyo mumwaka wa 2005 ayookananwa mu Nsondo, mu April 10. Mutwe uya kwaambilizyigwa aakale. Imbungano izinooswaidwe mulangizi wabbazu naa izinoojisi muswaangano wabbazu antela waalubazu nsondo eeyo ziyooba amakani aalubazu nsondo iitobela. Kunyina mbungano yeelede kuba amakani aalubazu kabutanasika buzuba bwamu April 10, 2005.
◼ Baalu bayeezyegwa kuti baatobele kabotu malailile aapedwe mu Ngazi Yamulindizi yamu Chichewa yamu April 15, 1991 apeeji 21-23 kujatikizya baabo bakagusyigwa naa bakalizandula ibayandika kuswayigwa.
◼ Mbungano zyeelede kutalika kupa mamagazini mapya aa Ngazi Yamulindizi alimwi a Galamukani mbobaatambula buyo. Eeci ciyoopa basikumwaya ciindi cakuziba zili mukati kabatana kwaabila mamagazini mumulimo wamumuunda.
◼ Bantu bamwi babelesya Nyimbo zya Bwami zyamalimba mumafooni aakweenda angawo kubazibya kuti batuminwa luwaile. Amubone kuti zintu zyoonse zyakalekkoodwa kubikkilizya amabbuku aa Bakamboni ba Jehova tazizumizyigwi pe amulawo kubelesyegwa munzila iili yoonse naa kulembululwa kakunyina kuzumizyigwa mumulawo abamukamwini naa basikwaanza. Tacili kabotu kumuntu uuli woonse kubelesya nyimbo eezi zibelesyegwa mukukomba kuzyibelesya mumafooni.
◼ Kwalibonya kuti basikumwaya baciswa ibali muzibbadela naa aabo bajisi banamukwasyi baciswa bazyibya bacibeela ca Hospital Liaison Committee. Ibamwi balaswaya naa kutumina luwaile kuofesi lyamutabi nobayaanya makani aajatikizya kubikkwa bulowa. Basikumwaya ibayanda lugwasyo beelede kwaambila baalu bamumbungano bakapegwa mazina alimwi amanamba aaluwaile aabacibeela caba HLC alimwi ibali mbabajisi mukuli wakugwasya.
◼ Ipepa lilembedwe kabotu lya Mulongo Wazintu Zyeelede Kulanganya ku Ŋanda ya Bwami (CN-14) lyeelede kutuminwa ku Ofesi lya Mutabi mu September mwaka uli woonse. Mbungano aimwi iibelesya Ŋanda ya Bwami yeelede kutambula kkopi lyamulongo ooyu uulembedwe moonse. Ikuti kakuyandika kubambulula kuli koonse, baalu beelede kuzilanganya kutegwa Ŋanda ya Bwami kiili kabotu lyoonse. Mulangizi wabbazu naswaya mbungano, uyooyinduluka pepa lya Mulongo Wazintu Zyeelede Kulanganya ku Ŋanda ya Bwami.
◼ Mbwaanga October unoojisi nsondo zili musanu zikkwene, uyooba mwezi mubotu wakucita bupainya bwakugwasyilizya.