Bubambe Bupya Bwakutugwasya Kulikasya ku Bulowa

Kabunga Keendelezya kabamba pepa lipya lizumizidwe amulawo lya uupedwe nguzu zyakundiiminina kucibbadela lyalo likonzya kutupa bukwabilizi abumwi kujatikizya lusyomo lwesu kubulowa, ndyotunooamba buyo kuti kkaadi ya DPA.

Ikkaadi ya DPA inoobelesyegwa lyoonse alimwi njiinoomwaambilila nzyomuyanda noliba leelyo nomuli kumasi aambi. Mulakonzya kulemba kkaadi ya DPA mpya kumbele ikuti (1) kakuli kucinca kumwi nkomuyanda kucita akkaadi yenu ya DPA, mbuli kucinca nzyomuyanda, bantu bamwiiminina, makkeyala, amanamba aaluwaile, naa (2) kkaadi yanu ya DPA yasweeka naa kunyonyooka.

Mweelede kwiilanga-langa cakusinizya kkaadi ya DPA alimwi akwiilemba kabotu-kabotu kuŋanda. Pele kamutanaisaina kkaadi, cilayandika kapati kubona kuti zyoonse ziyandika amulawo zyatobelwa kabotu-kabotu. Mucikozyanyo, ikuti kkaadi yenu kayaamba kuti kuyandika bakamboni bobile kumubona kamusaina, beelede kuti kabaliko nomwiisaina. Balangizi baciiyo cabbuku balakonzya ciindi aciindi kulingula baabo batanalemba makkaadi mapya kubona kuti naa kuyandika lugwasyo.

Kamutanaivwunga kkaadi ya DPA, amupange makkopi aambi aamuntu uumwiiminina wakusaanguna, uumwiiminina wabili, dokotela alimwi ayakuyobola nobeni. Cimwi ciindi inga mwayanda kupa mapepa aamwi kubanamukwasyi alimwi amulembi wamumbungano momubede. Mapepa ayelede kuba aa A-4 mubupati, kkaadi ya DPA kiibikkidwe akati eeni apepa. Mweelede kwiiyobola nobeni kkaadi ini-ini ya DPA, ikutali yakupanga pe.

Identity Card yabana ba Bakamboni iijisi mwezi wa 3/99 wakasimbwa buya, taaku noyacinca pe. Bazyali beelede kuba masimpe kuti kkaadi yamwana aumwi yalembwa kabotu-kabotu akusainwa alimwi akuti mwana kali ayalo muziindi zyeelede.

Basikumwaya batabbapatizyidwe balakonzya kwaalembulula mabala aali akkaadi ya DPA alimwi a Identity Card kutegwa balilembele malailile aajatikizya busilisi ilwabo beni abana babo. Mulembi wambungano weelede kubaabila kkaadi ya DPA basikumwaya boonse bakabbapatizyigwa ino-ino mumwaka.