Zyakwaambilizya
◼ Mabbuku aakumwaya mu January: Ibbuku lili lyoonse lyamapeeji aali 192 naa lyakamwaigwa kautanasika mwaka wa 1991 lilakonzya kumwaigwa. Ikuti mbungano kazitajisi mabbuku aakaindi aamusyobo ooyu, zilakonzya kubelesya bbuku lya Luzibo naa broshuwa ya Amulangile Lyoonse! February: Amwaabile bbuku lya Amubaa Cilongwe a Jehova. Ikuti mbungano kaitajisi bbuku eeli, amubelesye bbuku lya Revelation Climax naa bbuku lyakaindi lili lyoonse lilundene. March: Amwaabile bbuku lya Bbaibbele Ncoliyiisya alimwi akusolekesya kutalisya ziiyo zya Bbaibbele. April: Amwaabile Ngazi Yamulindizi a Awake! Ciindi nomupilukila kubantu bakatondezya luyandisyo, ikubikkilizya abaabo ibajanika ku Ciibalusyo naa kumiswaangano imwi yeendelezyegwa a Leza pele ibataswaangani lyoonse ambungano, amusolekesye kubaabila bbuku lya Bbaibbele Ncoliyiisya kamujisi mbaakani yakutalisya ciiyo ca Bbaibbele.
◼ Ikutalikila mu February pele kabutanainda buzuba bwa March 4, makani aabuleya mapya ngobanookanana balangizi babbazu anoojisi mutwe wakuti “Nyika Mpya ya Leza—Ino Mbaani Bayooelela Kunjila?”
◼ Pulogilamu yaavidiyo yakuti Young People Ask—What Will I Do With My Life? iyoolangwa-langwa lya Muswaangano wa Mulimo mu April. Ikuti kaayandika, mavidiyo alakonzya koodwa kwiinda mumbungano cakufwambaana.
◼ Mbungano zyeelede kubikka bubambe bweelede bwakuyoocita Ciibalusyo mwaka uuno mu Muhulo, April 2 lyaakubbila zuba. Nokuba kuti makani alakonzya kufwambaana kutalika, pele kwiinzya zitondezyo takweelede kucitwa ikuti zuba kalitanabbila. Amubuzye kuli baabo bazi ciindi nolibbila zuba kubusena ooko nkomukkala. Cilainda kubota kuti mbungano aimwi ibe a Ciibalusyo cayo. Pele, talili lyoonse eeci nocikonzyeka. Mumasena oomo mbungano zili mbozibede mozibelesya Ŋanda ya Bwami yomwe, ambweni mbungano yomwe naa ziinda aawo inga zyajana busena bumbi bwakubelesya mangolezya aayo. Ikuti kacikonzyeka, tuyeeya kuti inga cagwasya ikuti mapulogilamu kaandeene amaminiti aali 40 kutegwa bantu boonse bagwasyigwe kapati kukuyanzana camana Ciibalusyo. Mweelede kubikkila maanu kubweende bwamyootokala alimwi ampiisiigwa kubikkilizya aakuselusyila bantu alimwi aakutantila. Kabunga kabaalu keelede kucita bubambe ibukonzya kugwasya kubusena ooko.
◼ Ciindi ca Ciibalusyo camu 2007 takukayandiki kooda Tupepa twakutamba bantu ku Ciibalusyo mbokunga tuyootuminwa kakucili ciindi kumbungano aimwi kacitanasika Ciibalusyo. Tupepa twakutamba bantu tunooliko mu Chichewa, Chitonga, Cibemba, Cingisi, Cikaonde, Cilunda, Cilubale, Cilozi, a Ciswahili. Kuzwa mu 2007 kuya kumbele, tupepa twakutamba bantu tatunoogaminide buyo mwaka omwe, nkokuti twasyaala tulakonzya kuyobolwa akubelesyegwa mwaka amwaka. Aboobo basikumwaya beelede kubikkila maanu kulemba ciindi alimwi akkeyala atupepa twaciibalusyo lilikke eelyo notwayandika. Cili boobu akaambo kakuti tupepa tusyaala tulakonzya kuyoobelesyegwa mwaka uuboola ikuti katutana kulembwa. Ikuti kakuyandika tumbi naa myaambo iimbi kuleka tooto ntomwatuminwa, mulakonzya kooda kwiinda mukubelesya Foomu Yakoodela Mabbuku (S-14). Mwalombwa kuti mutondezye kuti ootu ntwakuyungizya ali tooto twakatuminwa.
◼ Bbuku lipya liliko:
Sungwaala Kukubala Akukulemba—Cikaonde