Zyakwaambilizya

◼ Mabbuku akwaabila mu April a May: Mamagazini aa Ngazi Yamulindizi alimwi a Sinsimuka! Nomupilukila kubantu ibakatondezya luyandisisyo, kubikkilizya abaabo ibakajanika ku Ciibalusyo naa kumiswaangano imwi, pele batajaniki-janiki kumbungano, amubikkile maano kutalisya ziiyo zya Bbaibbele kubelesya bbuku lya Bbaibbele Ncoliyiisya. June: Ino Ncinzi cini Bbaibbele Ncoliyiisya? Amusolekesye kutalisya ziiyo zya Bbaibbele mulweendo lwakusaanguna. Ikuti bamukamwini ŋanda kabalijisi kale bbuku eeli alimwi bakaka ciiyo ca Bbaibbele, basikumwaya balakonzya kwaabila magazini yakaindi naa broshuwa ili yoonse iijisi makani aamukkomanisya muntu. July: Kufwumbwa broshuwa akati kayaaya aamapeeji aali 32 aakonzya kukkomanisya bantu bamucilawo canu: Iciindi Muntu Ngomuyanda Nafwa, Myuuya Yabafwide—Sena Inga Yamugwasya Naba Kumucisa? Sena Ncobeni Nkwiili?, Mulakonzya Kuba Mulongwe wa Leza, The Bible—What is Its Message?, Jehovah’s Witnesses—Who Are They?, alimwi ayakuti, Sena Mwakaijana Kale Inzila Iisololela Kubuumi Butamani?

◼ Mulongo wamuswaangano wamumvwiki iitobelwa amvwiki yamuswaangano wacooko ulakonzya kucincwa kutegwa mukainduluke malailile ajatikizya kujanika kumuswaangano wacooko. Kwaakwiinda mwezi omwe naa yobilo kuzwa muswaangano wacooko waakwiinda, mubusena bwa cibeela caziyandika mumbungano mulakonzya kwiinduluka twaambo twakayiigwa kumuswaangano wacooko twabagwasya basikumwaya mumulimo wakukambauka.

◼ Kutalikila mu May, mbungano zyoonse zyeelede kubelesya buzuba bwa Mujibelo bwakusaanguna mwezi amwezi kutalisya ziiyo zya Bbaibbele. Zibalo zitobelana zili mu Ngazi Yamulindizi zijisi mutwe wakuti: “Amwiiye Ncolyaamba Jwi lya Leza” zyakabambilwa kuti kazigwasya basikumwaya kutalisya ziiyo zya Bbaibbele. Peeji lyamamanino mu Mulimo Wesu wa Bwami umwi aumwi linoojisi nzila zitondezya mbotukonzya kucita oobo mumwezi uutobela, kubikkilizya anzila iitondezya mbotukonzya kutalisya ziiyo zya Bbaibbele mubuzuba bwa Mujibelo bwakusaanguna.