Kwiinduluka Kwamu Cikolo Camulimo Weendelezyegwa a Leza
Mibuzyo iitobela iyoobandikwa mu Cikolo Camulimo Weendelezyegwa a Leza munsondo iitalika mu February 23, 2009. Mulangizi wacikolo uyooyendelezya kwiinduluka kwamaminiti aali 20 kujatikizya makani aakabandikwa kuzwa munsondo iitalika mu January 5 kusikila munsondo iitalika mu February 23, 2009.
1. Ino mbuti Leza mbwaakali kukonzya kuleta mumuni mubuzuba bwakusaanguna ikuti zuba, mwezi anyenyezi tiizyakalinalengwa kusikila mubuzuba bwane? (Matl. 1:3, 16) [w04 1/1 p. 6 munc. 5]
2. Ino nkaambo nzi Jehova ncaatakaambila Nowa kuti aibombye nyika mbuli mbwaakaambila Adamu katanabisya? (Matl. 9:1) [it-2 p. 1095 munc. 6]
3. Ino ndilili Cizuminano ca Abrahamu nicakatalika kubeleka alimwi kwaciindi cilamfwu buti? (Matl. 12:1-4) [w04 2/1 p. 14 munc. 4; w01 9/1 p. 9 munc. 13]
4. Ino ncinzi citondezya kuti Nimrodi antoomwe abantu ibakali kumutobela bakaalilwa kuzuzikizya makanze aabo ‘aakulicitila mpuwo’? (Matl. 11:4) [w98 3/15 p. 25]
5. Mbwaanga Loti wiitwa kuti muntu “uululeme” kulugwalo lwa 2 Petro 2:7, ino nkaambo nzi ncaakayandila kupa bana bakwe basimbi kunkamu yalupyopyongano? (Matl. 19:8) [w05 2/1 p. 30 minc. 15-16; w04 2/1 p. 15 munc. 1]
6. Mbwaanga balumi ibayoowa Leza beelede kubamba mikwasyi yabo, ino nkaambo nzi Abrahamu ncaakamutandila munkanda Hagare alimwi a Ismayeli? (Matl. 21:10-21; 1 Tim. 5:8) [w88 2/15 p. 31]
7. Ino nciiyo nzi ncotukonzya kwiiya kuzwa kuli Eliezere kujatikizya mbwaakasoleka kucita zyintu mbuli mbwayanda Jehova ikujanina Izaka mukaintu? (Matl. 24:14, 15, 17-19, 26, 27) [w97 1/1 p. 15 munc. 2]
8. Ino ciloto ca Jakobo cabangelo ‘ibakali kuya butanta akuseluka acitantilo’ caamba nzi? (Matl. 28:10-13) [w03 10/15 p. 29 munc. 1; it-2 p. 189]
9. Ino nkaambo nzi Rakele ncaakali kuyandisya kuti apegwe mucelo waluzyalo amwana wa Leya? (Matl. 30:14, 15) [w04 2/1 p. 16 munc. 7]
10. Ino Jakobo upa cikozyanyo nzi cibotu kumakani aakubamba twaambo twakutamvwana? (Matl. 33:3, 4) [g82 2/22 p. 19 minc. 8-10]