Kwiinduluka Kwamu Cikolo Camulimo Weendelezyegwa A Leza

Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu October 25, 2004. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu September 6 kusikila munsondo iitalika mu October 25, 2004. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]

ZIBEELA ZYAKUKANANA

1. Ino mbuti mbotukonzya kuba ajwi liyumya-yumya notukanana makani ajatikizya mbazu imwi yamulimo wa Bunakristo? [be p. 203 munc. 3-4]

2. Ino kwiinduluka ninzi, alimwi nkaambo nzi ncokuyandika? [be p. 206 munc. 1-4]

3. Ino mbuti mbotukonzya kukankaizya mutwe wamakani? [be p. 210 munc. 1-5, akabbokesi]

4. Ino mbuti mbotukonzya kutuzyiba twaambo tupati-pati twamakani ngotwapegwa kukanana? [be p. 212 munc. 1-4]

5. Ino nkaambo nzi ncotweelede kubikkila maano kutabelesya twaambo tunji kapati? [be p. 213 munc. 2-4]

MAKANI NA. 1

6. Ino nkaambo nzi ncotweelede kuliyumya? [w02 8/1 pp. 7-8 munc. 1-10]

7. Ino mmuunzila nzi Leza mbwaakayiisya naa kubapa bwini? [w02 8/1 pp. 12-13 munc. 1-8]

8. Ino mbuti Jesu mbwaakazumanana ikuyanda kuyiisya kwa Jehova? [w02 9/1 pp. 6-8 munc. 1-11]

9. Ino mbuti Ibbaibbele mbolitondezya kuti Saatani wazumanana kutamikizya babelesi ba Jehova ibali anyika? [w02 11/1 pp. 13-15 munc. 1-12]

10. Ino nguni naa ncinzi ciimininwa asikuminzya, muunda, imbuto imbotu, sinkondo, butebuzi alimwi abatebuzi? [gt 43 munc. 23]

KUBALA BBAIBBELE KWANSONDO ANSONDO

11. Mbwaanga Jehova wakaambila Balamu kuti aunke abasankwa ba Balaki, kaambo nzi ncaakanyema ciindi Balamu naakaunka ambabo? (My. 22:20-22)

12. Sena mulumi wamukaintu Munakristo ulakonzya kucimana cikonke camukaintu wakwe? (My. 30:6-8)

13. Ino “minzi yamayubilo” iiminina nzi mazubaano? (My. 35:6) [w95 11/15 p. 17 munc. 8]

14. Sena mulawo uuli ku Deuteronomo 6:6-9 ‘wakwaanga mulawo wa Leza kujanza alimwi aankumo kazili ziibalusyo’ weelede kumvwigwa mbobonya mboulembedwe?

15. Sena majwi aakuti “zyakusama zyanu teezyakazakaala” caamba buyo kuti zyakusama zyabana Israyeli zyakali kuba zinyawana? (Dt. 8:4)