Zyakwaambilizya

◼ Mabbuku aakwaabila mu March: Ino Ncinzi Cini Bbaibbele Ncoliyiisya? Basikumwaya beelede kusolekesya kutalisya ziiyo zya Bbaibbele kubantu mbobaabila bbuku eeli naa ikuti bamukamwini ŋanda kabalijisi kale bbuku eeli. April a May: Mamagazini aa Ngazi Yamulindizi alimwi a Sinsimuka! Nomupilukila kubantu ibakatondezya luyandisisyo, kubikkilizya abaabo ibakajanika ku Ciibalusyo naa kumiswaangano imwi, pele batajaniki-janiki kumbungano, amubikkile maano kubaabila bbuku ilyakuti Ino ncinzi Cini Bbaibbele Ncoliyiisya? Mweelede kuba amakanze aakutalisya ciiyo ca Bbaibbele. June: Ino Ncinzi Cini Bbaibbele Ncoliyiisya? Ikuti bamukamwini ŋanda kabalijisi kale bbuku eeli, basikumwaya balakonzya kumwaya bbuku lili lyoonse ilijisi mapeeji aali 192 naa bbuku lili lyoonse ilyakalembwa kautanasika mwaka wa 1995.

◼ Imamagazini mapya aa Ngazi Yamulindizi a Awake! aelede kwaabilwa kuli basikumwaya mbwaasikila buyo. Eeci ciyoopa kuti basikumwaya batuzyibe twaambo tuli mukati kabataninga kwaabila mamagazini mumulimo wamumuunda.

◼ Ciibalusyo ciyoocitwa muli Bwabili, March 30, 2010. Tuyoobelesya nyimbo namba 8 alimwi anamba 109 izizwa mubbuku lyanyimbo lipya. Ikuti mbungano yenu kaicita miswaangano muli Bwabili, eeyi yeelede kucitwa mubuzuba bumbi mumvwiki. Ikuti kakuli mbungano zinji zibelesya Ŋanda ya Bwami alimwi muswaangano taukonzyi kucitwa mubuzuba bumbi, inga mwauleka buyo. Zibeela zya Muswaangano wa Mulimo izigwasya kapati kumbungano yenu inga zyabikkilizyigwa mu Muswaangano wa Mulimo wamunsondo iimbi.