Muswaangano Wacooko Utukulwaizya Kweenda a Leza

Elo kaka Muswaangano Wacooko wa “Amweende a Leza” wakatondezya lulayo lumvwika lwa Jehova lwakuti: “Njeeyi inzila, amweende mulinjiyo.” (Is. 30:21) Ikubelesya malailile ngotwakatambula kuyootugwasya ‘kucenjela loko mbutweenda.’ (Ef. 5:15) Kuzinzibala kuyeeya kuzintu nzyotwakaiya kuyootugwasya ‘Kuzumanana kweenda mulusinizyo.’—3 Joh. 3.

Kwiinda mukubelesya mibuzyo iitobela ikubikkilizya atwaambo ntumwakalemba kumuswaangano, amulibambile kuya kutola lubazu mukwiinduluka pulogilamu yamuswaangano yamwaka uno. Ikwiinduluka kuyoocitwa lya Muswaangano Wamulimo munsondo ya October 18.

1. Ino mbuti Enoki mbwaakacikonzya kweenda a Leza nokuba kuti wakali muziindi zyamapenzi? (Heb. 11:1, 5, 6; Jud. 14, 15; “Amweende a Leza Muziindi Zyamapenzi”)

2. Muumbazu zili zyabuumi njiisyo iijanika ku Luka 16:10 nkoikonzya kubelesyegwa? (‘Sena Mulasyomeka Muzintu Ziniini’?

3. (a) Amwaambe zyiiyo zili zyone zigwasya zyijanika ku Hosea caandaano 6 kusikila ku 9 ziyootugwasya kweenda a Leza. (Hos. 6:6, 7; 7:14; 8:7) (b) Ino ntwaambo nzi tuyungizyidwe kuli Hosea caandaano 10 kusikila ku 14 tutugwasya kweenda a Leza? (“Ibusinsimi bwa Hosea Bulatugwasya Kweenda a Leza.”—Makani aakusiilana)

4. Ino nzintu nzi zigwasya nzyobakonzya kucita baalumi Banakristo abamakaintu kuyumya cikwati cabo? (Tus. 12:4; Ef. 5:29; Mutabaandaanyi “Leza Mbaakaswaanganya”)

5. Mbuti mbotwiilemeka miswaangano yesu iisetekene? (Muk. 5:1; Is. 66:23; “Ikulemeka Miswaangano Yesu Iisetekene”)

6. (a) Ino nimbazu nzi zyotatwe ziyandika kapati mumulimo wakukambauka nzyotweelede kulanga-langa kubona kuti tulatola lubazu cakutainzya buyo mulawo mumulimo? (Is. 52:7; Zek. 8:23; Mk. 6:34) (b) Ino zibeela nzi zili mukabbuku ka Good News for People of All Nations (Makani Mabotu Kubantu Bamisyobo Yoonse) nzyomwajana kuti zyezyigwasya kapati? (“Makani Mabotu Kubantu Bamisyobo Yoonse”; “Ikugwasya Baabo Baambaula Mulaka Uumbi”)

7. Mbuti mbotunga twabagwasya bapya kuba alusinizyo mukwaambaula mulumbe wa Bwami? (Bab. 7:17; “Ikugwasya Makamu-Makamu Ikutusangana mu Mulimo”)

8. Ino mbuti mbotutondezya kusinizya kwesu kuti “Buzuba bupati bwa-Jehova buli kufwaafwi”? (Zef. 1:14; “Nkulusyomo Nkutweenda, Takweensi Kukubona Pe”)

9. (a) Ino makani aakufwumpula mapati buti? (Mk. 9:42-48) (b) Ino mbuti mbotukonzya kukuleka kufwumpula? (Int. 119:165) (c) Ino mbuti mbotukonzya kukuleka kufwumpula bamwi? (1 Kor. 10:24; Mutabikki “Imfumpu Niiba Yomwe Munzila Yamuntu”)

10. Mbuti mbotunga twakkazyika camba notuyandaula wakukwatana limwi, kuyandaula buzumi bubotu alimwi amakani aamakwebo? (Int. 26:4; Mt. 6:25; 1 Tim. 6:9; ‘Amube Bapakamene’)

11. (a) Ncinzi cikondelezya kujatikizya ziindi Jesu naakakukkomanina kwaaba kwabamwi? (Lk. 10:42; 24:32) (b) Mbuti mbotukonzya kuzuzikizya zyiyandika zyakulikondelezya munzila iikonzya kutukatalusya swebo alimwi abamwi? (1 Kor. 10:31-33; “Milimo Mibotu Iikatalusya”)

12. Ikweelana a Intembauzyo caandaano 23, nzilongezyo nzi nzyotujana ntobambelele zya Jehova, alimwi ino tujisi mikuli iili buti? (1 Kor. 10:21; “Jehova Mmweembezi Wesu”)

13. Mbuti Banakristo mbobatobela lulayo lwakasololelwa amuuya ‘lwakujatisya loko ciindi’? (Ef. 5:16; “Amujatisye Loko Ciindi”)

14. (a) Ino ‘ciindi calubeta’ caambwa ku Ciyubunuzyo 14:7 cibikkilizya nzi? (b) Mbuti mbotutondezya kuti masimpe twalizandula kuzwa ku Bbabbuloni Mupati? (“Amulangile Lyoonse”—Ciindi Calubeta Casika”) (c) Twaambo nzi tumwakkomanina kuzwa mubroshuwa ya Amulangile Lyoonse!?

15. Amwaambe bube buli botatwe buyandika ikutugwasya ‘kutasiya inzila iiluleme.’ (2 Pet. 2:15; Amukucenjelele ‘Kusiya Nzila Iiluleme’)

16. Mbuti bakubusi mbobakonzya kweeleba “kunjila munzila yabasizibi”? (Tus. 4:14; “Nobakubusi—Amweende Munzila Yabululami”)

17. (a) Muunzila nzi Paulo mwaakali cikozyanyo cibotu cakuliyumya? (Inc.14:19, 20; 16:25-33) (b) Nkaambo nzi ncotuteelede kuyoowa basinkondo babukombi bwakasimpe? (Cisobano amakani aakuti “Amulomye Kupa Bumboni Sunu Nomukazyigwa”)

18. Ino nzilongezyo nzi ziboola kuli baabo beenda a Leza? (“Ikweenda a Leza Kuletela Zilongezyo Lino Alimwi Kukabe Akutamani”)

Atuzumanane kutobela ‘ijwi likanana kusyule lyesu’ kutegwa tweende a Taateesu wakujulu kukabe kutamani.—Is. 30:21; Joh. 3:36.