Zyakwaambilizya

◼ Mabbuku aakumwaya mu March: Ino Ncinzi Cini Bbaibbele Ncoliyiisya? Kamubikkila maano kutegwa mutalisye ciiyo ca Bbaibbele. April a May: Magazini ya Ngazi Yamulindizi a Sinsimuka! Kuya kuba bubambe bwakuswaya bantu bajisi luyandisisyo ibakajanika ku Ciibalusyo akumakani aalubazu pele batajaniki-janiki kumbungano. Ikaambo kapati kakubaswaila batana talika kwiiya nkakutalisya ciiyo ca Bbaibbele. June: Ibbuku lya Mankind’s Search for God naa The Bible—God’s Word or Man’s? Mbungano zitajisi mabbuku aaya zilakonzya kwaabila bbuku lya Amukombe Leza Mwini-Mwini Uuli Alikke.

◼ Mbungano zyeelede kwaabila basikumwaya mamagazini mapya aa Ngazi Yamulindizi a Sinsimuka! mbwaasikila buyo. Eeci ciya kupa kuti basikumwaya batuzyibe twaambo tuli mukati kabataninga aabila mamagazini mumulimo wamumuunda.

◼ Muntu umwi wasalwa amulangizi weendelezya weelede kulingula nkomwi yamali yambungano yamyezi ya December, January a February. Tamweelede kubelesya muntu omwe lyoonse. Mwaakumana, amukaambilizye kumbungano eelyo nokuyoobalwa lipooti yankomwi yamali iitobela.—Amubone foomu ya Malailile Aajatikizya Mbokweendelezyegwa Maakkaunti Aambungano (S-27).

◼ Iba Ofesi lya Mutabi tabatumini maoda aamabbuku aasikumwaya omwe buyo. Basikumwaya beelede kooda mabbuku kwiinda mumbungano. Imulangizi weendelezya weelede kubona kwaamba kuti mwezi amwezi kulaambilizyigwa kaitana tuminwa oda yambungano yaamwezi kumutabi kucita kuti boonse ibayanda mabbuku baambile mukwesu uulanganya mabbuku. Kamwaayeyede mabbuku aawodwa buyo caalubazu. (Imbungano yeelede kooda mabbuku aawodwa buyo caalubazu lilikke nokuli umwi waoda.) Foomu yakoodela Mabbuku (S-14) yeelede kutuminwa cakufwambaana amwezi nokuba kuti mwaoda buyo mabbuku masyoonto.

◼ Babelesi bamamagazini beelede kuti kababala mweelwe wa Ngazi Yamulindizi yakwiiya ayabuleya alimwi a Sinsimuka! ngobatambula. Ikuti mamagazini ngobatambula manji naa masyoonto balakonzya kucinca cakufwambaana kwiinda mukubelesya Foomu ya Koodela Magazini ya M-202. Kamuyeeyede kuti cilakonzya kutola myezi iili mboibede kutegwa mweelwe ucince.

◼ Mbungano zyeelede kutalika koonda mabbuku aamamagazini aa Ngazi Yamulindizi alimwi a Awake! amu 2007 muoda yabo yamabbuku iitobela. Mabbuku aamamagazini aaya anooliko mu Cingisi amu Chifulenci. Ikusikila mabbuku aamamagazini aaya akabeko alimwi akutuminwa, apepa lyambungano litondezya mpasya zilongedwe nzyobatambula kunoolembedwe kuti, “Aakale.” Mabbuku aamamagazini zyakooda zyaalubazu.

◼ Mabbuku Mapya Aaliko:

“Come Be My Follower” (cf)—Chichewa, Chibemba, Chingisi, and Chifulenci

“Come Be My Follower”—Mabala mapati-pati (cflp)—Chibemba, Chingisi, a Chifulenci

Watch Tower Publication Index 2006 (dx06)—Mwaambo Wakutambaika Waku America