Zyakwaambilizya

◼ Mabbuku akumwaya mumwezi wa February: Amumwaye bbuku lya Amubaa Cilongwe a Jehova. Ikuti kalitako bbuku eeli mulakonzya kubelesya bbuku lya Life—How Did It Get Here? By Evolution or by Creation? naa lya Revelation—Its Grand Climax At Hand! March: Amumwaye broshuwa lya Amulangile Lyoonse! Ikuti bamwi batondezya luyandisyo, amubatondezye ibbuku lya Luzibo akusola kutalisya ciiyo ca Bbaibbele caaŋanda. April alimwi a May: Kuya kwaabilwa Ngazi Yamulindizi alimwi a Galamukani! Ciindi nomweenda nyendo zyakupilukila, amubikkile maano kukwaabila bbuku lya Amukombe Leza. Mweelede kuba amakanze akutalisya ciiyo ca Bbaibbele caaŋanda ikapati abantu bakaliiya kale bbuku lya Luzibo naa broshuwa ya Ncayanda.

◼ Mulangizi weendelezya naa umwi ngwayootuma weelede kulingula nkomwi yamali aambungano mu March 1 naa cakufwambaana mbuli mbocikonzyeka bwainda buyo buzuba oobo. Naa kuli mali aabikkidwe ambali, mbuli aakubambuluzya naa aakuyasya, bubambe bweelede kubikkwa bwakwaalingula. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.

◼ Imulembi alimwi amulangizi wamulimo beelede kulanga-langa mulimo wabapainiya boonse baciindi coonse. Ikuti naa bamwi kabatakonzyi kusika amweelwe wamawoola uuyandika, ibaalu beelede kuba abubambe bwakubagwasya. Kutegwa mujane nzila mbomunga mwacicita eeci, amubale magwalo aa S-201 ngomulembelwa amwaka.

◼ Makani aabuleya aalubazu lyaciindi ca Ciibalusyo camu 2005 anoojisi mutwe wakuti, “Ino Jesu Wakapengela nzi Akufwa?” Amubone kwaambilizya kukozyenye akooku mu Mulimo Wesu Wabwami wamu September 2004.

◼ Boonse beelede kujanika ku Muswaangano Wabuleya mu nsondo, March 20, nokuyooba kwaambilizyigwa kwaalubazu kujatikizya bubambe buyoopegwa basikumwaya.

◼ Iba ofesi yamutabi tabatumini maoda aamabbuku aasikumwaya omwe buyo. Imulangizi weendelezya weelede kubona kwaamba kuti mwezi amwezi kulaambilizyigwa kaitana tuminwa oda yambungano yaamwezi kumutabi kucita kuti boonse ibayanda mabbuku baambile mukwesu uulanganya mabbuku. Kamwaayeeyede mabbuku aaodwa buyo caalubazu.

◼ Mabbuku aaliko:

Amugwasyigwe Alwiiyo Lujanwa mu Cikolo Camulimo Weendelezyegwa a Leza—Chibemba, Chilozi, Chilubale, a Chingisi

Amubaa Cilongwe a Jehova—Chibemba, Chichewa, Chifulenci, Chilozi, Chilubale, Chingisi, Chiswahili a Chitonga

Amubaa Cilongwe a Jehova (Mumabala mapati)—Cibemba

◼ Mabbuku Mapya aaliko:

Good News for People of All Nations—Cingisi

Amulangile Lyoonse!—Chibemba, Chichewa, Chikaonde, Chilozi, Chilubale, Chingisi Chiputyugizi, Chitonga, a Chitumbuka, Chiswahili.

◼ Imakkaseeti mapya aacisobano aaliko:

Amubulemeke Bweendelezi bwa Jehova—Chilozi