Kwiinduluka Kwamu Cikolo Camulimo Weendelezyegwa a Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu August 28, 2006. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu July 3 kusikila munsondo iitalika mu August 28, 2006. [Malailile: Kujatikizya mibuzyo iitajisi bbuku litondezya nkobujanwa bwiinguzi, mweelede kuvwuntauzya kutegwa mujane bwiinguzi.—Amubone bbuku lya Cikolo Camulimo, pp. 36-7.]
ZIBEELA ZYAKUKANANA
1. Mbuti kulanga batuswiilila mbokutugwasya kuba bamayi babotu? (Mt. 19:25, 26; Inc. 14:9, 10) [be p. 124 munc. 3-p. 125 mun. 3]
2. Nkaambo nzi kukanana mbotukanana lyoonse ncokuyandika, alimwi ino ncinzi cikonzya kutugwasya kucita boobo notuli mumulimo wamumuunda? [be p. 128 minc. 1-5, kabbokesi]
3. Nkaambo nzi ncotweelede kubikkila maanu kubulondo bwesu? [be p. 131 minc. 1-3]
4. Mbuti ‘kulibombya akuba abulemu’ mbokubujatikizya kusama akulibamba kwesu? (1 Tim. 2:9) [be p. 131 munc. 4-p. 132 munc. 1]
5. Ino ninjiisyo nzi zyamu Bbaibbele nzyotweelede kubelesya kutegwa tube masimpe kuti mbotuboneka takutondezyi kuti tulombozya zintu zyamunyika? [be p. 133 minc. 2-3]
MAKANI NA. 1
6. Ino ncinzi cigwasya kapati mukubala? [be p. 21 munc. 3]
7. Notucitikilwa mapenzi aakatazya, nintaamu nzi zyobile nzyotukonzya kubweza kutegwa Leza atugwasye? [w04-CG 9/1 p. 14 munc. 5]
8. Ikuti twatalika kulibilika kapati kumilimo yaabuzuba, ino ncinzi ncotweelede kucita? [w04-CG 1/1 p. 16 munc. 8]
9. Ino kwiiya ninzi? [be p. 27 munc. 3]
10. Ino nimpindu mpati nzi bakubusi njobajana nobaswiilila Jehova? (Tus. 1:1-4) [w04-CG 5/1 p. 24 munc. 9, 10]
KUBALA BBAIBBELE KWANSONDO ANSONDO
11. Mumazuba aansiku, mbuti Jehova ‘mbwaakaambilizya’ calo cakapa kuti ‘banakazi bakanana makani mabotu’ kaili nkamu mpati, alimwi mbuti eeci mbocibeleka mazubaano? (Int. 68:11)
12. Ino ncinzi catikape kuti Asafu acite cintu catakaluleme, alimwi mbuti kuyeeya kwakwe mbokwakabambululwa? (Int. 73:2, 3, 17)
13. Nkaambo nzi mana aakali kupegwa bana Israyeli ncaakali kwiitwa kuti “maila aakujulu” alimwi akuti “zilyo zyabaangelo”? (Int. 78:24, 25)
14. Ino “ciyubilo ca-Mupatikampatila” ncinzi, alimwi mbuti mbotukonzya ‘kukkala’ mulincico? (Int. 91:1, 2)
15. Mbubuti lufwu lwabantu ba Jehova basyomeka mbocili cintu cipati mumeso aakwe? (Int. 116:15)