Zyakwaambilizya
◼ Mabbuku aakumwaya mu May: Amwaabile Ngazi Yamulindizi a Awake! Ciindi nomupilukila kubantu bakatondezya luyandisisyo, ikubikkilizya abaabo ibajanika ku Ciibalusyo naa kumiswaangano imwi yeendelezyegwa a Leza pele ibataswaangani lyoonse ambungano, amubikkile maano ikubaabila bbuku lipya lya Ino Ncinzi Cini Bbaibbele Ncoliyiisya? Imbaakani yeelede kuba yakutalisya ciiyo ca Bbaibbele mubbuku eeli. June: Amwaabile bbuku lya Amwiiye ku Mwiiyi Mupati. Ikuti bamwi baamba kuti tabajisi bana, amubaabile bbuku lya Lukkomano Mumukwasyi. July a August: Kufwumbwa broshuwa akati kayaaya aajisi mapeeji aali 32 inga yabelesyegwa: Amutangale Abuumi Butamani a-Nyika!, Imfulumende Eeyo Iiyooleta Paradaiso, Sena Ncobeni Leza Ulatulanganya?, Iciindi Muntu Ngomuyanda Nafwa, Amulangile Lyoonse!, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, Mulongwe wa Leza alimwi aya Inzila Iisololela Kubuumi.
◼ Ibaku ofesi yamutabi tabatumini maoda aamabbuku aasikumwaya omwe buyo. Imulangizi weendelezya weelede kubona kuti amwezi kulaambilizyigwa kaitana tuminwa oda yambungano yaamwezi kumutabi kucita kuti boonse ibayanda mabbuku baambile mukwesu uulanganya mabbuku. Mwalombwa kuti kamwaayeeyede mabbuku aaodwa buyo caalubazu.
◼ Ibalembi bambungano beelede kuti kabajisi mafoomu manji aa Kulembela Mulimo Wabupainiya Bwaciindi Coonse (S-205) alimwi aa Kulembela Mulimo Wabupainiya Bwakugwasyilizya (S-205b). Mafoomu aaya alakonzya koodwa kubelesya Foomu Yakulombela Mabbuku (S-14). Mweelede kuba amafoomu ngomukonzya kubelesya mwaka woonse. Kamutana kwaatumya mafoomu aabaabo balembela mulimo wabupainiya bwaciindi coonse kumutabi, amube masimpe kuti mibuzyo yoonse yaingulwa.
◼ Mbwaanga mwezi wa July ujisi nsondo zyosanwe, unooli mwezi mubotu wakucita bupainiya bwakugwasyilizya.
◼ Mulangizi weendelezya naa umwi ngwayootuma weelede kulingula nkomwi yamali yambungano mu June 1 naa cakufwambaana mbuli mbocikonzyeka bwainda buyo buzuba oobo. Naa kuli mali aabikkidwe ambali, mbuli aakubambuluzya naa aakuyasya, bubambe bweelede kubikkwa bwakwaalingula. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.
◼ MALAILILE AALUBAZU: Zyakusanga zicitwa lyamiswaangano yabbazu, miswaangano yaalubazu, miswaangano yacooko azyeezyo zisangwa mutubbokesi twakusangila mu Ŋanda ya Bwami nyenzi kumulimo wanyika yoonse alimwi a Mali Aakugwasyilizya Kuyaka Maanda aa Bwami, zyeelede kupegwa mumali aamucisi cino. Kamutanasanga kwiinda mukubelesya cceki, amubuzye mulembi wambungano, mulangizi wamuswaangano wabbazu naa mulangizi wamuswaangano wacooko ikuti naa cilakonzyeka kucita boobo alimwi ambomunga mwacicita. Mali aasangwa kwiinda mukubelesya cceki akutuminwa kuofesi yamutabi ayelede kulembwa kuti abbadelwa ku “Watch Tower Society.” Ikkeyala yakuofesi yamutabi njeeyi: Watch Tower Society, Box 33459, Lusaka 10101.
◼ KULULAMIKA ZYAMUSWAANGANO WACOOKO: Myaambo yakumiswaangano yacooko yobile iilembedwe mu Mulimo Wesu wa Bwami wa March 2006 yakaindanyizyigwa, alimwi umwi tiiwakalembwa. Eeyo yakaindanyizyigwa yeelede kuba kuti: CHINGOLA - CW (Cibemba) alimwi CHIPATA - CN (Chichewa). Mwaambo watakalembwa ngwaku LYENGA - CN (Chichewa).
◼ Cilayandika kuti mafoomu abasikulilembya bupainiya bwaciindi coonse kaatuminwa kuofesi yamutabi kakucili mazuba aataleli ku 90 kabutanasika buzuba bwakutalika. Mulembi wambungano weelede kwaalanga mafoomu akubona kuti mibuzyo yoonse yaingulwa. Ikuti basikulilembya kabatabuyeeyi buzuba bwini nobakabbapatizyigwa, beelede kuyeeyela buyo buzuba akubelesya mbubo lyoonse. Mulembi weelede kubulemba buzuba oobu akkaadi Yambungano Aalembwa Milimo Yasikumwaya (S-21).
◼ Ma Compact Disc mapya aaliko:
Ncinzi Leza Ncayanda Kulindiswe?—Cingisi
A Satisfying Life—How to Attain It—Cingisi
◼ Kkaseeti mpya yacisobano iiliko:
Amubulemeke Bweendelezi bwa Jehova—Chichewa