Zyakwaambilizya
◼ Mabbuku aakumwaya mu July a August: Kufwumbwa broshuwa akati kayaaya aajisi mapeeji aali 32 inga yabelesyegwa: Sena Ncobeni Leza Ulatulanganya?, Amutangale Abuumi Butamani a-Nyika!, Amulangile Lyoonse!, Imfulumende Eeyo Iiyooleta Paradaiso, Ino Buumi Bujisi Mulimonzi?—Mbubuti Mbomunga Mwabujana?, Iciindi Muntu Ngomuyanda Nafwa, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, Mulakonzya Kuba Mulongwe wa Leza!, alimwi ayakuti Sena Mwakaijana Kale Inzila Iisololela Kubuumi Butamani? September: Ino Ncinzi Cini Bbaibbele Ncoliyiisya? Amusolekesye kutalisya ziiyo zya Bbaibbele mukuswaya kwakusaanguna. Ikuti bali aaŋanda kabalijisi kale bbuku eeli, amubatondezye mbolikonzya kubagwasya kwiinda mukubatondezya mubufwaafwi mbocicitwa ciiyo ca Bbaibbele. October: Mamagazini aa Ngazi Yamulindizi a Awake! Ikuti bamwi balibonya kubikkila maanu, amubatondezye alimwi akubandika katulakiti kakuti Sena Mulayanda Kuzyiba Zinji Kujatikizya Bbaibbele? kamujisi mbaakani yakutalisya ciiyo ca Bbaibbele.
◼ Mbwaanga mwezi wa September ujisi mazuba aamu Mujibelo amu Nsondo aali osanwe, unooli mwezi mubotu wakucita bupainiya bwakugwasilizya.
◼ Kutalikila mu September, balangizi bamabbazu banookanana makani aabuleya aajisi mutwe wakuti “Ino Ncinzi Cipa Bbaibbele Kuba Bbuku Lisyomeka?”
◼ Cilayandika kuti mafoomu abasikulilembya bupainiya bwaciindi coonse kaatuminwa kuofesi yamutabi kakucili mazuba aataleli ku 90 kabutanasika buzuba bwakutalika. Mulembi wambungano weelede kwaalanga mafoomu akubona kuti mibuzyo yoonse yaingulwa. Ikuti basikulilembya kabatabuyeeyi buzuba bwini nobakabbapatizyigwa, beelede kuyeeyela buzuba buyo akububelesya lyoonse. Mulembi weelede kubulemba buzuba oobu akkaadi Yambungano Aalembwa Milimo Yasikumwaya (S-21).
◼ Ikubala mabbuku alimwi amamagazini ikucitwa amwaka kweelede kuyoocitwa mu August 31, 2007 naa bwainda buyo buzuba oobu. Kubala ooku kulikozyene akooko kucitwa amwezi amweendelezi wamabbuku alimwi mweelwe woonse weelede kulembwa afoomu ya Mweelwe Wamabbuku Aaliko (S-18). Kamutanabala mabbuku, mwalombwa kubona masimpe kuti mabbuku aaodwa caalubazu aakalombwa abasikumwaya kubagama akapegwa kale kuli mbabo. Mweelwe woonse wamamagazini aaliko weelede kujanwa kumubelesi wamamagazini. Mulembi wambungano yeendelezya nguuyelede kweendelezya mukubala ooku. Walo amulangizi weendelezya wamumbungano yeendelezya beelede kwiisaina foomu. Mbungano yeendelezya aimwi iyootambula mafoomu otatwe aalembedwe kuti Mweelwe Wamabbuku Aaliko (S-18) mumpasya yamabbuku aamwezi wa July/August. Mwalombwa kuti yakusaanguna mwiitumine kuofesi yamutabi kabutanainda buzuba bwa September 6. Yabili amwiiyobole mumafailo aanu. Yatatu ilakonzya kubelesyegwa nokubalwa mabbuku.
◼ DVD mpya Yamumyaambo Minji iiliko:
The Bible—A Book of Fact and Prophecy—On DVD (dvbbl-DVC)—Cingisi, ci Arabic, ci Dutch, ci Malagasy, Cipotyugiizi (caku Brazil), Cipotyugiizi (caku Europe) alimwi a Cisipanisyi (Iili a DVD yomwe)