Kwiinduluka Kwamu Cikolo Camulimo Weendelezyegwa A Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu December 31, 2007. Mulangizi wacikolo uyooyendelezya mubandi wakwiinduluka wamaminiti aali 30 kujatikizya makani aakabandikwa kuzwa munsondo iitalika mu November 5 kusikila munsondo iitalika mu December 31, 2007.
ZIBEELA ZYAKUKANANA
1. Ino ntwaambo nzi ntotweelede kuyeeya kutegwa tube amamanino aakulwaizya? [be p. 221 munc. 1-4]
2. Mbuti mbotunga twaba masimpe kuti nzyotwaamba mumulimo wamumuunda zililuzi? [be p. 223 munc. 2-4]
3. Ino mbuti mbotukonzya kutondezya kuti nzyotwaamba kumiswaangano yambungano zilimvwisya kuti tulalulemeka lubazu ndoijisi mbungano kuti “ngomusemu, alimwi ncecisiko calusinizyo”? (1 Tim. 3:15) [be p. 224 minc. 1-4]
4. Nkaambo nzi ikubona kuti ncobeni makani ngotwaamba aliluzi ncokuyandika, alimwi ino mbuti mbotunga twacita oobo? [be p. 225 minc. 1-2]
5. Notuyiisya, mbuti makani eesu mbotukonzya kwaakanana munzila iitakatazyi kumvwa kubantu? [be p. 226 munc. 3–p. 227 munc. 2]
MAKANI NA. 1
6. Ntwaambo nzi tutondezya kuti cibalo coonse cabusinsimi bwa Jona tacidoonekwi kuti cilasyomeka? [bsi07 p. 18 munc. 3]
7. Mbusinsimi nzi bwa Mika bweendelana abulelo bwa Bwami bwa Leza mubweendelezi bwa Kristo Jesu? [bsi07 p. 20 munc. 18]
8. Ntwaambo nzi tutondezya kuti ibbuku lya Habakuku lyakasololelwa aa Leza? [bsi07 p. 23 munc. 4]
9. Nkaambo nzi ncotukonzya kwaamba kuti mu 520 B.C.E. bama Juda tiibakalina kuzuzikizya makanze aabo aakupilukila kuzwa mubuzike? (Hag. 1:4) [bsi07 p. 27 munc. 3]
10. Mbuzuba nzi bukondelezya mbwaakali kwaamba Zekariya cakwiinduluka-induluka? [bsi07 p. 30 munc. 26]
KUBALA BBAIBBELE KWANSONDO ANSONDO
11. Ino mbuti businsimi bwa Joeli bwakusaala kwazyuuka mbubwakazuzikizigwa mumwaanda wamyaka wakusaanguna, alimwi ino buzuzikizigwa buti mazuba aano? (Joel. 2:1-10, 28) [w07 10/1 “Ijwi lya Jehova Lili Abuumi—Twaambo Tupati-Pati Kuzwa Mubbuku lya Joeli alya Amosi”]
12. Ino “cisuwo camicelo yamainza” cakali kwiiminina nzi? (Am. 8:1, 2) [w07 10/1 “Ijwi lya Jehova Lili Abuumi—Twaambo Tupati-Pati Kuzwa Mubbuku lya Joeli alya Amosi”]
13. Muunzila nzi Jehova ‘mbwaakafwa insoni kumakani aamapenzi ngaatikabacitile bana Nineve,’ alimwi ino eeci ceelede kutujatikizya buti? (Jon. 3:10) [w03 8/1 pp. 17-18]
14. Ino kweenda muzina lya Jehova caamba nzi? (Mik. 4:5) [w03 9/1 p. 14 munc. 19]
15. Ino ndilili Jehova naakaboola ‘kutempele’ lyakwe mumazuba aano kuzyoobeteka alimwi ino nzintu nzi zibotu zyakacitika? (Malk. 3:1-3) [w04 3/1 pp. 29-30 minc. 15-18]