Zyakwaambilizya
Mabbuku aakumwaya mu November: Amwaabile bbuku lya Amwiiye ku Mwiiyi Mupati. Ikuti bali aŋanda baamba kuti tabajisi bana, amubaabile bbuku lya Luzibo naa katulakiti ka Sena Mulayanda Kuzyiba Zinji Kujatikizya Bbaibbele? December: Amwaabile bbuku lya Muntu Mupati Kwiinda Iwakaponede. Ikuti kalitako mumbungano, mulakonzya kubelesya bbuku limbi mbuli lya Baibulo-Kodi Ndilo Mawu a Mulungu Kapena a Muntu?, Ibbuku Lyangu Lyamakani Aa-Bbaibbele, naa lya Mulakonzya Kupona Kukabe Kutamani mu-Paradaiso Anyika ikuti kaliliko mumbungano. January: Imabbuku ali woonse aamapeeji aali 192 naa aakamwaigwa kautanasika mwaka wa 1991 alakonzya kumwaigwa. Imbungano zijisi bbuku lya Mankind’s Search for God zilakonzya kulibikkilizya amabbuku aamwaigwa. Ikuti bali aŋanda balikaka bbuku limwaigwa, amubaabile broshuwa ya Amulangile Lyoonse! February: Ibbuku lya Amubaa Cilongwe a Jehova liyakumwaigwa. Imbungano zitajisi bbuku eeli zilakonzya kubelesya bbuku lya Revelation Climax naa bbuku lili lyoonse lyakaindi livwuzyenye.
◼ Kutalikila munsondo iitalika mu April 17, 2006, tunooyiya bbuku lya Ino Ncinzi Cini Bbaibbele Ncoliyiisya? ku Ciiyo Cabbuku Cambungano. Imbungano zyeelede kuti kazinoojisi mweelwe weelede wamabbuku amumabala maniini amapati kuciindi eeco.
◼ Mulangizi weendelezya naa umwi ngwayootuma weelede kulingula nkomwi yamali yambungano mu December 1 naa cakufwambaana mbuli mbocikonzyeka bwainda buyo buzuba oobo. Naa kuli mali aabikkidwe ambali, mbuli aakubambuluzya naa aakuyasya, bubambe bweelede kubikkwa bwakwaalingula. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.
◼ Zyakusanga zicitwa lyamiswaangano yabbazu, muswaangano waalubazu, muswaangano wacooko azyeezyo zisangwa mutubbokesi twakusangila mu Ŋanda ya Bwami nyenzi kumulimo wanyika yoonse alimwi a Mali Aakugwasyilizya Kuyaka Maanda aa Bwami, zyeelede kupegwa mumali aamucisi cino. Kamutanasanga kwiinda mukubelesya cheki, amubuzye mulembi wambungano, mulangizi wamuswaangano wabbazu naa mulangizi wamuswaangano wacooko ikuti naa cilakonzyeka kucita boobo alimwi ambomunga mwacicita. Mali aasangwa kwiinda mukubelesya cheki akutuminwa kuofesi lyamutabi ayelede kulembwa kuti abbadelwa ku “Watch Tower.” Ikkeyala yakuofesi lyamutabi njeeyi: Watch Tower Society, Box 33459, Lusaka 10101.
◼ Ipulogilamu yaavidiyo yakuti Transfusion-Alternative Health Care—Meeting Patient Needs and Rights iyoolangwa-langwa a Muswaangano wa Mulimo wamu January. Ikuti kakuyandika, mbungano zitajisi mavidiyo aaya zilakozya kooda cakufwambaana.